ENG / GEO
032 2 505 222
ENG / GEO
დაცული გარემო ხარისხიანი სერვისით
04.03.2019

ინტერვიუ კლინიკების უმსხვილესი ქსელის „ჯეო ჰოსპიტალსი“ გენერალურ დირექტორთან სოფო გასიტაშვილთან, ვრცლად ,,ბიზნეს სახელები 2018“-ში


დაცული გარემო ხარისხიანი სერვისით

„უკან მოხედვისას არ უნდა დარჩეს სათქმელი -იმ დროისთვის შესაძლებელი იყო სხვაგვარად ან უკეთესად“

კლინიკების უმსხვილესი ქსელი „ჯეო ჰოსპიტალსი“ დღეისთვის საქართველოს მასშტაბით 16 სტაციონარულ და 7 ამბულატორიულ დაწესებულებას აერთიანებს. წარმოდგენილია საქართველოს 5 რეგიონში: ქვემო ქართლში, იმერეთში, მცხეთა მთიანეთში, სამცხე-ჯავახეთსა და კახეთში. კომპანია 2011 წელს დაარსდა, სახელმწიფო სადაზღვევო პროგრამაში ჩაერთო და ეტაპობრივად პატარა რაიონულ ცენტრებში მცირე ზომის საავადმყოფოებით, მსხვილ, რეგიონალურ ცენტრებში კი დიდი, მრავალპროფილიანი თანამედროვე სამედიცინო ცენტრებით გამოჩნდა (მთავრობის გეგმის მიხედვით, თბილისში და საქართველოს მთელ რიგ რაიონებში ახალი, თანამედროვე სტანდარტების საავადმყოფოების უნდა აშენებულიყო და მოსახლეობისთვის შესაბამისი სამედიცინო სერვისი მიეწოდებინა). დღეისათვის „ჯეო ჰოსპიტალსის“ ქსელში 2500-მდე ადამიანია დასაქმებული.

- საკმაოდ მძაფრ კონკურენტულ გარემოში რითი დაიმსახურა მოსახლეობის ნდობა „ჯეო ჰოსპიტალსმა”?
სოფო გასიტაშვილი, „ჯეო ჰოსპიტალსის“ გენერალური დირექტორი: „ჩვენი ყოველდღიური მუშაობა უამრავ გამოწვევასათან არის დაკავშირებული. ყოველი დღე ახალი გამოცდილებაა, ეს არის შრომატევადი საქმე თითოეული თანამშრომლისთვის. მეც რიგით თანამშრომლად მივიჩნევ თავს, ჩემი პოზიცია უფრო მხარდამჭერია, ვიდრე - მმართველი. სხვადასხვა რეგიონს განსხვავებული სპეციფიკა აქვს და როგორც ჩემი, ასევე თბილისის ცენტრალურ ოფისში მომუშავე თანამშრომლების მთავარი როლი არის ის, რომ ეს ყველაფერი ერთ მთლიან სისტემაში მოვაქციოთ. მიუხედავად იმისა, რომ ამდენ რეგიონში გვიწევს საქმიანობა, შევძელით, ჩამოგვეყალიბებინა ერთ მიზანზე ორიენტირებული გუნდი. საქმე ადამიანის ჯანმრთელობასთან გვაქვს, რასაც სიხარულთან ერთად, ბევრი ტკივილიც ახლავს. მათ შორის - დაუმსახურებელიც. ეს არის ადგილი, რომელიც უამრავ გამოცდილებას გვაძლევს. ქუთაისის კლინიკის მაგალითზე შემიძლია ვისაუბრო, პატარა კლინიკაა, გარშემო საკმაოდ დიდი კონკურენცია, უამრავი დიდი დაწესებულებაა. ამის მიუხედავად, სულ დატვირთულია და ყოველ დღეა ზარები თხოვნით, რომ ახალი პაციენტი მივიღოთ. მსგავსი სერვისები არის სხვაგანაც, მაგრამ ჩვენს გარემოში ბევრად უკეთესად გრძნობენ თავს. შეიძლება გააკეთო ძალიან თანამედროვე, მაღალტექნო­ლოგიური კლინიკა, მაგრამ პაციენტს არ ჰქონდეს იქ მისვლის სურვილი, რადგან არ იყოს ორგანიზებული და პიროვნების პატივისცემაზე დაფუძნებული სისტემა.

