ENG / GEO
032 2 505 222
ENG / GEO
,,ჯეო ჰოსპიტალსის“ რეგიონულ ქსელში უფასო დისტანციური კონსულტაციები ხორციელდება
06.10.2020
კორონავირუსული ინფექციის შემთხვევების ზრდის ფონზე, ინფიცირების რისკების პრევენციის მიზნით, „ჯეო ჰოსპიტალსის“ რეგიონული ქსელის ამბულატორიულ დაწესებულებებში უფასო დისტანციური სამედიცინო სერვისები ხელმისაწვდომია, რაც ოჯახის ექიმისა და ექიმი-სპეციალისტების უფასო სამედიცინო კონსულტაციებს მოიცავს. შესაბამისად, მოსახლეობას შესაძლებლობა აქვს, პირველადი ჯანდაცვის სერვისის ფარგლებში მიიღოს ოჯახის ექიმისა და ექიმი სპეციალისტების ონლაინ კონსულტაციები, ასევე, დაგეგმოს საჭირო კვლევები და ამ გზით ხელი შეუწყოს კორონავირუსული ინფექციისაგან საკუთარი თავის დაცულობას.აღნიშნული სერვისები „ჯეო ჰოსპიტალსის“ ქსელში მიმდინარე წლის აპრილის დასაწყისშივე დაინერგა და აქტიურად გრძელდება.

ამავდროულად, „ჯეო ჰოსპიტალსის“ გურჯაანისა და ბორჯომის ამბულატორიული ცენტრები „112“-თან ერთად 2020 წლის 4 აპრილიდან ჩართულნი არიან COVID - 19 – ის შემთხვევათა იდენტიფიცირებისა და მართვის/ რეფერალის სისტემაში და მოსახლეობას რეგიონული მასშტაბით ემსახურებიან. კერძოდ, აღნიშნული კლინიკები კახეთისა და სამცხე-ჯავახეთის რეგიონის მოსახლეობას უწევენ უფასო დისტანციურ კონსულტაციებს COVID-19-ის დროული დიაგნოსტიკის მიზნით, ასევე, ამ ამბულატორიებში COVID-19-ზე უფასო ტესტირება (პჯრ მეთოდით) ხორციელდება.

COVID-19-ის ეპიდსიტუაციიდან გამომდინარე, მოვუწოდებთ ჩვენს ბენეფიციარებს, მათთვის საჭირო პირველადი ჯანდაცვის სერვისების მიღების მიზნით დისტანციურად მიმართონ ოჯახის ექიმებს, რომლებიც მიიღებენ გადაწყვეტილებას, პაციენტის მომსახურება ონლაინ რეჟიმში გაგრძელდება თუ კლინიკაში ვიზიტი დაიგეგმება. აღნიშნული მოდელი კლინიკაში რამდენიმე თვეა დაინერგა და ჩვენი ბენეფიციარების მაქსიმალურ დაცულობას და უსაფრთხოებას ემსახურება. ამავდროულად, დისტანციური სერვისები უფასოა და თვეების განმავლობაში კარგად აპრობირებულია,“- აღნიშნა ,,ჯეო ჰოსპიტალსის“ სტრატეგიული განვითარებისა და ხარისხის მართვის სამსახურის ხელმძღვანელმა ნათია ნოღაიდელმა.

