ENG / GEO
032 2 505 222
ENG / GEO
აერობიკა
ფიტნესი
აერობიკა
ყველასთვის ცნობილია, რომ ვარჯიში და ფიზიკური აქტივობა ჯანმრთელობის განუყოფელი ნაწილია. ვარჯიშის ერთ-ერთი საუკეთესო სახეობაა ფიზკულტურა წყალში, რაც მოიცავს ცურვას და აქვა-აერობიკას. 1 საათში თქვენ დახარჯავთ 400-დან 500 კკალ-მდე და ადვილად შეძლებთ წონის დაკლებას. წყალს დაახლოებით 12-ჯერ უფრო მეტი წინაღობა აქვს ვიდრე ჰაერს, ამიტომ ძალიან კარგი საშუალებაა კუნთების გამაგრებისთვის.
 
ვარჯიში წყალში იდეალურია მათთვის, ვისაც აწუხებს ჭარბი წონა. რადგან წყალში, თქვენ გრძნობთ თქვენი სხეულის წონის მხოლოდ 10%-ს, რაც ვარჯიშს უფრო ადვილს და სასიამოვნოს ხდის.

წყლის ვარჯიშები ასევე იდეალურია მათთვის, ვისაც აწუხებს სახსრების და ხერხემლის ტკივილი. ცურვა და წყლის ვარჯიშები ამაგრებენ კუნთებს ხერხემლის და სახსრების დატვირთვის გარეშე, რაც ამცირებს ტკივილს და ტკივილგამაყუჩებელი პრეპარატების მიღების საჭიროებას. ამიტომ ეს პროცედურები ხშირად ენიშნებათ პაციენტებს ექიმების მიერ.

აქვა-აერობიკა გაგიუმჯობესებთ გუნება-განწყობას და იდეალურია მათთვის, ვისაც აწუხებს მსუბუქი დეპრესია, ფიბრომიალგია, ან იმყოფება მუდმივი სტრესის ქვეშ. ქრონიკული ვენური უკმარისობის დროს, აქვა- აერობიკა მნიშვნელოვნად ამცირებს ისეთ სიმპტომებს, როგორიც არის ფეხების შეშუპება, ტკივილი და დისკომფორტი.

ზაფხულში ბევრი ადამიანი უარს ამობობს ვარჯიშზე, რადგან სიცხეში ფიზიკური დატვირთვა ბევრად ძნელია. აქაც გამოსავალი არის ვარჯიში წყალში, სადაც არც სიცხე შეგაწუხებთ და არც ჭარბი ოფლიანობა.
22
06.2021
ზურაბ ქიტოშვილი: ,, ჯეო ჰოსპიტალსი“ საქართველოს მასშტაბით მასობრივი ვაქცინაციის ცენტრების მობილიზებაში ერთვება“
ვაქცინაციის პროცესის გაფართოებისთვის და კიდევ უფრო ეფექტურად წარმართვისთვის საჭირო ღონისძიებებზე იმსჯელეს, პრემიერის ინიციატივით გამართულ შეხვედრაზე, რომელსაც ქვეყნის წამყვანი კლინიკების ხელმძღვანელები ესწრებოდნენ. მხარეებმა საქართველოს მასშტაბით დიდ ქალაქებში მასობრივი ვაქცინაციის ცენტრების მაქსიმალურად დროულად მობილიზების საკითხები განიხილეს.
გაიგეთ მეტი ყველა სიახლის ნახვა