ENG / GEO
032 2 505 222
ENG / GEO
,,ჯეო ჰოსპიტალსი“-ს ორგანიზებით რეგიონალური კონფერენცია „გულსისხლძარღვთა დაავადებების მართვა - თანამედროვე მიდგომები“ გაიმართა
25.09.2020

„ჯეო ჰოსპიტალსის“ ქსელი უწყვეტ რეჟიმში ახორციელებს ღონისძიებებს სამედიცინო პერსონალის პროფესიულ განვითარებასთან დაკავშირებით. ამ პრიორიტეტიდან გამომდინარე 25 სექტემბერს ,ქუთაისში ,,ჯეო ჰოსპიტალსის,, კლინიკებში დასაქმებული ექიმებისთვის რეგიონული კონფერენცია - „გულსისხლძარღვთა დაავადებების მართვა - თანამედროვე მიდგომები“გაიმართა, რომლის ფარგლებშიც რამოდენიმე ათეული ექიმი გადამზადდა. კონფერენცია აკრედიტებული იყო საქართველოს დევნილთა , შრომის , ჯანმრთელობის და სოციალური დაცვის სამინისტროს პროფესიული განვითარების საბჭოს მიერ და კონფერენციის თითოეულ მონაწილეს მიენიჭა 6 უსგ კრედიტ-ქულა.

,,მედიცინა პროფესიაა, რომელიც მუდმივ პროფესიულ ზრდასა და განვითარებაზეა ორიენტირებული. შესაბამისად, 21-ე საუკუნეში, როცა ბიოსამედიცინო მიმართულებები ყოველდღიურ რეჟიმში ვითარდება, ექიმებისათვის მეცნიერულ მტკიცებულებებზე დაფუძნებული თანამედროვე მოთხოვნების შესაბამისი ცოდნის მიცემა, პროფესიონალიზმის, დამოკიდებულებებისა და უნარ-ჩვევების, გამომუშავება „ჯეო ჰოსპიტალსის“ ქსელის ერთ-ერთი მნიშვნელოვანი პრიორიტეტია. ამიტომ ქსელი უწყვეტ რეჟიმში ახორციელებს ღონისძიებებს სამედიცინო პერსონალის პროფესიულ განვითარებასთან დაკავშირებით“- განაცხადა ,,ჯეო ჰოსპიტალსის“ კლინიკურმა დირექტორმა კახა ბზობავამ. მისივე თქმით, სწორედ აღნიშნულ მიზანს ემსახურებოდა ქუთაისში ჩატარებული რეგიონული კონფერენცია, რომელიც უსაფრთხოებისა და საერთაშორისო რეგულაციების გათვალისწინებით ჩატარდა.

კოლეგების წინაშე მედიცინის სფეროში თანამედროვე მიდგომებისა და სიახლეების შესახებ მოხსენებებით წარდგნენ: მამუკა ქობალავა - მედიცინის აკადემიური დოქტორი სამედიცინო უნივერსიტეტის პოსტდიპლომური განათლების ტრანსთორაკალური ექოსკოპიის სამუშაო ჯგუფის; (Eშჩ) ხელმძღვანელი ევროპის კარდიოლოგთა საზოგადოების და ევროპის კარდიოვასკულური - გამომსახველობითი საზოგადოების წევრი ისრაელი საქართველოს სამეცნიერო კვლევითი კლინიკა „ჰელსიკორის“ კარდიოლოგიური დეპარტამენტის ხელმძღვანელი. თენგიზ წულაძე კლინიკა „ “ კურაციოს კლინიკური დირექტორი ევროპის ნევროლოგთა ფედერაციის წევრი . გიორგი ჩხოლარია კარდიოლოგი არითმოლოგი ქუთაისის ცენტრალური საავადმყოფოს კარდიოლოგიური განყოფილების ხელმძღვანელი. ეკა რუხაძე მედიცინის მეცნიერებათა დოქტორი ქართულ ამერიკული უნივერსიტეტის სრული პროფესორი.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.