ENG / GEO
032 2 505 222
ENG / GEO
„ჯეო ჰოსპიტალსი“-ს ბორჯომის მრავალპროფილური სამედიცინო ცენტრი კოვიდინფიცირებულების მიღებას იწყებს
11.12.2020
რეგიონული კლინიკების ქსელის „ჯეო ჰოსპიტალსის“ მრავალპროფილური სამედიცინო ცენტრი ბორჯომში კოვიდინფიცირებულების ჰოსპიტალიზაციის პროცესში ერთვება. ამავდროულად, ჰოსპიტალში შენარჩუნდება მოსახლეობისთვის საჭირო ყველა საბაზისო სამედიცინო სერვისი.
ბორჯომის სამედიცინო ცენტრი, სხვა რეგიონული კლინიკების მსგავსად, აღჭურვილია COVID–19-ით ინფიცირებული პაციენტების მართვისთვის საჭირო ყველა დიაგნოსტიკური საშუალებით, მათ შორის, კომპიუტერული ტომოგრაფიით და მრავალპროფილური ლაბორატორიით.

ბორჯომის მრავალპროფილური სამედიცინო ცენტრის დირექტორის ირაკლი დიასამიძის განცხადებით, ბორჯომის კლინიკის ჩართვა COVID-19-ის მართვაში რეგიონისთვის განსაკუთრებით მნიშვნელოვანია, რადგან აღნიშნულ ლოკაციაზე ის ერთადერთი მასშტაბური ჰოსპიტალია, რომელიც მრავალფეროვანი სერვისებით არის წარმოდგენილი.

„ჩვენ ჩვენი რესურსით ვერთვებით კოვიდის მართვის პროცესში და რაც მთავარია, ვინარჩუნებთ საბაზისო სამედიცინო სერვისებს. ჩვენს სამედიცინო ცენტრში მოეწყო სივრცეები COVID–19-ის შესაძლო და დადასტურებული შემთხვევების იზოლირებული მიღება-განთავსებისათვის, განახლდა სავენტილაციო სისტემა, საპალატე, კრიტიკული და რეანიმაციული ერთეულები. გარდა ამისა, უწყვეტ რეჟიმში მიმდინარეობს კლინიკების სამედიცინო პერსონალის გადამზადება, რომლებიც ჰოსპიტალიზირებული კოვიდინფიცირებული პაციენტების მართვაში ჩაერთვებიან“, - აღნიშნა მან.

„ჯეო ჰოსპიტალსი“ არსებული შესაძლებლობების სრული მობილიზაციით არის ჩართული COVID–19-ზე რეაგირების პროცესში და რეგიონების მასშტაბით დამატებითი საწოლფონდის მობილიზების მეოთხე ეტაპს ახორციელებს.

ამჟამად, COVID-19-ის მართვა დამატებით მობილიზებული საწოლფონდის მეშვეობით სამტრედიის, საგარეჯოს, ჭიათურის, ვანის, მარნეულის და ახლა უკვე ბორჯომის კლინიკებშია შესაძლებელი.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.