ENG / GEO
032 2 505 222
ENG / GEO
ჯეო ჰოსპიტალსი ,,ვარდისფერი ოქტომბრის" ფარგლებში დაგეგმილ საქველმოქმედო კამპანიაში ჩაერთო
06.10.2021

,,ჯეო ჰოსპიტალსი“, როგორც მაღალი სოციალური პასუხისმგებლობის კომპანია, წელსაც უერთდება ,,ვარდისფერი ოქტომბრის“ ფარგლებში დაგეგმილ საქველმოქმედო კამპანიას, რომელიც ძუძუს კიბოს წინააღმდეგ ბრძოლასა და ცნობიერების ამაღლებას ითვალისწინებს.  

საქველმოქმედო კამპანიის ფარგლებში "ჯეო ჰოსპიტალს"-ის  რეგიონალურ სამედიცინო ცენტრებში სასიცოცხლოდ მნიშვნელოვანი, ძვირადღირებული კვლევები ათასობით მსურველისთვის უფასოდ განხორციელდება.

ერთობლივი საქველმოქმედო აქცია  ბიზნეს-ლიდერთა ფედერაცია “ქალები მომავლისთვის”, სადაზღვევო კომპანია "გლობალ ბენეფიტს ჯორჯიასთან" პარტნიორობით და კომპანია Avon-ის ფინანსური მხარდაჭერით ტარდება. 8-31 ოქტომბრის პერიოდში საქართველოს 10 რეგიონში მოსახლეობას შეუძლია მიიღოს შემდეგი სამედიცინო სერვისები და უფასო კვლევები:

მკერდის ულტრაბგერით გამოკვლევა;  
მამოლოგის კონსულტაცია;  
ფარისებრი ჯირკვლის ულტრაბგერით გამოკვლევა;  
ფარისებრი ჯირკვლის პათოლოგიის გამოვლენის შემთხვევაში ენდოკრინოლოგის კონსულტაცია; 

პაციენტების ჩაწერა მიმდინარეობს წინასწარ ცხელი ხაზის მეშვეობით: 2 500 001

,,ჯეო ჰოსპიტალს“-ის სამედიცინო ცენტრებში, საქველმოქმედო კამპანიის ფარგლებში მოქალაქეებს აღნიშნული კვლევების ჩატარება შეეძლებათ: ბორჯომში, გარდაბანში, ჭიათურასა და ზესტაფონში.

 

 

   

 

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.