ENG / GEO
032 2 505 222
ENG / GEO
მარნეულის "ჯეო ჰოსპიტალს"-ში თვალის ქირურგიული ოპერაციები ჩატარდა
16.04.2021
16 აპრილს "ჯეო ჰოსპიტალს"ის მარნეულის სამშობიარო და ამბულატორიულ ცენტრში, უახლესი თაობის აპარატურისა და ულტრათანამედროვე ტექნოლოგიების გამოყენებით თვალის ქირურგიული ოპერაციები ჩატარდა. ადგილზე პაციენტებს ახალი სამედიცინო სერვისის მიღება დღეიდან სისტემატიურად შეეძლებათ.

"ოფთალმოლოგიის ეროვნული ცენტრის" გამოცდილი სპეციალისტები უკვე რამდენიმე თვეა პაციენტებს ყოველდღიურად უწევენ ამბულატორიულ მომსახურებას - უტარებენ მხედველობის სიმახვილის და ყველა საჭირო ოფთალმოლოგიურ კვლევას, ასევე გასცემენ რეკომენდაციას მკურნალობის შესახებ. პირველი ოპერაციადღეს "ოფთალმოლოგიის ეროვნული ცენტრის" წამყვანმა ოფთალმოქირურგმა, გრიგოლ ქამუშაძემ ჩაატარა.

"ჯეო ჰოსპიტალს"ის" მარნეულის ოფთალმოქირურგიული სერვისის განვითარება კიდევ უფრო ზრდის რეგიონში ხარისხიანი და ხელმისაწვდომი მომსახურების შესაძლებლობას" - განაცხადა "ჯეო ჰოსპიტალს"-ის მარნეულის სამშობიარო და ამბულატორიული ცენტრის დირექტორმა ნინო კობერიძემ.მისივე თქმით "ჯეო ჰოსპიტალს"ის მარნეულის სამშობიარო და ამბულატორიულ ცენტრში, ოფთალმო-ქირურგიული სერვისი 15 ივნისიდან მოქმედებს.

"ოფთალმოლოგიის ეროვნული ცენტრის" გამოცდილი სპეციალისტები "ჯეო ჰოსპიტალს"-თან თანამშრომლობის ფარგლებში, უახლოეს მომავალში კვლავ ეწვევიან "ჯეო ჰოსპიტალსის" კლინიკებს კახეთის, ქვემო ქართლის, იმერეთის რეგიონში და ჩაერთვებიან პაციენტების მკურნალობის პროცესში. თანამშრომლობის ფარგლებში, "ჯეო ჰოსპიტალსის" გურჯაანისა და ჭიათურის ფილიალებში უკვე ჩატარდა არაერთი ოფთალმოლოგიური ოპერაცია.

"ოფთალმოლოგიის ეროვნულ ცენტრს" თვალის დაავადებათა მკურნალობის საუკუნოვანი გამოცდილება გააჩნია და ქვეყნის მასშტაბით ლიდერია გლაუკომის, კატარაქტის, ბადურის ქირურგიის, სიელმეების, თვალის ონკო-ქირურგიის და სხვა ოფთალმოლოგიური ჩარევების მიმართულებით. "ოფთალმოლოგიის ეროვნული ცენტრი" 2011 წლიდან "ნიუ ჰოსპიტალსში" ფუნქციონირებს და საუკეთესო ოფთალმოლოგიური სერვისებით უზრუნველყოფს პაციენტებს, მათ შორის გადაუდებელი ოფთალმოლოგიური დახმარების მომსახურებას, რომელიც 24 საათის განმავლობაშია ხელმისაწვდომი.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.