ENG / GEO
032 2 505 222
ENG / GEO
მარნეულში "ჯეო ჰოსპიტალს"-მა თანამედროვე სარეაბილიტაციო ცენტრი გახსნა
01.04.2021
მარნეულის "ჯეო -ჰოსპიტალსის" სამშობიარო და ამბულატორიული სამედიცინო ცენტრის ბაზაზე, თანამედროვე სარეაბილიტაციო სივრცე გაიხსნა, რომელიც ორთოპედიული პრობლემების მქონე პაციენტებს მოემსახურება.

ახალი სამედიცინო სერვისი, "ჯეო ჰოსპიტალს"-სა და "საქართველოს ტერფის და კოჭ-წვივის სახსრის ინსტიტუტს" შორის გაფორმებული მემორანდუმის საფუძველზე ამოქმედდა, რაც ადგილზე წამყვანი სპეციალისტების კონსულტაციებს და სხვადასხვა ტიპის მომსახურებას ითვალისწინებს, მათ შორის ქირურგიული ჩარევის დაგეგმვას და შემდგომ სრულ სარეაბილიტაციო კურსს. "დღეიდან მარნეულის მოსახლეობისთვის შესაძლებელი გახდა, ჩვენს რეგიონში ყველაზე მოთხოვნადი სამედიცინო მომსახურების ადგილზე მიღება ცნობილი ქირურგ-ორთოპედების ჩართულობით. მნიშვნელოვანი ფაქტია, რომ ორთოპედიული მიმართულების დარბაზი ბევრ შესაძლებლობეს აჩენს, მოსახლეობის ხელმისაწვდომობის თვალსაზრისითაც .ხშირ შემთხვევაში ტრავმული, იშემიური თუ პოსტოპერაციული რეაბილიტაციის ხანგრძლივობა რამდენიმე თვემდე პერიოდს მოიცავს, ამიტომ ძალიან მნიშვნელოვანია, რომ დღეიდან მსურველებს ადგილზე ექნებათ საშუალება მიიღონ სხვადასხვა კომპლექსური სამედიცინო მომსახურება" - აღნიშნა მარნეულის "ჯეო ჰოსპიტალს"-ის სამშობიარო და ამბულატორიული სამედიცინო ცენტრის დირექტორმა ნინო კობერიძემ.

დღეიდან მარნეულის მოსახლეობისთვის "ჯეო ჰოსპიტალს"-ის სამშობიარო და ამბულატორიული სამედიცინო ცენტრის ბაზაზე, ადგილზე გახდება შესაძლებებელი მაღალკვალიფიციური სამედიცინო პერსონალის მომსახურების მიღება, როგორიცაა სამკურნალო მასაჟი/კინეზოთერაპია და ფიზიოთერაპია. თბილისიდან მოწვეული რეაბილიტოლოგი მამუკა წერდიანი კი ინდივიდუალურ ვარჯიშებს ჩააუტარებს პაციენტებს.

ცენტრის გახსნის დღეს კი პატარა პაციენტებს კონსულტაციები გაუწიეს, დარგის წამყვანმა სპეციალისტებმა. ადგილზე მოწვეული იყო ქირურგ-ორთოპედ-ტრავმატოლოგი, ჯემალ ჭუმბურიძე, რომელიც მსოფლიო ტრავმატოლოგიის და ორთოპედიის ასოციაციის (SICOT) წევრი, ინსტიტუტის დირექტორი და ასტიასოციაციის პრეზიდენტია.მთელი დღის განმავლობაში პაციენტებს საშუალება ჰქონდათ, სხვადასხვა ტიპის სამედიცინო მომსახურება და კონსულტაციები მიეღოთ ინსტიტუტის მაღალკვალიფიციური ექიმების გუნდისგან. მარნეულში დაგეგმილ აქციაში მონაწილეობა მიიღეს გიორგი ჭუმბურიძემ, მიხეილ ჯანჯღავამ, თამრიკო ხალვაშმა და რეაბილიტოლოგმა მამუკა წერდიანმა.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.