ENG / GEO
032 2 505 222
ENG / GEO
მარნეულის ,,ჯეო ჰოსპიტალსი“-ს სამშობიარო და ამბულატორიული ცენტრის დირექტორის პოზიციაზე ნინო კობერიძე დაინიშნა
04.09.2020
ახალი დირექტორი ადგილობრივ გუნდს და სამედიცინო პერსონალს ,,ჯეო ჰოსპიტალსის“ გენერალური დირექტორის მოადგილემ, ზურაბ ქიტოშვილმა წარუდგინა. როგორც შეხვედრაზე აღინიშნა, ცვლილებები რეგიონში, მომსახურების ხარისხის გაუმჯობესებასა და სამედიცინო სერვისების განვითარების გეგმებს უკავშირდება.
ჩვენი მთავარი სამიზნე რეგიონის მოსახლეობა და მათი მომსახურების ხარისხი და სამედიცინო სერვისების ხელმისაწვდომობის გაზრდაა. ,,ჯეო ჰოსპიტალსში“ ახალი მენეჯმენტის შემოსვლის შემდეგ ქსელის აქტიური განვითარება დაიწყო როგორც ინფრასტრუქტურული პროექტების ,ასევე წამყვანი სამედიცინო აპარატურისა და სერვისების განვითარების კუთხით ,რაც მოსახლეობას ადგილზე ,მეტ კომფორტს უქმნის. ამ მხრივ მარნეულში , ბევრი ახალი სიახლე იგეგმება და მზად ვართ ბენეფიციარებს განსაკუთრებული უსაფრთხო გარემო და მაღალი ხარისხის მომსახურება შევთავაზოთ “ -განაცხადა ნინო კობერიძემ. მარნეულის ,,ჯეო ჰოსპიტალსის“ სამშობიარო და ამბულატორიული ცენტრის დირექტორის პარალელურად ,ის ასევე ინარჩუნებს ქსელის მასშტაბით კლიენტთა მომსახურებისა და ასისტანსის სამსახურის ხელმძღვანელის პოზიციას. ნინო კობერიძე ჯეოს გუნდის წევრია 2012 წლიდან ,მას სხვადასხვა სამსახურებში მენეჯერის პოზიციებზე მუშაობის გამოცდილება აქვს.
აღსანიშნავია, რომ ქვემო ქართლის რეგიონში - მარნეულის სამშობიარო და ამბულატორიული ცენტრი , ერთადერთი პერინატალური ცენტრია, რომელმაც წარმატებით გაიარა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შეფასება და მას განმეორებით მიენიჭა ნაადრევი მშობიარობებისა (34 კვირამდე) და მაღალი რისკის ახალშობილთა მართვის უფლებამოსილება. ადგილობრივ მოსახლეობას რეგიონის მასშტაბით ერთადერთი ახალშობილთა ინტენსიური მოვლის ერთეული/რეანიმაცია ემსახურება.
ამავდროულად, მარნეულის სამშობიარო და ამბულატორიული ცენტრში მშობიარობა ფინანსურად ხელმისაწვდომია და სრულად ფინანსდება საყოველთაო ჯანდაცვის პროგრამის ფარგლებში.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.