ENG / GEO
032 2 505 222
ENG / GEO
,,ჯეო ჰოსპიტალსი"-ს ქსელში COVID-19-თან დაკავშირებით ტრენინგები ჩატარდა
27.03.2020

როგორც არა ერთხელ აღინიშნა, COVID-19-ის პანდემიაზე მზადყოფნის ფარგლებში უმნიშვნელოვანესი როლი აკისრია სამედიცინო პერსონალის უწყვეტ განათლებას უსაფრთხოების პროცედურებთან დაკავშირებით. აღნიშნული პროცედურებია:

1. ისდ (ინდივიდუალური დაცვის საშუალებები) ჩაცმისა და გახდის თანმიმდევრობა/მნიშვნელობა (ხალათი, ხელთათმანი, სათვალე, ქუდი, ნიღაბი, დამცავი სკაფანდრი, ბახილები, სახის ფარი);
2. ზედაპირების დეზინფექცია;
3. ხელების დეზინფექცია;
4. საეჭვო ან დადასტურებულ შემთხვევებში პაციენტის იზოლაციის მეთოდები, პაციენტთა და თანამშრომელთა ნაკადების მოძრაობის კონტროლი, შეზღუდვები;
5. საეჭვო ან დადასტურებული კრიტიკული და არაკრიტიკული პაციენტის საექთნო მოვლის თავისებურებები, უსაფრთხოების ზომებზე აქცენტით;
6. მატერიალური და ადამიანური რესურსების მართვა, ალტერნატიული მრავალჯერადი დამცავი საშუალებების დამზადება, თეთრეულის ჰიგიენა;
7. ეთიკური საკითხები.

შესაბამისად, „ჯეო ჰოსპიტალსის“ კლინიკებში, ქსელის ეპიდემიოლოგიური და საექთნო სამსახურების თაოსნობით, მიმდინარეობს სამედიცინო პერსონალის ინტენსიური და უწყვეტი ტრენინგი. ტრენინგის სამიზნე აუდიტორიაა როგორც ექიმები, ექთნები და დიაგნოსტიკურ სერვისებში ჩართული პერსონალი, ასევე, ადმინისტრაციული მიმართულების თანამშრომლები. დღეისათვის ტრენინგი ჩატარებული აქვთ სამი კლინიკის (საგარეჯო, გარდაბანი, მცხეთა) 80-მდე თანამშრომელს.
ტრენინგის ფორმატი ითვალისწინებს მსმენელებისათვის როგორც თეორიული ცოდნის მიწოდებას, ასევე, პრაქტიკული უნარ-ჩვევების განმტკიცებას თანამედროვე მიდგომების გათვალისწინებით: შემთხვევის (ქეისის) განხილვა/ანალიზი, დისკუსია/დებატები, როლური თამაშები, ჯგუფური მუშაობა.

