ENG / GEO
032 2 505 222
ENG / GEO
,,ჯეო ჰოსპიტალსი” კოვიდ კლინიკებში საწოლფონდის, ვაქცინაციის კაბინეტების და ამცრელი ბრიგადების დამატებას განაგრძობს
29.07.2021

ქვეყანაში არსებულ ეპიდემიოლოგიურ ვითარებაზე და იმუნიზაციის პროცესზე, როგორც COVID-19-ის წინააღმდეგ ბრძოლის ყველაზე ეფექტურ მექანიზმზე ისაუბრეს ჯანდაცვის სექტორის წამყვანი კლინიკების ხელმძღვანელებმა პრემიერის ინიციატივით გამართულ შეხვედრაზე. კლინიკების წარმომადგენლების მხრიდან გამოითქვა მზაობა ვაქცინაციის გაზრდილი ტემპების გათვალისწინებით  დამატებითი რესურსების მობილიზების შესახებ.

,,ეპიდემიოლოგიური ვითარების ეფექტური მართვისთვის მნიშვნელოვანია სექტორის წარმომადგენელთა გაფართოებული შეხვედრები. ჩართულობა და მჭიდრო კოორდინაცია ერთ-ერთი მნიშვნელოვანი მექანიზმია პანდემიის წინააღმდეგ ეფექტური ბრძოლისთვის“-აღნიშნა კომპანიის სამეთვალყურეო საბჭოს თავჯდომარე ნინო კობახიძემ. თავის მხრივ, პრემიერმა სახელმწიფოსა და კერძო სექტორის როლსა და თანამშრომლობის აუცილებლობაზე გაამახვილა ყურადღება.შეხვედრაზე მხარეებმა  სამედიცინო ცენტრებში არსებულ ვითარებაზე და რესურსების მაქსიმალური მობილიზების შესაძლებლობებზე ისაუბრეს.

,,ჯეო ჰოსპიტალსი” კიდევ დამატებით ახდენს როგორც კოვიდ კლინიკების მობილიზებას, ისე არსებულ ცენტრებში საწოლფონდის ზრდას. პარალელურად გრძელდება ვაქცინაციის კაბინეტების და ამცრელი ბრიგადების დამატება“- განაცხადა ,,ჯეო ჰოსპიტალს“-ის გენერალურმა დირექტორმა ზურაბ ქიტოშვილმა შეხვედრის დასრულების შემდეგ, მისივე თქმით საუბარი ასევე შეეხო დარგის სტრატეგიული განვითარების საკითხებს.

მიმდინარე აქტუალურ თემებთან  დაკავშირებით გამართულ შეხვედრას ჯანდაცვის მინისტრი, პირველი მოადგილე, დაავადებათა კონტროლის ცენტრის დირექტორი და უწყებათაშორის საკოორდინაციო საბჭოს ხემძღვანელი ესწრებოდნენ.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.