ENG / GEO
032 2 505 222
ENG / GEO
"ჯეო ჰოსპიტალსი"-ს იმერეთისა და კახეთის რეგიონის კლინიკები დამატებით COVID საწოლფონდს ქმნის
10.11.2020

ინფიცირების მაღალი მაჩვენებლებისა და არსებული ეპიდვითარებიდან გამომდინარე, შპს „ჯეო ჰოსპიტალსი“, რომელიც სამედიცინო დაწესებულებათა ერთ-ერთი დიდი რეგიონული ქსელია საქართველოში, COVID–19-ის მართვის პროცესში სამტრედიისა და საგარეჯოს მრავალპროფილურ ცენტრებში 125 დამატებითი საწოლის მობილიზებას ახდენს. აღნიშნულ კლინიკებში მობილიზებული იქნება 18 კრიტიკული/რეანიმაციული საწოლიც (მ.შ., პედიატრიული), რაც განსაკუთრებით აქტუალურია COVID–19-ის რთული შემთხვევების მართვის თვალსაზრისით.

სამტრედიისა და საგრეჯოს მრავალპროფილური სამედიცინო ცენტრები, რომლებიც სათანადოდ აღჭურვილი საწოლფონდის გარდა უზრუნველყოფილია ავტონომიური, მაღალი ხარისხის, თანამედროვე ჟანგბადის ქარხნებით, ინფიცირებული პაციენტების მიღებას უახლოეს დღეებში დაიწყებენ.

„ჯეო ჰოსპიტალსი“, როგორც მაღალი პასუხისმგებლობის კომპანია, არსებული შესაძლებლობების სრული მობილიზაციით არის ჩართული COVID–19-ზე რეაგირების პროცესში. უკვე მობილიზებულია 125 საწოლი, სრული მზადყოფნაა, ასევე, მედიკოსთა მხრიდან. ახალმა მენეჯმენტმა რეგიონული ჰოსპიტლები საკუთარი ჟანგბადის ქარხნებით აღჭურვა, რაც, დღეის მდგომარეობით, ქვეყნის მასშტაბით სასიცოცხლოდ მნიშვნელოვანია“ განაცხადა „ჯეო ჰოსპიტალსის“ სამეთვალყურეო საბჭოს თავმჯდომარემ ნინა კობახიძემ. მისივე თქმით, ახალი მენეჯმენტის გადაწყვეტილებით, საინვესტიციო პაკეტი, სამედიცინო დაწესებულებების ინფრასტრუქტურულ და სამედიცინო განახლებას მოხმარდა; ჰოსპიტალური ქსელი, პანდემიის პერიოდშიც კი, სრული დატვირთვის პარალელურად ახერხებდა კლინიკებში ახალი სამედიცინო სერვისების დამატებას, ინფრასტრუქტურისა და აღჭურვილობის გაუმჯობესებას. კლინიკების რეკონსქტრუქცია განხორციელდა ინფექციების (მ.შ., COVID–19-ის) კონტროლის სისტემის მიმართ განსაზღვრული ყველა მოთხოვნის დაცვით: მოეწყო სივრცეები COVID–19-ის შესაძლო და დადასტურებული შემთხვევების იზოლირებული მიღება/განთავსებისათვის, განახლდა სავენტილაციო სისტემა, საპალატე, კრიტიკული/რეანიმაციული და გადაუდებელი დახმარების ერთეულები.

