ENG / GEO
032 2 505 222
ENG / GEO
გურჯაანის „ჯეო ჰოსპიტალსი“-ს ონლაინ კლინიკა, რომელიც რეგიონში ერთადერთია ბინაზე პაციენტების მართვას უკვე ვიდეო კონსულტაციებით ანხორციელებს
19.11.2020

დღეიდან, კლინიკაში ექიმები ვიდეო კონსულტაციების მეშვეობით შეძლებენ იმ პაციენტების მართვას, რომლებიც მკურნალობას სახლში გადიან. არსებული ეპიდვითარების ფონზე, ონლაინ კლინიკების ჩართულობა სტრატეგიულად მნიშვნელოვანია როგორც ოპტიმალური მართვის, ასევე დაინფიცირების რისკების შემცირებისა და მედპერსონალის რესურსის შენარჩუნებისთვის.

გურჯაანის სამედიცინო ცენტრში ვიდეო კონსულტაციებისა და ტელემედიცინის ამერიკული პრაქტიკა ადგილობრივ მედპერსონალს გაუზიარა ამერიკაში მოღვაწე ქართველმა ნევროლოგმა და ტელემედიცინის სპეციალისტმა დავით მრელაშვილმა.მისი თქმით, სისტემა, რომელიც გურჯაანის სამედიცინო ცენტრში ამოქმედდა, სხვადასხვა რგოლს შორის კომუნიკაციას კიდევ უფრო გაამარტივებს.„ვიზიტის უშუალო მიზანი იყო კლინიკის ონლაინ მუშაობის ოპტიმიზაცია და რამდენიმე პროექტის განხორციელება, რომელიც სამედიცინო ცენტრს საშუალებას მისცემს, დისტანციურად მყოფი პაციენტების მდგომარეობა უფრო ეფექტურად მართოს. ასეთი პაციენტების დისტანციურად მართვისთვის მე შევიმუშავე ტელემედიცინის მეთოდი - როგორც აუდიო, ისე ვიდეოზარები და სხვა ციფრული ტექნოლოგიების გამოყენება. ამ მიზნით გარკვეული ციფრული აპარატურითაც დავეხმარე კლინიკას, რისი მეშვეობითაც ადგილზევე სატესტო რეჟიმში ვნახეთ რამდენიმე პაციენტი და ჯერჯერობით ძალიან პოზიტიური შედეგები გვქონდა. ნამდვილად დაიზოგა დრო, არაერთმა პაციენტმა აღნიშნა, რომ ონლაინ კლინიკის გახსნამდე დღეების განმავლობაში უწევდათ სასწრაფო დახმარების ცხელ ხაზზე დარეკვა. გურჯაანში ონლაინ კლინიკის მეშვეობით, რომელსაც დავამატეთ ვიდეოკონსულტაციები, უფრო გავზარდეთ ინფორმაციის დამუშავების სიჩქარე და ეფექტურობა “ - განმარტა დავით მრელაშვილმა.ამერიკაში მოღვაწე ქართველი ექიმისგან კლინიკამ საჩუქრად 50 პულსოქსიმეტრი მიიღო, რომელიც ოჯახის ექიმის გადაწყვეტილებით, პაციენტის მდგომარეობის შეფასების შემდეგ, ბინაზე მკურნალობის დროს მას დროებით სარგებლობაში გადაეცემა. როგორც მედიკოსები აცხადებენ, პულსოქსიმეტრების მეშვეობით ექიმებს შეუძლიათ, სწრაფად შეაფასონ პაციენტების რეალური მდგომარეობა. კოვიდ პაციენტების მართვის პროცესში სისხლში ჟანგბადის დონე მნიშვნელოვანი პარამეტრია, რადგან ის საშუალებას იძლევა, სწრაფად გაირკვეს, რომელი პაციენტია რეალურად მძიმე და უფრო მეტად რომელ პაციენტში იკვეთება ფსიქოლოგიური ფაქტორები.(ბინაზე მკურნალობის დროს პულსოქსიმეტრებით პაციენტებისთვის ჟანბადის დონის გაზომვა ჰოსპიტალების რესურსის სწორად გამოყენების საშუალებას იძლევა).