„ჯეო ჰოსპიტალსის“ ქსელში ყველა პირობაა შექმნილი კორონავირუსული ინფექციისაგან ბენეფიციარების მაქსიმალური დაცულობის უზრუნველსაყოფად, დისტანციური პირველადი ჯანდაცვის სერვისების ამოქმედების პარალელურად სამედიცინო დაწესებულებებში ინფექციების კონტროლის ღონისძიებები უწყვეტ რეჟიმში ხორციელდება. ამიტომ პაციენტებს, რომელთაც სტაციონარული მკურნალობა ან ადგილზე ამბულატორიული დახმარება ესაჭიროებათ, მათთვის აუცილებელ ყველა სამედიცინო სერვისზე უწყვეტი წვდომა აქვთ.
სხვა სიახლეები
12
07.2021
„ჯეო ჰოსპიტალს“-ი მასშტაბური ვაქცინაციის ფარგლებში მოსახლეობას იმუნიზაციის კაბინეტების რაოდენობის ზრდის გარდა ჯავშნის გამარტივებულ სერვისსაც სთავაზობს
კორონავირუსის საწინააღმდეგო ფართომასშტაბიანი ვაქცინაციის პროცესში „ჯეო ჰოსპიტალს“-ის რეგიონული ქსელი მთელი საქართველოს მასშტაბით 11 სამედიცინო დაწესებულებით არის ჩართული, რომლებშიც 15 იმუნიზაციის კაბინეტია მობილიზებული; მათში იმუნიზაციის მომსახურებას აწარმოებს 23 სამედიცინო გუნდი. „ჯეო ჰოსპიტალს“-ის სამედიცინო დაწესებულებებში ყველა პირობაა იმუნიზაციის პროცესის უსაფრთხოდ წარმართვისათვის: ვაქცინაციის კაბინეტები მოწყობილია მოქმედი კანონმდებლობით განსაზღვრული ყველა მოთხოვნის დაცვით, თითოეული პაციენტის წინასწარ შემოწმებას და ზედამხედველობას ახორციელებენ კვალიფიციური ექიმები.
07
07.2021
მორიგი წარმატებული ოპერაცია სამტრედიის ,,ჯეო ჰოსპიტალს“-ის სამედიცინო ცენტრში
,,ჯეო ჰოსპიტალს’’-ის სამტრედიის მრავალპროფილურ სამედიცინო ცენტრში ერთ-ერთი ურთულესი ოპერაციული ჩარევა წარმატებით დასრულდა. ავტოსაგზაო შემთხვევის შედეგად უმძიმესი ტრავმით შემოსულ პაციენტს სასწრაფო ოპერაცია, სამტრედიის ,,ჯეო ჰოსპიტალს“-ის ორთოპედ-ტრავმატოლოგმა გიორგი ფუტკარაძემ გაუკეთა, რის შედეგადაც, შესაძლებელი გახდა მძიმე მოტეხილობის რეკონსტრუქცია-ფიქსაცია.
22
06.2021
ზურაბ ქიტოშვილი: ,, ჯეო ჰოსპიტალსი“ საქართველოს მასშტაბით მასობრივი ვაქცინაციის ცენტრების მობილიზებაში ერთვება“
ვაქცინაციის პროცესის გაფართოებისთვის და კიდევ უფრო ეფექტურად წარმართვისთვის საჭირო ღონისძიებებზე იმსჯელეს, პრემიერის ინიციატივით გამართულ შეხვედრაზე, რომელსაც ქვეყნის წამყვანი კლინიკების ხელმძღვანელები ესწრებოდნენ. მხარეებმა საქართველოს მასშტაბით დიდ ქალაქებში მასობრივი ვაქცინაციის ცენტრების მაქსიმალურად დროულად მობილიზების საკითხები განიხილეს.
21
06.2021
მცხეთა-მთიანეთის ,,ჯეო ჰოსპიტალსის“ სამედიცინო ცენტრებში უფასო გამოკვლევები ჩატარდა
,,ჯეო ჰოსპიტალსის“ კლინიკების ქსელთან თანამშრომლობით ეროვნული სკრინინგის ცენტრი საქართველოს მასშტაბით აგრძელებს სკრინინგის უფასო აქციას.
12
07.2021
„ჯეო ჰოსპიტალს“-ი მასშტაბური ვაქცინაციის ფარგლებში მოსახლეობას იმუნიზაციის კაბინეტების რაოდენობის ზრდის გარდა ჯავშნის გამარტივებულ სერვისსაც სთავაზობს
კორონავირუსის საწინააღმდეგო ფართომასშტაბიანი ვაქცინაციის პროცესში „ჯეო ჰოსპიტალს“-ის რეგიონული ქსელი მთელი საქართველოს მასშტაბით 11 სამედიცინო დაწესებულებით არის ჩართული, რომლებშიც 15 იმუნიზაციის კაბინეტია მობილიზებული; მათში იმუნიზაციის მომსახურებას აწარმოებს 23 სამედიცინო გუნდი. „ჯეო ჰოსპიტალს“-ის სამედიცინო დაწესებულებებში ყველა პირობაა იმუნიზაციის პროცესის უსაფრთხოდ წარმართვისათვის: ვაქცინაციის კაბინეტები მოწყობილია მოქმედი კანონმდებლობით განსაზღვრული ყველა მოთხოვნის დაცვით, თითოეული პაციენტის წინასწარ შემოწმებას და ზედამხედველობას ახორციელებენ კვალიფიციური ექიმები.
გაიგეთ მეტი ყველა სიახლის ნახვა