ENG / GEO
032 2 505 222
ENG / GEO
გელა ორველაშვილი: ,,ჯანმრთელობის დროული მონიტორინგით თავიდან ავიცილებთ კორონავირუსის შემდგომ გართულებებს“
24.03.2022

,,ჯეო ჰოსპიტალსი“-ს კახეთის  მრავალპროფილური სამედიცინო ცენტრები, რომელიც კოვიდ კლინიკის ფორმატში ფუნქციონირებდა, პაციენტების მომსახურების ჩვეულ რეჟიმს დაუბრუნდა. ყველაზე მოთხოვნად სამედიცინო სერვისებზე, კოვიდ გადატანილი პაციენტებისთვის ხელმისაწვდომობის გაზრდის  მიზნით, სპეციალური საშეღავათო ტარიფები მოქმედებს.

,,ჩვეულ ფორმატში დაბრუნების შემდეგ, მოსახლეობას მეტ შესაძლებლობას გავუჩენთ სხვადასხვა შეღავათიანი პროგრამებით და აქციებით  ისარგებლონ, ამასთანავე არ უნდა დაგვავიწყდეს ,რომ   კოვიდი არსად წასულა და დღეის გადმოსახედიდან, სახეზეა ჯანმრთელობის მხრივ ის გართულებები, ე.წ. პოსტკოვიდური სინდრომი , რომელიც  მსუბუქი ფორმით   გადატანის შემთხვევაშიც კი  იჩენს თავს. ამიტომ მნიშვნელოვანია დროულად მოხდეს პოსტკოვიდის შემდეგ ჯანმრთელობის მონიტორინგი და პაციენტის  მართვა, რითაც თავიდან ავიცილებთ შემდგომ გართულებებს . მოსახლეობის ხელმისაწვდომობის მიზნით, ოჯახის ექიმის დანიშნულებით საჭირო კვლევები  ჩვენთან  30 % ფასდაკლებით ხორციელდება.  „- განაცხადა ,,ჯეო ჰოსპიტალსი“-ს გურჯაანის მრავალპროფილური სამედიცინო ცენტრის დირექტორმა გელა ორველაშვილმა, მისივე თქმით პარალელურად აქტიურ რეჟიმში რჩება  ონლაინკლინიკა, რომელიც პაციენტების ბინაზე  მართვას უზრუნველყოფს.

 ,, 2 წლის განმავლობაში კახეთის მასშტაბით მოქმედმა ონლაინკლინიკამ  ბინაზე 700 ათასზე მეტი კოვიდინფიცირებულის წარმატებით მართვა შეძლო,  საპილოტე პროექტი , რომელიც ჩვენს კლინიკაში დაიწყო,   ჯანდაცვის მსოფლიო ორგანიზაციის მხრიდან ,   წარმატებულ მოდელად დასახელდა .“-აღნიშნა ორველაშვილმა.

 

 შეგახსენებთ რომ ,პანდემიის პერიოდში ,,ჯეო ჰოსპიტალსი“-ს  ქსელში დამატებითი საწოლ ფონდის მობილიზების მეშვეობით , კოვიდინფიცირებულთა  მართვა  ქვეყნის მასშტაბით  10  სამედიცინო ცენტრში განხორციელდა.    ამ ეტაპზე კი ყველა კლინიკა და ამბულატორიული ცენტრი საქართველოს 5ვე რეგიონში,  მრავალპროფილური სამედიცინო ცენტრის ფორმატს დაუბრუნდა.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               

 

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.