- ხარისხიანი ჯანდაცვის სისტემის განვითარება სამედიცინო კომპანიებისთვის მთავარი პრიორიტეტია. რა ნაბიჯებს დგამს ამ მიმართულებით „ჯეო ჰოსპიტალსი“ და რა სირთულეებს ეჯახება ხარისხიანი სერვისის ხელმისაწვდომობასთან დაკავშირებით?
- რათქმაუნდა, სირთულეებს ხშირად ვეჯახებით, მაგრამ ვუმკლავდებით. უახლოეს წარსულში რომ დავბრუნდეთ, გარემო ნაკლებად რეგულირებული იყო... დღეს კი სამედიცინო საქმიანობის რეგულირება უფრო და უფრო იხვეწება იმ თვალსაზრისით, რომ გახდეს უფრო უსაფრთხო პაციენტისთვის. ეს უსაფრთხოება გადის ხარისხზე. სამედიცინო დაწესებულებები ყოველდღიურად ვდგებით ახალი გამოწვევების და ახალი მოთხოვნების პირისპირ, რაც საბოლოოდ ხარისხიანი მედიცინის მიწოდებას ემსახურება.

- ჯანდაცვის სფეროში მიმდინარე რეფორმები და ცვლილებები როგორ აისახა კომპანიაზე?
-„ჯეო ჰოსპიტალსი“ საყოველთაო ჯანდაცვის პროგრამის ერთ-ერთი აქტიური განმახორციელებელია. ვემსახურებით იმ პირებსაც, ვინც არ არის ჩართული ამ პროგრამაში, ეს იქნება კერძო დაზღვევით თუ შიდა სტანდარტით. საყოველთაო ჯანდაცვის პროგრამაში მონაწილეობამ უამრავი სარგებელი მოიტანა. მოსახლეობა მაღალხარისხიან სერვისს ადგილზე, რეგიონშივე იღებს. ბენეფიტური აღმოჩნდა პროგრამა ექიმებისთვისაც. წლების წინ სამუშაო ადგილის მოძიება და ღირსეული ანაზღაურება პრობლემური საკითხი იყო. დღეს კი კარგ სპეციალისტებზე მოთხოვნა საკმაოდ მაღალია. ჯანდაცვის სერვისებზე ხელმისაწვდომობის ზრდამ და პაციენტების მომატებულმა მომართვიანობამ გამოიწვია კვალიფიკაციის ამაღლება, რაც საბოლოო ჯამში ხარისხზეც აისახება.
მედიცინა არის სფერო ამოუწურავი რესურსით. წლების შემდეგაც ჩვენი მიზანი იქნება დაცული გარემო პაციენტებისთვის და თანამშრომლებისთვის. მუდმივი ზრუნვა, ვიყოთ საყრდენი სახელმწიფოსთვის და მიმზიდველი ბიზნესი დამფუძნებლისთვის.
სხვა სიახლეები
06
10.2021
ჯეო ჰოსპიტალსი ,,ვარდისფერი ოქტომბრის" ფარგლებში დაგეგმილ საქველმოქმედო კამპანიაში ჩაერთო
,,ჯეო ჰოსპიტალსი“, როგორც მაღალი სოციალური პასუხისმგებლობის კომპანია, წელსაც უერთდება ,,ვარდისფერი ოქტომბრის“ ფარგლებში დაგეგმილ საქველმოქმედო კამპანიას, რომელიც ძუძუს კიბოს წინააღმდეგ ბრძოლასა და ცნობიერების ამაღლებას ითვალისწინებს.
24
09.2021
,,ჯეო ჰოსპიტალსი“ გაეროს ბავშვთა ფონდის მორიგ პროექტში ჩაერთო
,,ჯეო ჰოსპიტალსი“ კოვიდ 19-ის საწინააღმდეგო ვაქცინაციის პროგრამის ფარგლებში დაგეგმილ მორიგ საინფორმაციო კამპანიაში ჩაერთო , რომელიც მიზნად ისახავს საქართველოს მასშტაბით 4000-ზე მეტი ექთნისთვის საინფორმაციო სესიების და ტრენინგების ჩატარებას. კამპანია გაეროს ბავშვთა ფონდის და საექთნო ასოციაცია „ნიუმენის“ ორგანიზებით დაიწყო. საინფორმაციო შეხვედრები და ვაქცინაცია ექთნებისათვის საქართველოს 8 რეგიონში ჩატარდება. კამპანიაში ჩართული ექსპერტები და სპეციალისტები ექთნებსა და სხვა სამედიცინო პერსონალს შორის კოვიდ 19-ის საწინააღმდეგო ვაქცინებისადმი ნდობის გაძლიერებას მტკიცებულებებზე დაფუძნებული ინფორმაციის გაზიარებით მოახდენენ. ,, ვაქცინაციის დადებით მხარეებზე