ENG / GEO
032 2 505 222
ENG / GEO
მარნეულის ,,ჯეო-ჰოსპიტალსი”-ში ულტრათანამედროვე ტექნოლოგიების გამოყენებით ოფთალმო-ქირურგიული სერვისი ამოქმედდა.
19.06.2020

,,ჯეო ჰოსპიტალს“-ის მარნეულის სამშობიარო და ამბულატორიულ ცენტრში დღეიდან პაციენტებს შესაძლებლობა ეძლევათ უახლესი თაობის აპარატურისა და ულტრათანამედროვე ტექნოლოგიების გამოყენებით თვალის ქირურგიული ოპერაციები ჩაიტარონ.

,,ჯეო ჰოსპიტალს“-ის“ მარნეულის სამედიცინო ცენტრში ოფთალმოქირურგიული სერვისის განვითარება კიდევ უფრო ზრდის რეგიონში ხარისხიანი და ხელმისაწვდომი მომსახურების შესაძლებლობას.
მარნეულის ამბულატორიულ ცენტრში პაციენტებს, უსაფრთხო და კომფორტულ გარემოში ,,ნიუ-ჰოსპიტალს”-ის ოფთალმოლოგიის ეროვნული ცენტრის მაღალკვალიფიციური ქირურგები მოემსახურებიან.

"ჯეო-ჰოსპიტალსის" მარნეულის ამბულატორიულ ცენტრში სხვადასხვა დიაგნოსტიკური კვლევები და სამკურნალო პროცედურები ჩატარდება. ექიმი-ოფთალმოლოგები მარნეულის მოსახლეობას უფასო კონსულტაციებს ჩაუტარებენ. ადგილზე ხელმისაწვდომია სხვადასხვა დაავადებების დიაგნოსტიკა. მათ შორის:მხედველობის სიმახვილის განსაზღვრა (ვიზიომეტრია)სათვალის შერჩევა ,თვალ შიდა წნევის გაზომვა (ტონომეტრია) თვალის ფსკერის დათვალიერება (ოფთალმოსკოპია)მხედველობის ანომალიების დადგენა (რეფრაქტომეტრია)თვალის წინა მონაკვეთის დათვალიერება ნაპრალოვან სანათზე (ბიომიკროსკოპია),სიელმის კუთხის დადგენა,

ქირურგიული ოპერაციები:კატარაქტის ქირურგია გლაუკომის ქირურგიარქოვანას ქირურგიარქოვანას ტრანსპლანტაცია ბადურას დაავადებების მკურნალობა (ვიტრეორეტინალური ქირურგია) მხედველობის ლაზერული კორექცია (რეფრაქციული ქირურგია)ონკო-ოფთალმოლოგია ,ოკულოპლასტიკა, დიაბეტური თვალის ქირურგიული და ლაზერული მკურნალობა, სიელმის ქირურგია,თვალის ტრავმების მკურნალობა,თვალის მწვავე ინფექციების მკურნალობა,უცხო სხეულების მოცილება.

,,ჯეო ჰოსპიტალს“-ის მარნეულის სამშობიარო და ამბულატორიულ ცენტრში, ოფთალმო-ქირურგიული სერვისი 15 ივნისიდან ამოქმედდა.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.