ENG / GEO
032 2 505 222
ENG / GEO
ნინა კობახიძე : ,,შეიმჩნევა მცირე სტაბილიზაცია, მაგრამ ჰოსპიტალურ სექტორზე დაწოლა ჯერ კიდევ დიდია“
16.12.2020
,,ჯეო ჰოსპიტალსის“ სამეთვალყურეო საბჭოს თავმჯდომარემ ნინა კობახიძემ პრემიერთან გამართულ მორიგ შეხვედრაში მიიღო მონაწილეობა , რომლის ფარგლებშიც მთავრობის მეთაური Covid-19-ის მართვაში ჩართული კლინიკების ხელმძღვანელებისგან ჰოსპიტალურ სექტორში არსებულ მდგომარეობასა და სამედიცინო აღჭურვილობის მობილიზების კუთხით გატარებული ღონისძიებების შესახებ იღებს ინფორმაციებს.

შეხვედრაზე ნინა კობახიძემ ,,ჯეო ჰოსპიტალსის“ კლინიკებში მობილიზებული დამატებითი საწოლფონდისა და კოვიდინფიცირებულების მართვის მიმდინარეობის შესახებ ვრცლად ისაუბრა.ამავდროულად ყურადღება გაამახვილა არსებული შეზღუდვების ეფექტურობაზე ,რამაც ეპიდემიოლოგიური მდგომარეობის შედარებითი სტაბილიზაციის ნიშნები გააჩინა . მისივე თქმით აუცილებელია, ამ ეფექტის შენარჩუნება , რომ შემსუბუქდეს ჰოსპიტალურ სექტორზე არსებული დატვირთვა.

,,ჩვენ ყოველ კვირეულად თათბირებზე ვმსჯელობთ - რამდენი პაციენტი გვყავს მართვის სუნთქვაზე, როგორ შეგვიძლია რეგიონის მიხედვით კლინიკებისა და კოვიდ სასტუმროების გადანაწილება მოვახდინოთ სწორად. „ჯეო ჰოსპიტალსის“ ქსელმა, მორიგ ეტაპზე დაამატა ბორჯომისა და მარნეულის კლინიკა, რაც გვაძლევს საშუალებას, რომ რეგიონში სრულყოფილად მოვახდინოთ კოვიდპაციენტების მართვა და ასევე, ამბულატორიის ქსელის მეშვეობით უკვე ბინაზე დარჩენილი პაციენტების სწორი მართვა განვახორციელოთ. ამ ეტაპისთვის კლინიკები მობილიზებული ვართ, რაოდენობის შესახებ ინფორმაციებს ვცვლით. იმედს ვიტოვებთ, რომ სტაბილიზაციის პროცესი იქნება შენარჩუნებული და რაოდენობის ზრდა არ იქნება მიბმული შეზღუდვების მოხსნასთან“-განაცხადა ნინა კობახიძემ , რომლის თქმითაც ეპიდემიოლოგიური მდგომარეობის შემსუბუქება და ვირუსის გავრცელების პრევენცია ასევე, დამოკიდებულია მოსახლეობის მაღალ სოციალურ პასუხისმგებლობაზე და რეგულაციების დაცვაზე .

