ENG / GEO
032 2 505 222
ENG / GEO
"ჯეო ჰოსპიტალსი" ინფიცირებული პაციენტების მიღებას უახლოეს დღეებში დაიწყებს
16.11.2020
"ჯეო ჰოსპიტალსის" მენეჯმენტის წარმომადგენლებმა, პრემიერთან გამართულ შეხვედრაზე, კომპანიის მხრიდან საკუთარი რესურსების მობილიზების თაობაზე და სახელმწიფოსთვის მაქსიმალური დახმარების შესაძლებლობები განიხილეს. ,,ჯეო ჰოსპიტალსი, როგორც მაღალი სოციალური პასუხისმგებლობის კომპანია, რეგიონის მასშტაბით ახორციელებს დამატებით საწოლფონდის მობილიზებას რაც , ხელს შეუწყობს კოვიდინფიცირებული პაციენტების ჰოსპიტალიზაციას.

როგორც შეხვედრაზე აღინიშნა ,საქართველოში არსებული ეპიდემიოლოგიური ვითარების გათვალისწინებით, კორონავირუსის მართვის პროცესში კერძო კლინიკების აქტიურად ჩართულობა და დამატებითი რესურსების მობილიზება,
მათ შორის როგორც თერაპიის, ისევე რეანიმაციის მიმართულებით, უფრო ეფექტურს გახდის პროცესს.

"მზად ვართ, ჩვენი სოციალური პასუხისმგებლობის ფარგლებში მაქსიმალური მხარდაჭერა გავუწიოთ მოსახლეობას და სახელმწიფოს, დავხვდეთ გამოწვევებს და შევძლოთ კიდევ დამატებითი საწოლფონდის მობილიზება, მნიშვნელოვანია ასევე, მოსახლეობას წვდომა ქონდეს რეგიონში პირველადი ჯანდაცვისა და სხვა საჭირო სამედიცინო სერისებზე“-განაცხადა ,,ჯეო ჰოსპიტალსის“ დირექტორმა ზურა ქიტოშვილმა, მისივე თქმით კომპანია ასევე უზრუნველყოფს არსებული საბაზისო სერვისების შენარჩუნებას და უსაფრთხო გარემოში ბენეფიციარების მომსახურებას.

,,ჯეო ჰოსპიტალსი“ რომელიც სამედიცინო დაწესებულებათა ერთ-ერთი დიდი რეგიონული ქსელია საქართველოში, COVID–19-ის მართვის პროცესში , პირველ ეტაპზე სამტრედიის და საგარეჯოს მრავალპროფილურ ცენტრებს ჩართავს, რომლებიც აღჭურვილი იქნება კრიტიკული/რეანიმაციული საწოლებით და უზრუნველყოფილი ავტონომიური, მაღალი ხარისხის, თანამედროვე ჟანგბადის ქარხნებით.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.