ENG / GEO
032 2 505 222
ENG / GEO
„ჯეო ჰოსპიტალსი“-ს ქსელში, აქტიურ რეჟიმში გრძელდება პროფილაქტიკური აცრები
30.10.2020
შპს „ჯეო ჰოსპიტალსის“ სამედიცინო დაწესებულებებში აქტიურ რეჟიმში გრძელდება პროფილაქტიკური აცრების ეროვნული კალენდრით გათვალისწინებული თორმეტივე დაავადების (ტუბერკულოზი, B ჰეპატიტი, დიფთერია, ყივანახველა, ტეტანუსი, პოლიომიელიტი, ჰემოფილუს ინფლუენცა ტიპი b, წითელა, წითურა, ყბაყურა, როტავირუსული და პნევმოკოკური ინფექციები) საწინააღმდეგო ვაქცინაცია.

აღსანიშნავია, რომ ვაქცინაცია წარმოებს ჯანდაცვის სამინისტროს სათანადო რეკომენდაციების სრული დაცვით; ამავდროულად, თითოეული პირის იმუნიზაციის შესახებ გადაწყვეტილებას იღებს ექიმი, ვაქცინაციის უკუჩვენებების გათვალისწინებით. შესაბამისად, თუ ჩვენს ბენეფიციარს აქვს საშუალო სიმძიმის ან მძიმე მწვავე დაავადება ტემპერატურით ან მის გარეშე, ვაქცინაცია მის გამოჯანმრთელებამდე არ ტარდება.

ინფექციური დაავადებების ჩამონათვალი, რომელთათვისაც სავალდებულოა ვაქცინაცია და მათი ჩატარების ასაკობრივი მაჩვენებლები/ვადები დადგენილია პროფილაქტიკური აცრების ეროვნული კალენდრით. კალენდრის მიხედვით, მაგალითად, ტუბერკულოზის საწინააღმდეგო ვაქცინაცია ტარდება სამშობიარობებშივე, ახალშობილის დაბადებიდან 5 დღის განმავლობაში, ხოლო წითელა/წითურას პირველი ვაქცინაცია ხორციელდება 1 წლის, წითელა/წითურას შემდგომი ვაქცინაცია (რევაქცინაცია) კი - 5 წლის ასაკში. აქედან გამომდინარე, ჩვენი პერსონალი ყოვედღიურ რეჟიმში ზრუნავს, რომ ბენეფიციარებმა დროულად ჩაიტარონ ეროვნული კალენდრით განსაზღვრული ვაქცინაცია, რაც იმუნიზაციით მართვადი დაავადებების თავიდან აცილების ყველაზე ეფექტური გზაა. შექმნილი ეპიდემიოლოგიური ვითარების გათვალისწინებით, იმუნიზაციისას უზრუნველყოფილია პაციენტისა და პერსონალის მაქსიმალური დაცულობა. კერძოდ, შპს „ჯეო ჰოსპიტალსის“ ქსელში დანერგილია პაციენტების წინასწარი ჩაწერის სისტემა, ყველა პაციენტი და მისი თანმხლები გადის თერმოსკრინინგს, დიდი ყურადღება ექცევა პერსონალისა და ვიზიტორების მიერ ინდივიდუალური დაცვის საშუალებების (მაგალითად, პირბადე, ერთჯერადი ხელთათმანები და სხვა) გამოყენებას და დაწესებულებებში ადეკვატური სანიტარული რეჟიმის შენარჩუნებას.  შესაბამისად, შპს „ჯეო ჰოსპიტალსის“ ქსელი დიდი პასუხისმგებლობით ეკიდება მოსახლეობისათვის უსაფრთხო იმუნიზაციის სერვისის მიწოდებას, რაც დღეს, COVID-19-ის პანდემიის პირობებში განსაკუთრებით მნიშვნელოვანია.

„იმუნიზაცია ადამიანის ერთ-ერთი ძირითადი უფლებაა, ხოლო იმუნიზაციის გზით დაავადებების პროფილაქტიკა მოსახლეობის ჯანმრთელობის გასაღებია.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.