ENG / GEO
032 2 505 222
ENG / GEO
იმერეთის რეგიონში "ჯეო ჰოსპიტალსი”-ს სამედიცინო კლინიკებში ადგილობრივ მოსახლეობას უფასო კვლევები უტარდება.
20.04.2021
"ჯეო ჰოსპიტალს"-ის რეგიონული ქსელი მთელი საქართველოს მასშტაბით აქტიურად არის ჩართული, ეროვნული სკრინინგ ცენტრის გასვლით აქციაში, რომლის ფარგლებშიც ძუძუს კიბოს უფასო სკრინინგი ხორციელდება. "გართულებული ეპიდვითარების მიუხედავად, უსაფრთხოებისა და რეგულაციების სრული დაცვის უზრუნველყოფით, ჩვენი ქსელი რეგიონის მასშტაბით, კიდევ ერთი მიმართულებით, სასიცოცხლოდ მნიშვენელოვან კვლევებს ატარებს. მნიშვნელოვანია ისიც, რომ აქცია უფასოა, სამედიცინო მომსახურების ხარისხი კი უმაღლესი, რასაც ხელს უწყობს ეროვნული სკრინინგ ცენტრის მობილური ჯგუფები და ჩვენი მაღალკვალიფიციური ექიმები. ასეთი აქტივობა კი, რეგიონში სამედიცინო სევისებზე ხელმისაწვდომობას ზრდის." - განაცხადა სამტრედიის "ჯეო ჰოსპიტალსის" მრავალპროფილური სამედიცინო ცენტრის დირექტორმა ირაკლი ლაღიძემ. მისივე თქმით, უფასო სკრინინგი სახელმწიფო პროგრამის ფარგლებში მიმდინარეობს და სხვადასხვა ტიპის სამედიცინო მომსახურებას ითვალისწინებს.

"ჯეო ჰოსპიტალსის" კლინიკები აქტიურად თანამშრომლობს ეროვნულ სკრინინგ ცენტრთან და ბენეფიციარებს საშუალებას აძლევს რეგიონების სხვადასხვა ქალაქებსა და სოფლებში უფასო სკრინინგის კვლევებში ჩაერთონ. სახელმწიფო პროგრამის ფარგლებში აღნიშნული სამედიცინო სერვისით ათასობით ადგილობრივმა მოსახლემ ისარგებლა.

იმერეთში, ქსელის მასშტაბით, უფასო სკრინინგი განხორციელდა ზესტაფონის ამბულატორიულ და სამტრედიის მრავალპროფილურ სამედიცინო ცენტრებში. ერთობლივი აქციის ფარგლებში ეროვნული სკრინინგ ცენტრის მობილური ჯგუფები ვანის სამედიცინო ცენტრსაც ეწვევა.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.