ENG / GEO
032 2 505 222
ENG / GEO
“ჯეო ჰოსპიტალსი“- ს ქსელმა განაახლა COVID-19 თან დაკავშირებული პრევენციული ღონისძიებები
10.08.2020
“ჯეო ჰოსპიტალსი“- ს ქსელის მასშტაბით, COVID-19 თან დაკავშირებული პრევენციული ღონისძებების, მათ შორის ,დასაქმებული პერსონალის ყოველდღიური ჯანმრთელობის მდგომარეობის ტესტირებისთვის ,ჯანმრთელობის დაცვის მსოფლიო ორგანიზაციის მიერ განახლებულ რეკომენდაციებზე, კლინიკის დირექტორების ჩართულობით ონლაინ კონფერენცია ჩატარდა. პარალელურად სამედიცინო ცენტრებში პაციენტთა იზოლაციის, ტრიაჟის ზონის თავისებურებებისა და ნაკადების უსაფრთხო გადაადგილების თემატიკაზე სწავლება ჩატარდა.
“ჯეო ჰოსპიტალსი“-ს ქსელი თანმიმდევრულად ახორციელებს სხვადასხვა ტიპის აქტივობებს, COVID-19 თან დაკავშირებული განახლებული პრევენციული ღონისძებების, ასევე, დასაქმებული პერსონალის ყოველდღიური ჯანმრთელობის მდგომარეობის, მათ შორის, თერმოსკრინინგისა და პერიოდული სავალდებულო ტესტირების განხორციელებისა და დოკუმენტირების, პერსონალის უსაფრთხოების შიდა წესები, რომლებიც დაფუძნებულია ქვეყანაში მოქმედ კანონმდებლობასა და ჯანმრთელობის დაცვის მსოფლიო ორგანიზაციის რეკომენდაციებზე. სწავლება მიმდინარეობს პაციენტთა იზოლაციის, ტრიაჟის ზონის თავისებურებებისა და ნაკადების უსაფრთხო გადაადგილების თემატიკაზეც.
ქსელის კლინიკებში ასევე ,აქტიურად მიმდინარეობს უწყვეტი ტრენინგი: თეორიული და პრაქტიკული სწავლების ფორმატში.
უწყევტი სწავლების მესამე ეტაპზე ტესტური სწავლება გაიარა 500 მდე ექთანმა. გატარებული ღონისძიებების შედეგად უსაფრთხოების დოკუმენტაცია მთელი ქსელის მასშტაბით განახლდა.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.