ENG / GEO
032 2 505 222
ENG / GEO
,,ჯეო ჰოსპიტალს“-ის გურჯაანის სამედიცინო ცენტრში ,,პოსტ-კოვიდის მართვის პროგრამას“ ახალი სერვისი დაემატა
02.02.2022

,,ჯეო ჰოსპიტალს“-ის გურჯაანის მრავალპროფილურ სამედიცინო ცენტრში  კოვიდ გადატანილი პაციენტებისთვის პოსტ-კოვიდის მართვის პროგრამის ფარგლებში ახალი სერვისი დაემატა. პაციენტებს ,,ჯეო ჰოსპიტალსის" გურჯაანის სამედიცინო ცენტრი გამოცდილი  ფსიქოლოგის მომსახურებას სთავაზობთ.

,,სტრესსა და დეპრესიას თითქმის მთელი მსოფლიო ებრძვის და ეს არახალია, მაგრამ პანდემიის პერიოდში საგანგაშო მასშტაბები მიიღო. განსაკუთრებით თავი იჩინა, უკვე გამოჯანმრთელებულ პაციენტებში. მიღებული გამოცდილების ფონზე  პოსტ-კოვიდ სიმპტომებიდან   უკვე ერთ-ერთი ყველაზე გახშირებული  ჩივილია. აქედან გამომდინარე ჩვენი ქსელი, რომელიც ორიენტირებულია რეგიონში მაქსიმალურად ხელმისაწვდომი გახადოს   ადგილზე   მაღალი  ხარისხის   მომსახურეობა, ავამოქმედეთ   ფსიქოლოგის  კაბინეტი. მნიშვნელოვანია , რომ  ახალი სერვისი  ,, პოსტ-კოვიდური რეაბილიტაციის პროგრამის“ ფარგლებში დაემატა და პაციენტები  სხვა ძვირადღირებულ კვლევებთან ერთად  30 % ფასდაკლებით ისარგებლებენ.“-განაცხადა   ,,ჯეო ჰოსპიტალს“-ის „ გურჯაანის მრავალპროფილური სამედიცინო ცენტრის  ხელმძღვანელმა   გელა ორველაშვილმა. მისივე თქმით სამედიცინო ცენტრის ბაზაზე უკვე რამდენიმე თვეა რაც ,,  პოსტ-კოვიდის მართვის პროგრამა“ წარმატებით მუშაობს, რომლის ფარგლებშიც  პაციენტებს შესაძლებლობა აქვთ სხვადასხვა ტიპის, მათ შორის,   მაღალ ტექნოლოგიური კვლევები   შეღავათიან ფასში მიიღონ.სამედიცინო ცენტრში  კოვიდ გადატანილი პაციენტებისთვის ფსიქოლოგის მომსახურება კვირაში სამი დღის განმავლობაშია ხელმისაწვდომი.პოსტ-კოვიდური ჩივილების მქონე პაციენტებს  ადგილზე გამოცდილი ,პროფესიონალი ფსიქოლოგი თეონა მუყმანიანი მართავს. პირველი ვიზიტი და კონსულტაცია უფასოა.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.