ENG / GEO
032 2 505 222
ENG / GEO
მადლობის წერილი მცხეთის "ჯეო ჰოსპიტალსი"-ს
20.11.2018
ოთხი ოპერაცია ოჯახის სხვადასხვა წევრზე წარმატებით დამთავრდა. ამჟამად მერვე თვეა მიწევს მამა. მას ექიმების დახმარება სჭირდება. იგი პალიატიური ავადმყოფია. როცა ბინაზე ვართ, ექიმთან კონსულტაციაზე და ანალიზების კონტროლზე მუმდივი კავშირი გვაქვს ჯეო ჰოსპიტალსთან. 

გაოცებული ვარ მათი ყურადღებით, თბილი მიღებით, რაც ყველა თანამშრომლისგან იგრძნობა. საორდინატოროდან დაწყებული, დაცვის სამსახური, ყველანი კომფორტს გვიქმნიან. პირადად მქონდა შეხება ქირურგიულ განყოფილებასთან, მეორე და მესამე ინტენსიურ განყოფილებასთან, ყველას დიდ მადლობას ვუხდი მთელი გულით მაღალპროფესიული მომსახურებისთვის. 

მიზეზი, რომელმაც ამ წერილის დაწერა გადამაწყვეტინა არის მეორე ინტენსიური განყოფილების მიმართ მადლიერება, სადაც მამას ხანგრძლივად მკურნალობენ. 

განყოფილების გამგე ბატონი გაბრიელ წიკლაური და მისი გუნდი, ექიმები და ექთნები, საოცრებაა იმის ნახვა, რასაც ისინი აკეთებენ. ვინმეს რომ ეთქვა, ალბათ, არ დავიჯერებდი, ჩემი თვალით რომ არ ვხედავდე ამ ყველაფერს. როგორ უვლიან პაციენტებს, თბილი მიმართვები, ურთიერთობები. გაწერილი პაციენტები, რომლებიც ამბობენ, რომ სიცოცხლე აჩუქეს. ასეთ ხალხს პირადად ვიცნობ, ხალხი სასწრაფოს გამოძახებისას მოითხოვს ჯეო ჰოსპიტალში გადაყვანას. მეც ასე მოვითხოვე მამაზე პირველად და ძალიან კმაყოფილი ვარ. 

ბატონი გაბრიელ წიკლაური, ვისი მადლიერიც არის ამდენი ხალხი, მათ შორის მეც, არის უფლისგან დაჯილდოვებული. გარდა პროფესიული ცოდნისა მისი კეთილი გული, ურთიერთობა ავადმყოფებთან, მის პატრონებთან. საოცარი ადამიანი, რომელიც ასე უყვართ თანამშრომლებს. ღმერთმა დალოცოს მისი კეთილი გული, მისი ხელები, რომ ბევრი ადამიანის დახმარება შეძლოს და კიდევ ბევრი მადლიერი ადამიანი გავიდეს ამ საავამდყოფოდან, ამით ჯეო ჰოსპიტალსის პრესტიჟი და სახელი უფრო იზრდება. 

ძალიან გულწრფელია ჩემი მადლობა, ვფიქრობდი, როგორ გამომეხატა ის და თხოვნა მაქვს თქვენთან როგორც ზემდგომთან, რომ მადლობა გამოუცხადოთ ბატონ გაბრიელ წიკლაურს და მის გუნდს, რომლებიც თავს არ ზოგავენ, რომ პაციენტი ჯანმრთელი და კმაყოფილი იყოს. დიდი იმედი მაქვს, რომ ჩემს თხოვნას გულთან მიიტანთ და მადლობის წერილით ისინი გაიხარებენ. წინასწარ დიდი მადლობა. 

პატივისცემით, 
ჯეო ჰოსპიტალსის პაციენტი ნოდარ ომარაშვილის შვილი ლალი ომარაშვილი.








სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.