ENG / GEO
032 2 505 222
ENG / GEO
„ჯეო ჰოსპიტალს“-ის სასწავლო ცენტრმა ქვეყნის წამყვან კლინიკებში ათეულობით ტრენინგი გამართა
30.12.2021

უწყვეტი სამედიცინო განათლების პროგრამის ფარგლებში შპს „ჯეო ჰოსპიტალს“-ის სასაწავლო ცენტრის მიერ 2021 წლის განმავლობაში ათეულობით წამყვან კლინიკაში წარმატებული ტრენინგი ჩატარდა სხვადასხვა მიმართულებით. სასწავლო კურსის შედეგად მათში მონაწილე სამედიცინო პერსონალს მიენიჭათ პროგრამის შესაბამისი უპგ ქულა. კოლეგებს სხვადასხვა პროგრამის ფარგლებში დარგის სიახლეები  და საკუთარი გამოცდილება გაუზიარეს ,,ჯეო ჰოსპიტალსის“ წამყვანმა სპეციალისტებმა და კომპანიის  სასწავლო ცენტრის ტრენერებმა:

კახა გზობავა - ანესთეზიოლოგ/რეანიმატოლოგი; შპს “ჯეო ჰოსპიტალსის“ კლინიკური დირექტორი

ხათუნა ბარბაქაძე - კარდიოლოგი; შპს “ჯეო ჰოსპიტალსის“ კლინიკური სამსახურის მენეჯერი

ნონა გოშაძე - BLS ტრენერი; შპს “ჯეო ჰოსპიტალსის“ საექთნო საქმის განვითარების სამსახურის უფროსი

რუსუდან უშვერიძე - ნეონატალური მიმართულების ხელმძღვანელი,მარინე ქარუმაშვილი - ახალშობილთა ინტენსიური მოვლის მიმართულების ხელმძღვანელი. მთელი წლის განმავლობაში შესაბამის  პროგრამებს ეცნობოდნენ გადაუდებელი მედიცინის სპეციალისტები, კარდიოლოგები, ანესთეზიოლოგები, რეანიმატოლოგები, კარდიოქირურგები, ბავშვთა კარდიო-რევმატოლოგები,პედიატრები და ბავშვთა კრიტიკული მედიცინის სპეციალისტები.

ტრენიგები გაიმართა ქვეყნის სხვადასხვა წამყვან კლინიკებში : კლინიკა ,,ჯერარსი’’,  "ისრაელი-საქართველოს სამედიცინო კვლევითი კლინიკა ჰელსიკორი",  „ქართულ-ჰოლანდიური ჰოსპიტალი" ,  „ჯო ენის სამედიცინო ცენტრი“, „ალექსანდრე ალადაშვილის სახელობის კლინიკა'' და სხვა სამედიცინო დაწესებულებებში.  უწყვეტი სამედიცინო განათლების პროგრამის ფარგლებში შპს „ჯეო ჰოსპიტალს“-ის სასწავლო ცენტრის მიერ ტრენინგები ჩატარდა შემდეგ პროგრამებში:

კარდიოვასკულური პრობლემებით გამოწვეული გადაუდებელი მდგომარეობების მართვა“,

 „ჯანმრთელი დროული ახალშობილისა და უხშირესი პათოლოგიების მართვა სამშობიარო სახლში“,

 „თანდაყოლილი და პერინატალური ინფექციების მართვა“.

სიცოცხლის გადარჩენის ბაზისური ალგორითმი BLS

ეკგ ინტერპრეტაცია

გულის გაჩერება, არითმიები, მწვავე კორონარული სინდრომი ACLS

პოსტრეანიმაციული პაციენტის მართვა ROSC

რეანიმაციული გუნდი

პროგრამები აკრედიტებულია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს პროფესიული განვითარების საბჭოს მიერ სასწავლო პროგრამების ფარგლებში. ტრენინგები ყოველთვიურად იმართება ასევე  მთელი ქსელის მასშტაბით.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.