ცნობიერების ამაღლების გზით შევძლებთ უფრო მეტი ჩართულობის უზრუნველყოფას, დაცულობას და ხელს შეუწყობთ პანდემიის დასრულებას , მსგავსი კამპანიის ფარგლებში ,,ჯეო ჰოსპიტალსი“ აქტიურად არის ჩართული და ახლაც უერთდება ამ სასიცოცხლოდ მნიშვნელოვან ინიციატივას . ჩვენი ქსელი მთელი საქართველოს მასშტაბით უზრუნველყოფს იმუნიზაციის მასშტაბური კამპანიის ფარგლებში აცრებს, გადამზადებული საექთნო ბრიგადები სხვადასხვა რეგიონებში დღეში ასობით ადამიანს ემსახურება, გაეროს პროექტის ფარგლებში გამართული მსგავსი საინფორმაციო კამპანიის შედეგად, ,,ჯეო ჰოსპიტალს“ის მარნეულის სამედიცინო ცენტრში მოხდა ადგილობრივი პედაგოგების , მუსლიმი სასულიერო პირებისა და მთავარი ინიციატორის, გაეროს ბავშვთა ფონდის წარმომადგენელის საქართველოში- ღასანა ხალილის აცრაც“-განაცხადა ,,ჯეო ჰოსპიტალს“ის საექთნო სამსახურის ხელმძღვანელმა ნონა გოშაძემ .
09
09.2021
,,ჯეო ჰოსპიტალს“-ის ბორჯომის იმუნიზაციის კაბინეტებში სინოფარმის ვაქცინით აცრები განახლდა
ბორჯომის მრავალპროფილურ სამედიცინო ცენტრში სინოფარმის ვაქცინით იმუნიზაციის პროცესი განახლებულია. ამ ეტაპზე აცრის კაბინეტებში მსურველებს ფაიზერის, სინოვაკის და სინოფარმის ვაქცინებით აცრა შეუძლიათ. ,,ვაქცინაციის პროცესი აქტიურად მიმდინარეობს , რიგების დარეგულირებაში წითელი ჯვრის აქტივისტები გვეხმარებიან. ცენტრში ამ დროისთვის სამი სახის ვაქცინით ვაწარმოებთ იმუნიზაციას“- აღნიშნა ,,ჯეო ჰოსპიტალსის „ ბორჯომის მრავალპროფილური სამედიცინო ცენტრის ხელმძღვანელმა ირაკლი დიასამიძემ, მისივე თქმით აქტიურობის მიუხედავად, ჯერ კიდევ მაღალია კოვიდინფიცირებული პაციენტების ჰოსპიტალიზაციის მაჩვენებელი და დიდია PCR ტესტებზეც მოთხოვნა. დიასამიძის თქმით ეს სტატისტიკა იმის მანიშნებელია, რომ მოქალაქეები კიდევ უფრო უნდა გააქტიურდნენ და დროულად ჩაიტარონ ვაქცინაცია. ბორჯომის „ჯეო ჰოსპიტალს“-ის მრავალპროფილურ სამედიცინო ცენტრში მოსახლეობისთვის რეგისტრაციის პროცესის გამარტივების მიზნით ადგილზე მობილიზებულია დამატებითი სერვისები , სადაც ვირტუალური კაბინეტების ფარგლებში მსურველებს აცრის გაკეთების საშუალება აქვთ. მოსახლეობის მეტი ჩართულობის მიზნით , კომპანია ორჯერად აცრილ მოქალაქეებს ლაბორატორიულ , ინსტრუმენტულ და მაღალტექნოლოგიურ კვლევებზე 30% ფასდაკლებას სთავაზობს.
08
09.2021
სამედიცინო დაწესებულებების ინიციატივით „ჯანდაცვის ასოციაცია“ შეიქმნა
საერთო იდეის გარშემო შეკრებილი სამედიცინო დაწესებულებების ინიციატივით დღეს „ჯანდაცვის ასოციაცია“ შეიქმნა, რომელიც ღიაა ნებისმიერი სტაციონარული და ამბულატორიული სამედიცინო დაწესებულების გასაერთიანებლად.
06
10.2021
ჯეო ჰოსპიტალსი ,,ვარდისფერი ოქტომბრის" ფარგლებში დაგეგმილ საქველმოქმედო კამპანიაში ჩაერთო
,,ჯეო ჰოსპიტალსი“, როგორც მაღალი სოციალური პასუხისმგებლობის კომპანია, წელსაც უერთდება ,,ვარდისფერი ოქტომბრის“ ფარგლებში დაგეგმილ საქველმოქმედო კამპანიას, რომელიც ძუძუს კიბოს წინააღმდეგ ბრძოლასა და ცნობიერების ამაღლებას ითვალისწინებს.
გაიგეთ მეტი ყველა სიახლის ნახვა