გურჯაანის სამედიცინო ცენტრის დირექტორის გელა ორველაშვილის შეფასებით, დავით მრელაშვილის მიერ გაზიარებული გამოცდილება და ერთობლივად აწყობილი ვიდეო კონსულტაციის სერვისი პაციენტების დისტანციურად მართვის პროცესში მნიშვნელოვან და ეფექტურ ცვლილებებს შეიტანს.

„გვსურს, დავით მრელაშვილის მიერ შექმნილი ტელემედიცინის სისტემა კახეთის მასშტაბით დავნერგოთ, რადგან გურჯაანის სამედიცინო ცენტრის ამბულატორიული სამსახური არის კახეთის ონლაინ კლინიკა. პაციენტს თუ აქვს შეკითხვა და ამასთან დაკავშირებით 112-ში რეკავს, ცხელი ხაზი მას ჩვენს ექიმთან ამისამართებს, შემდეგ ჩვენი ექიმი უკავშირდება პაციენტს და აძლევს შესაბამის რჩევებს. რადგან ასეთი ზარები ძალიან დიდი რაოდენობით შემოდის და ექიმები ყველასთან მუდმივად დაკავშირებას ვერ ასწრებენ, დისტანციური კომუნიკაციის გასამარტივებლად დავით მრელაშვილმა ააწყო სისტემა, რომელშიც ჩავწერეთ პაციენტების ბაზა და მათთან დაკავშირებას უფრო სწრაფად შევძლებთ“, - აღნიშნა მან.