შეგახსენებთ , რომ ,,ჯეო ჰოსპიტალსის“ მენეჯმენტის გადაწყვეტილებით, ეპიდსიტუაციის კრიტიკულად დამძიმების ფონზე , რეგიონებში არსებულ კლინიკებში კოვიდპაციენტების ჰოსპიტალიზაციისთვის დამატებითი საწოლფონდის მობილიზაცია მოხდა , საბაზისო სამედიცინო სერვისებზე ხელმისაწვდომობის შენარჩუნების მიზნით კი მრავალპროფილური სამედიცინო ცენტრები ჰიბრიდული კლინიკების სტატუსით ფუნქციონირებს.
სხვა სიახლეები
14
01.2022
,,ჯეო ჰოსპიტალს“ის მენეჯმენტმა მარნეულის მრავალპროფილურ და ამბულატორიულ ცენტრებში ახალი ხელმძღვანელები წარადგინა
,,ჯეო ჰოსპიტალსის“მარნეულის მრავალპროფილური სამედიცინო ცენტრის დირექტორის პოზიციას 13 იანვრიდან ნინო კობერიძე დაიკავებს. ახალი დირექტორი ადგილობრივ გუნდს და სამედიცინო პერსონალს ,,ჯეო ჰოსპიტალსის“ კლინიკურმა დირექტორმა კახა გზობავამ წარუდგინა. როგორც შეხვედრაზე აღინიშნა, ცვლილებები რეგიონში მომსახურების ხარისხის და სამედიცინო სერვისების კიდევ უფრო მეტად გაუმჯობესებას უკავშირდება.
30
12.2021
„ჯეო ჰოსპიტალს“-ის სასწავლო ცენტრმა ქვეყნის წამყვან კლინიკებში ათეულობით ტრენინგი გამართა
უწყვეტი სამედიცინო განათლების პროგრამის ფარგლებში შპს „ჯეო ჰოსპიტალს“-ის სასაწავლო ცენტრის მიერ 2021 წლის განმავლობაში ათეულობით წამყვან კლინიკაში წარმატებული ტრენინგი ჩატარდა სხვადასხვა მიმართულებით. სასწავლო კურსის შედეგად მათში მონაწილე სამედიცინო პერსონალს მიენიჭათ პროგრამის შესაბამისი უპგ ქულა. კოლეგებს სხვადასხვა პროგრამის ფარგლებში დარგის სიახლეები და საკუთარი გამოცდილება გაუზიარეს ,,ჯეო ჰოსპიტალსის“ წამყვანმა სპეციალისტებმა და კომპანიის სასწავლო ცენტრის ტრენერებმა:
24
12.2021
ყოველი დილა ახალი გამოწვევაა, ახალი ომია, რომელშიც მხოლოდ გამარჯვების მიზნით ვერთვებით,- ,,ჯეო ჰოსპიტალსის" ბორჯომის სამედიცინო ცენტრის ექიმი ნანა გელაშვილი
"ახლა, როდესაც თეთრ ხალათიანებს „ახალი დროების გმირები“ გვიწოდეს, ხშირად, მეფიქრება, რომ ასეთი მადლიერების ფორმა კიდევ უფრო მეტ პასუხისმგებლობას გვაკისრებს! ყოველი დილა ახალი გამოწვევაა, ახალი ომია, რომელშიც მხოლოდ გამარჯვების მიზნით ვერთვებით" - ბორჯომის "ჯეო ჰოსპიტალსის" კოვიდექიმი ნანა გელაშვილი
14
12.2021
მარნეულის სარეაბილიტაციო ცენტრში ათეულობით მოზარდმა მკურნალობის სრული კურსი წარმატებით გაიარა
მარნეულის "ჯეო -ჰოსპიტალსის" სამშობიარო და ამბულატორიული სამედიცინო ცენტრის ბაზაზე ამოქმედებულ თანამედროვე სარეაბილიტაციო ცენტრში უკვე ათეულობით მოზარდმა გაიარა მკურნალობის სრული კურსი. ორთოპედიული პრობლემების მქონე პაციენტები სასურველ შედეგს ხშირ შემთხვევაში, ქირურგიული ჩარევის გარეშე სხვადასხვა სამედიცინო მომსახურების შედეგად იღებენ. მარნეულის "ჯეო ჰოსპიტალსის" სარეაბილიტაციო ცენტრში მკურნალობის მეთოდოლოგია სრულად შეესაბამება ევროპის და ა.შ.შ -ში აპრობირებულ სამედიცინო გაიდლაინებს. ადგილზე მუშაობენ თბილისიდან მოწვეული წარმატებული სპეციალისტები.
14
01.2022
,,ჯეო ჰოსპიტალს“ის მენეჯმენტმა მარნეულის მრავალპროფილურ და ამბულატორიულ ცენტრებში ახალი ხელმძღვანელები წარადგინა
,,ჯეო ჰოსპიტალსის“მარნეულის მრავალპროფილური სამედიცინო ცენტრის დირექტორის პოზიციას 13 იანვრიდან ნინო კობერიძე დაიკავებს. ახალი დირექტორი ადგილობრივ გუნდს და სამედიცინო პერსონალს ,,ჯეო ჰოსპიტალსის“ კლინიკურმა დირექტორმა კახა გზობავამ წარუდგინა. როგორც შეხვედრაზე აღინიშნა, ცვლილებები რეგიონში მომსახურების ხარისხის და სამედიცინო სერვისების კიდევ უფრო მეტად გაუმჯობესებას უკავშირდება.
გაიგეთ მეტი ყველა სიახლის ნახვა