შპს „ჯეო ჰოსპიტალსის“ სამტრედიისა და საგარეჯოს მრავალპროფილური სამედიცინო ცენტრები აღჭურვილია COVID–19-ით დაავადებული პაციენტების მართვისთვის საჭირო ყველა დიაგნოსტიკური საშუალებით (მ.შ., კომპიუტერული ტომოგრაფია, მრავალპროფილური ლაბორატორია).საწოლფონდის მობილიზებასთან ერთად უწყვეტ რეჟიმში მიმდინარეობს კლინიკების პერსონალის გადამზადება, საგარეჯოსა და სამტრედიის მრავალპროფილურ ცენტრებში პაციენტთა მართვაში ჩართული იქნება 300-მდე მომზადებული ექიმი და ექთანი. ნინა კობახიძის განმარტებით პარალელურ რეჟიმში მოსახლეობას წვდომა ექნება პირველადი ჯანდაცვის ყველა საჭირო სერვისზე, რაც ეპიდსიტუაციისა და არსებული შეზღუდვების ფონზე ,,ჯეო ჰოსპიტალსის“-თვის არის მნიშვნელოვანი პრიორიტეტი.
სხვა სიახლეები
25
01.2021
ზურაბ ქიტოშვილი -" იმედი მაქვს გუნდური მუშაობის პრინციპით სტრატეგიული განვითარების საკითხებზე შევთანხმდებით"
,,ჯეო ჰოსპიტალს“-ის დირექტორი ზურაბ ქიტოშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძესთან გამართულ შეხვედრას დაესწრო. შეხვედრის მთავარი თემა პანდემიისა და ეკონომიკური კრიზისის ფონზე არსებული გამოწვევები და კლინიკების პრობლემების გაზიარება იყო.
11
01.2021
საგარეჯოში ,,ჯეო ჰოსპიტალსი“-ს მაღალტექნოლოგიური მოლეკულური დიაგნოსტიკის ლაბორატორია ამოქმედდა
„ჯეო ჰოსპიტალსი“-ს ბაზაზე, საგარეჯოში, შეიქმნა მაღალტექნოლოგიური მოლეკულური დიაგნოსტიკის ლაბორატორია, რომელიც მიმდინარე ეტაპზე ერთადერთია კახეთის რეგიონში. ლაბორატორია, რომელიც მოქმედი კანონმდებლობის შესაბამისად აღიჭურვა, სრულ შესაბამისობაშია მოწინავე ქვეყნებში არსებულ მსგავს ლაბორატორიებთან. ის დაკომპლექტდა კვალიფიციური საკადრო რესურსით.
28
12.2020
ქვემო ქართლში ,,ჯეო ჰოსპიტალსი"-ს ორ სამედიცინო ცენტრში კოვიდინფიცირებულთა ჰოსპიტალიზაციაა შესაძლებელი
„ჯეო ჰოსპიტალსი“-ს მრავალპროფილური სამედიცინო ცენტრი გარდაბანში კოვიდინფიცირებულების ჰოსპიტალიზაციის პროცესში ჩაერთო. ამ ეტაპზე ქვემო ქართლის რეგიონში კომპანიამ ორი კლინიკის ბაზაზე შეძლო დამატებითი საწოლფონდის მობილიზება. პროცესი ეტაპობრივად ნოემბრის დასაწყისიდან დაიწყო და ეპიდსიტუაციის დამძიმების პარალელურად, COVID–19-ით ინფიცირებულთა მკურნალობისათვის საწოლფონდი მთელი საქართველოს მასშტაბით მოქმედ სამედიცინო ცენტრებზე გადანაწილდა.
22
12.2020
გურჯაანის ,,ჯეო ჰოსპიტალსი"-ს ონლაინ კლინიკა და ჯანმრთელობის ფედერაცია სოციალურად დაუცველ კოვიდპაციენტებს მედიკამენტებს გადასცემენ
გურჯაანის ,,ჯეო ჰოსპიტალს“-ის ონლაინკლინიკის მეშვეობით ბინაზე მართვადი კოვიდპაციენტები , რომელთაც სოციალურად დაუცველი სტატუსი აქვთ , ოჯახის ექიმის რეკომენდაციით გამოწერილ რიგ წამლებს უფასოდ მიიღებენ.
25
01.2021
ზურაბ ქიტოშვილი -" იმედი მაქვს გუნდური მუშაობის პრინციპით სტრატეგიული განვითარების საკითხებზე შევთანხმდებით"
,,ჯეო ჰოსპიტალს“-ის დირექტორი ზურაბ ქიტოშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძესთან გამართულ შეხვედრას დაესწრო. შეხვედრის მთავარი თემა პანდემიისა და ეკონომიკური კრიზისის ფონზე არსებული გამოწვევები და კლინიკების პრობლემების გაზიარება იყო.
გაიგეთ მეტი ყველა სიახლის ნახვა