"ჯეო ჰოსპიტალსი"-ს მარნეულის სამშობიარო და ამბულატორიულმა სამედიცინო ცენტრმა 1 ივნისი კლინიკაში მყოფ პატარებს მიულოცა
02.06.2020
მარნეულის სამშობიარო და ამბულატორიული სამედიცინო ცენტრის დირექტორმა, იოსებ მგალობლიშვილმა ბავშვთა საერთაშორისო დღე კლინიკაში დაბადებული ახალშობილების მშობლებსაც მიულოცა და პატარებისთვის განკუთვნილი საჩუქრებიც გადასცა. მისივე განცხადებით, "ჯეო ჰოსპიტალს"-ის მარნეულის სამშობიარო სამედიცინო ცენტრს მუშაობა არცერთი დღეა არ შეუჩერებია ჩაკეტილ ქალაქში და მთელი ამ პერიოდის განმავლობაში საკმაოდ მაღალი მომართვიანობა იყო, სამშობიარომ 200 მეტი მშობიარობა მიიღო. კლინიკის ხელმძღვანელის თქმით, 1 ივნისს პატარების საზეიმო განწყობისთვისაც იზრუნეს და მათი კომფორტისთვის ახალი საბვშვო კუთხეც გახსნეს. კლინიკა ახლო მომავალში არაერთ საინტერესო აქციას და სერვისების შეთავაზებას გეგმავს რეგიონის მოსახლეობისთვის. აღსანიშნავია, რომ ქვემო ქართლის რეგიონში ერთადერთი ახალშობილთა რეანიმაციული განყოფილება, სწორედ "ჯეო ჰოსპიტალს"-ის სამშობიაროში ფუნქციონირებს, რომელიც უზრუნველყოფს გართულებული მშობიარობისას ახალშობილთა ადგილზე მკურნალობას და მეთვალყურეობას.
მარნეულის მსგავსად ახალი საბავშვო კუთხე დღეს "ჯეო ჰოსპიტალს"-ის სამტრედიის ამბულატორიულ ცენტრშიც გაიხსნა.
სხვა სიახლეები
მარნეულის ,,ჯეო ჰოსპიტალს"-ში პფაიზერის ვაქცინით იმუნიზაციის პროცესი დაიწყო
,,ჯეო ჰოსპიტალს“-ის რეგიონული ქსელი, რომელიც აქტიურად არის ჩართული კოვიდ პანდემიის მართვისა და ვაქცინაციის პროცესში, ახალ ეტაპზე გადადის და მასშტაბური ვაქცინაციის ფარგლებში რეგიონის მოსახლეობას პფაიზერის (Pfizer-BioNTech -პფაიზერ ბიონტექი) ვაქცინით აცრის საშუალებას აძლევს. პირველ ეტაპზე პფაიზერის ვაქცინაციისთვის სრულ მზადყოფნაშია მარნეულის მრავალპროფილური სამედიცინო ცენტრი, სადაც 26 ივლისიდან დამატებით ახალი იმუნიზაციის კაბინეტი ამოქმედდა. აღნიშნული პროცესის ხელშეწყობისათვის კომპანია პფაიზერით ვაქცინაციის კაბინეტებს ეტაპობრივად სხვა რეგიონებშიც დაამატებს.
