ENG / GEO
032 2 505 222
ENG / GEO
ბორჯომის ,,ჯეო ჰოსპიტალსი,,-ს ონლაინ კლინიკა საჭიროების შემთხევაში ბინაზე პაციენტებს ჟანგბადის კონცენტრატორებით უზრუნველყოფს
18.12.2020
ბორჯომის ,,ჯეო ჰოსპიტალსის“ ონლაინ კლინიკის მეშვეობით ბინაზე ჟანგბად დამოკიდებული კოვიდპაციენტების მართვა, ჟანგბადის კონცენტრატორების მეშვეობით გახდება შესაძლებელი. ოჯახის ექიმის გადაწყვეტილებით პაციენტს, რომელსაც სუნთქვა უჭირს, დროებით სარგებლობაში ჟანგბადის აპარატს გადასცემენ.

პაციენტებისთვის ახალი სამედიცინო სერვისი ხელმისაწვდომი, ბორჯომის ადგილობრივი ხელისუფლების ჩართულობით გახდა შესაძლებელი. გადატვირთული ჰოსპიტალური სექტორის ფონზე , სტარტეგიულად ,,მნიშვნელოვანი იყო ონლაინ კლინიკის ამოქმედება, რამაც საშუალება მოგვცა ბინაზე კოვიდპაციენტების ეფექტურად მართვა გაგვეხორციელებინა. ამიტომ კიდევ უფრო მნიშვნელოვანია სუნთქვის პრობლემების მქონე პაციენტების საჭირო სამედიცინო სერვისით ადგილზე უზრუნველყოფა. ეს შესაძლებლობა ერთდროულად საშუალებას გვაძლევს ჰოსპიტალიზაციის გარეშე, ბინაზევე გავუწიოთ გადაუდებელი დახმარება და მაქსიამლურად სწრაფად მოვხსნათ პაციენტებში ხშირად არსებული, თანმდევი ფსიქოლოგიური სტრესიც.“-განაცხადა ბორჯომის ,,ჯეო ჰოსპიტალსის“ სამედიცინო ცენტრის დირექტორმა ირაკლი დიასამიძემ, რომლის თქმითაც ბორჯომის მრავალპროფილური სამედიცინო ცენტრი აპრილის თვიდან ონლაინ კლინიკის რეჟიმში ეფექტურად მართავს ბინაზე პაცინეტებს , 10 დეკემბრიდან კი კოვიდპაციენტების ჰოსპიტალიზაციის პროცესშიც ჩაერთო. ,,ფაქტია, სახელმწიფოსა და კერძო სექტორის თანამშრომლობა პანდემიის დროს კიდევ უფრო ეფექტურს ხდის Covid-19 მართვის პროცესს“- აღნიშნა ბორჯომის მერის მოვალეობის შემსრულებელმა დავით ზაალიშვილმა, მუნიციპალიტეტში გამართულ შეხვედრაზე, სადაც სამედიცინო ცენტრს 4 აპარატი გადასცა. მერიამ რეგიონის მოსახლეობისთვის საჭირო სამედიცინო ტექნიკა, რამდენიმე ეტაპად შეიძინა, რის შედეგადაც უკვე 14 ერთეული ჟანგბადის კონცენტრატორია ხელმისაწვდომი.

შეგახსენებთ, რომ ,,ჯეო ჰოსპიტალსის“ რეგიონალური ქსელი უზრუნველყოფს დამატებითი საწოლფონდის მობილიზების შედეგად კოვიდ პაციენტების ჰოსპიტალიზაციას. მნიშვნელოვანია, რომ მენეჯმენტის გადაწყვეტილებით ნაწილი სამედიცინო ცენტრები, ჰიბრიდული სტატუსით აგრძელებენ ფუნქციონირებას, რაც ადგილზე მოსახლეობას სხვადასხვა საბაზისო სამედიცინო სერვისებზე ხელმისაწვდომობას არ უზღუდავს.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.