„ჯეო ჰოსპიტალსის“ სამედიცინო ცენტრის ახალი სისტემა, რაც პაციენტების ბაზის მართვას კიდევ უფრო ეფექტურს ხდის, წარმატებით დაიტესტა და დისტანციურად მართვის პროცესში უკვე ინტენსიურად ჩაეშვა.
სხვა სიახლეები
06
10.2021
ჯეო ჰოსპიტალსი ,,ვარდისფერი ოქტომბრის" ფარგლებში დაგეგმილ საქველმოქმედო კამპანიაში ჩაერთო
,,ჯეო ჰოსპიტალსი“, როგორც მაღალი სოციალური პასუხისმგებლობის კომპანია, წელსაც უერთდება ,,ვარდისფერი ოქტომბრის“ ფარგლებში დაგეგმილ საქველმოქმედო კამპანიას, რომელიც ძუძუს კიბოს წინააღმდეგ ბრძოლასა და ცნობიერების ამაღლებას ითვალისწინებს.
24
09.2021
,,ჯეო ჰოსპიტალსი“ გაეროს ბავშვთა ფონდის მორიგ პროექტში ჩაერთო
,,ჯეო ჰოსპიტალსი“ კოვიდ 19-ის საწინააღმდეგო ვაქცინაციის პროგრამის ფარგლებში დაგეგმილ მორიგ საინფორმაციო კამპანიაში ჩაერთო , რომელიც მიზნად ისახავს საქართველოს მასშტაბით 4000-ზე მეტი ექთნისთვის საინფორმაციო სესიების და ტრენინგების ჩატარებას. კამპანია გაეროს ბავშვთა ფონდის და საექთნო ასოციაცია „ნიუმენის“ ორგანიზებით დაიწყო. საინფორმაციო შეხვედრები და ვაქცინაცია ექთნებისათვის საქართველოს 8 რეგიონში ჩატარდება. კამპანიაში ჩართული ექსპერტები და სპეციალისტები ექთნებსა და სხვა სამედიცინო პერსონალს შორის კოვიდ 19-ის საწინააღმდეგო ვაქცინებისადმი ნდობის გაძლიერებას მტკიცებულებებზე დაფუძნებული ინფორმაციის გაზიარებით მოახდენენ. ,, ვაქცინაციის დადებით მხარეებზე ცნობიერების ამაღლების გზით შევძლებთ უფრო მეტი ჩართულობის უზრუნველყოფას, დაცულობას და ხელს შეუწყობთ პანდემიის დასრულებას , მსგავსი კამპანიის ფარგლებში ,,ჯეო ჰოსპიტალსი“ აქტიურად არის ჩართული და ახლაც უერთდება ამ სასიცოცხლოდ მნიშვნელოვან ინიციატივას . ჩვენი ქსელი მთელი საქართველოს მასშტაბით უზრუნველყოფს იმუნიზაციის მასშტაბური კამპანიის ფარგლებში აცრებს, გადამზადებული საექთნო ბრიგადები სხვადასხვა რეგიონებში დღეში ასობით ადამიანს ემსახურება, გაეროს პროექტის ფარგლებში გამართული მსგავსი საინფორმაციო კამპანიის შედეგად, ,,ჯეო ჰოსპიტალს“ის მარნეულის სამედიცინო ცენტრში მოხდა ადგილობრივი პედაგოგების , მუსლიმი სასულიერო პირებისა და მთავარი ინიციატორის, გაეროს ბავშვთა ფონდის წარმომადგენელის საქართველოში- ღასანა ხალილის აცრაც“-განაცხადა ,,ჯეო ჰოსპიტალს“ის საექთნო სამსახურის ხელმძღვანელმა ნონა გოშაძემ .
09
09.2021
,,ჯეო ჰოსპიტალს“-ის ბორჯომის იმუნიზაციის კაბინეტებში სინოფარმის ვაქცინით აცრები განახლდა
ბორჯომის მრავალპროფილურ სამედიცინო ცენტრში სინოფარმის ვაქცინით იმუნიზაციის პროცესი განახლებულია. ამ ეტაპზე აცრის კაბინეტებში მსურველებს ფაიზერის, სინოვაკის და სინოფარმის ვაქცინებით აცრა შეუძლიათ. ,,ვაქცინაციის პროცესი აქტიურად მიმდინარეობს , რიგების დარეგულირებაში წითელი ჯვრის აქტივისტები გვეხმარებიან. ცენტრში ამ დროისთვის სამი სახის ვაქცინით ვაწარმოებთ იმუნიზაციას“- აღნიშნა ,,ჯეო ჰოსპიტალსის „ ბორჯომის მრავალპროფილური სამედიცინო ცენტრის ხელმძღვანელმა ირაკლი დიასამიძემ, მისივე თქმით აქტიურობის მიუხედავად, ჯერ კიდევ მაღალია კოვიდინფიცირებული პაციენტების ჰოსპიტალიზაციის მაჩვენებელი და დიდია PCR ტესტებზეც მოთხოვნა. დიასამიძის თქმით ეს სტატისტიკა იმის მანიშნებელია, რომ მოქალაქეები კიდევ უფრო უნდა გააქტიურდნენ და დროულად ჩაიტარონ ვაქცინაცია. ბორჯომის „ჯეო ჰოსპიტალს“-ის მრავალპროფილურ სამედიცინო ცენტრში მოსახლეობისთვის რეგისტრაციის პროცესის გამარტივების მიზნით ადგილზე მობილიზებულია დამატებითი სერვისები , სადაც ვირტუალური კაბინეტების ფარგლებში მსურველებს აცრის გაკეთების საშუალება აქვთ. მოსახლეობის მეტი ჩართულობის მიზნით , კომპანია ორჯერად აცრილ მოქალაქეებს ლაბორატორიულ , ინსტრუმენტულ და მაღალტექნოლოგიურ კვლევებზე 30% ფასდაკლებას სთავაზობს.
08
09.2021
სამედიცინო დაწესებულებების ინიციატივით „ჯანდაცვის ასოციაცია“ შეიქმნა
საერთო იდეის გარშემო შეკრებილი სამედიცინო დაწესებულებების ინიციატივით დღეს „ჯანდაცვის ასოციაცია“ შეიქმნა, რომელიც ღიაა ნებისმიერი სტაციონარული და ამბულატორიული სამედიცინო დაწესებულების გასაერთიანებლად.
06
10.2021
ჯეო ჰოსპიტალსი ,,ვარდისფერი ოქტომბრის" ფარგლებში დაგეგმილ საქველმოქმედო კამპანიაში ჩაერთო
,,ჯეო ჰოსპიტალსი“, როგორც მაღალი სოციალური პასუხისმგებლობის კომპანია, წელსაც უერთდება ,,ვარდისფერი ოქტომბრის“ ფარგლებში დაგეგმილ საქველმოქმედო კამპანიას, რომელიც ძუძუს კიბოს წინააღმდეგ ბრძოლასა და ცნობიერების ამაღლებას ითვალისწინებს.
გაიგეთ მეტი ყველა სიახლის ნახვა