23
05.2022
,,ჯეო-ჰოსპიტალსი“-ს უსაფრთხო გარემო
18.06.2020
,,ჯეო-ჰოსპიტალსი“-ს რეგიონული კლინიკები მთელი საქართველოს მასშტაბით დაავადებათა კონტროლის ცენტრის მოთხოვნების შესაბამისად, უსაფრთხოების ყველა ნორმის დაცვით მუშაობს.
,,ჯეო-ჰოსპიტალსი“-ს მენეჯმენტის გადაწყვეტილებით კლინიკებში შექმნილია ინფექციის კონტროლის კომიტეტები, მათვის ინფორმაციის განახლების მიზნით ტარდება ვიდეო კონფერენციები ინფექციის კონტროლის კუთხით არსებული პრიორიტეტების, ქსელის სამედიცინო ცენტრებში განახლებული სტანდარტების გაზიარებისა და დანერგვის მიზნით.
პაციენტთათვის სამედიცინო სერვისების მაქსიმალურად უსაფრთხო გარემოში მიწოდების მიზნით ,,ჯეო-ჰოსპიტალსი“-ს სამედიცინო პერსონალის ყველა რგოლისთვის უწყვეტ რეჟიმში ტარდება ტრენინგები.
სამედიცინო ცენტრებში მოწყობილია ტრიაჟის სივრცე სადაც პაციენტს შესვლამდე უტარდება სკრინინგი, ადგილზე დეტალურად აცნობენ მათ უსაფრთხოების სავალდებულო წესებს რაც პერსონალური დაცვის საშუალებების სავალდებულო მოხმარებას და სოციალური დისტანციის დაცვას გულისხმობს. ყოველი სამუშაო დღის დაწყების წინ სამედიცინო პერსონალი გადის თერმოსკრინინგს და მათი ჯანმრთელობის მდგომარეობა, სპეციალური კითხვარის თანახმად მოწმდება.
კლინიკის მთელ პერიმეტრზე დაცულია ზედაპირების დამუშავების სიხშირე და წესები. მთელ სივრცეში განთავსებულია ხელის დეზინფიცირებისთვის განკუთვნილი კედლის დისპენსერები .
სხვა სიახლეები
16
05.2022
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს.
,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.