ამავდროულად, მსმენელებს ურიგდებათ ბეჭდური და ელექტრონული სასწავლო მასალა, მ.შ., შიდა პროტოკოლი სტანდარტული და სპეციალური დაცვისა და იზოლაციის მეთოდების შესახებ, ლამინირებული პოსტერები, ჯანმრთელობის მსოფლიო ორგანიზაციისა და ევროპის დაავადებათა კონტროლის ცენტრის მიერ შემუშავებული დოკუმენტები (მაგალითად, ელ. ვერსია safe-use-of-ppe-ECDC).
ტრენინგები მომავალშიც გაგრძელდება, რაც არის COVID-19-ზე ეფექტური რეაგირების მნიშვნელოვანი ინსტრუმენტი.
საყურადღებოა, რომ ტრენინგის მსვლელობისას ასევე, ხორციელდება კლინიკების მატერიალურ/ტექნიკური რესურსის შეფასება/ანალიზი ინფექციების პრევენციისა და კონტროლის მიმართულებით, რაც საშუალებას იძლევა დაიგეგმოს აუცილებელი და დამატებითი ღონისძიებები (მ.შ., მოხდეს გარკვეული აღჭურვილობის მობილიზება) COVID-19-ზე მზადყოფნის უზრუნველყოფისათვის.
სხვა სიახლეები
11
01.2021
საგარეჯოში ,,ჯეო ჰოსპიტალსი“-ს მაღალტექნოლოგიური მოლეკულური დიაგნოსტიკის ლაბორატორია ამოქმედდა
„ჯეო ჰოსპიტალსი“-ს ბაზაზე, საგარეჯოში, შეიქმნა მაღალტექნოლოგიური მოლეკულური დიაგნოსტიკის ლაბორატორია, რომელიც მიმდინარე ეტაპზე ერთადერთია კახეთის რეგიონში. ლაბორატორია, რომელიც მოქმედი კანონმდებლობის შესაბამისად აღიჭურვა, სრულ შესაბამისობაშია მოწინავე ქვეყნებში არსებულ მსგავს ლაბორატორიებთან. ის დაკომპლექტდა კვალიფიციური საკადრო რესურსით.
28
12.2020
ქვემო ქართლში ,,ჯეო ჰოსპიტალსი"-ს ორ სამედიცინო ცენტრში კოვიდინფიცირებულთა ჰოსპიტალიზაციაა შესაძლებელი
„ჯეო ჰოსპიტალსი“-ს მრავალპროფილური სამედიცინო ცენტრი გარდაბანში კოვიდინფიცირებულების ჰოსპიტალიზაციის პროცესში ჩაერთო. ამ ეტაპზე ქვემო ქართლის რეგიონში კომპანიამ ორი კლინიკის ბაზაზე შეძლო დამატებითი საწოლფონდის მობილიზება. პროცესი ეტაპობრივად ნოემბრის დასაწყისიდან დაიწყო და ეპიდსიტუაციის დამძიმების პარალელურად, COVID–19-ით ინფიცირებულთა მკურნალობისათვის საწოლფონდი მთელი საქართველოს მასშტაბით მოქმედ სამედიცინო ცენტრებზე გადანაწილდა.
22
12.2020
გურჯაანის ,,ჯეო ჰოსპიტალსი"-ს ონლაინ კლინიკა და ჯანმრთელობის ფედერაცია სოციალურად დაუცველ კოვიდპაციენტებს მედიკამენტებს გადასცემენ
გურჯაანის ,,ჯეო ჰოსპიტალს“-ის ონლაინკლინიკის მეშვეობით ბინაზე მართვადი კოვიდპაციენტები , რომელთაც სოციალურად დაუცველი სტატუსი აქვთ , ოჯახის ექიმის რეკომენდაციით გამოწერილ რიგ წამლებს უფასოდ მიიღებენ.
18
12.2020
ბორჯომის ,,ჯეო ჰოსპიტალსი,,-ს ონლაინ კლინიკა საჭიროების შემთხევაში ბინაზე პაციენტებს ჟანგბადის კონცენტრატორებით უზრუნველყოფს
ბორჯომის ,,ჯეო ჰოსპიტალსის“ ონლაინ კლინიკის მეშვეობით ბინაზე ჟანგბად დამოკიდებული კოვიდპაციენტების მართვა, ჟანგბადის კონცენტრატორების მეშვეობით გახდება შესაძლებელი. ოჯახის ექიმის გადაწყვეტილებით პაციენტს, რომელსაც სუნთქვა უჭირს, დროებით სარგებლობაში ჟანგბადის აპარატს გადასცემენ.
11
01.2021
საგარეჯოში ,,ჯეო ჰოსპიტალსი“-ს მაღალტექნოლოგიური მოლეკულური დიაგნოსტიკის ლაბორატორია ამოქმედდა
„ჯეო ჰოსპიტალსი“-ს ბაზაზე, საგარეჯოში, შეიქმნა მაღალტექნოლოგიური მოლეკულური დიაგნოსტიკის ლაბორატორია, რომელიც მიმდინარე ეტაპზე ერთადერთია კახეთის რეგიონში. ლაბორატორია, რომელიც მოქმედი კანონმდებლობის შესაბამისად აღიჭურვა, სრულ შესაბამისობაშია მოწინავე ქვეყნებში არსებულ მსგავს ლაბორატორიებთან. ის დაკომპლექტდა კვალიფიციური საკადრო რესურსით.
გაიგეთ მეტი ყველა სიახლის ნახვა