ENG / GEO
032 2 505 222
ENG / GEO
"ჯეო ჰოსპიტალსი"-ს ოფიციალური განცხადება მარნეულის სამედიცინო ცენტრში COVID-19-ის შემთხვევასთან დაკავშირებით
24.03.2020
შპს „ჯეო ჰოსპიტალს-ის მარნეულის მრავალპროფილურ სამედიცინო ცენტრში მიმდინარე წლის 18 მარტს, თვითდინებით, რენტგენოლოგიური კვლევის ჩატარების მიზნით შემოვიდა მდედრობითი სქესის 62 წლის პაციენტი. რენტგენოლოგიური კვლევის საფუძველზე დაისვა ორმხრივი პნევმონიისა და სუნთქვის მწვავე უკმარისობის დიაგნოზი. პაციენტის მდგომარეობას კიდევ უფრო ამძიმებდა მძიმე თანმხლები დაავადებები: გადატანილი აორტო-კორონარული შუნტირება, შაქრიანი დიაბეტი 20 წლიანი ანამნეზით, 4 წლის წინ გადატანილი იშემიური ინსულტი. დაწესებულების პერსონალმა აღნიშნული შემთხვევა მაშინვე ჩათვალა კორონავირუსის შესაძლო შემთხვევად და COVID-19-ის შესაძლო შემთხვევის მართვისათვის განკუთვნილი ინფექციების პრევენციისა და კონტროლის პროტოკოლის სრული დაცვით გაკეთდა შეტყობინება საზოგადოებრივი ჯანდაცვის ადგილობრივ სამსახურში, ადგილობრივი ეპიდემიოლოგებისა და კლინიკის სამედიცინო პერსონალის ერთობლივი ძალისხმევით მოხდა პაციენტის გამოკითხვა და ინფორმაცია შემთხვევის შესახებ მიეწოდა სსიპ - საგანგებო სიტუაციების კოორდინაციისა და გადაუდებელი დახმარების და დაავადებათა კონტროლისა და საზოგადოებრივი ჯანმრთელობის ეროვნული ცენტრებს.
პაციენტი, რთული მდგომარეობისა და მძიმე თანმხლები დაავადებების გათვალისწინებით, მოთავსდა დაწესებულების ინტენსიური თერაპიის განყოფილებაში, სხვა პაციენტებისაგან იზოლირებულ გარემოში, სადაც მას უტარდებოდა შესაბამისი კვალიფიციური სამედიცინო დახმარება, ინფექციების პრევენციისა და კონტროლის პროტოკოლით განსაზღვრული წესების სრული დაცვით.
2020 წლის 21 მარტს პაციენტს განუვითარდა მძიმე მწვავე რესპირაციული დისტრეს სინდრომი და საჭირო გახდა მისი მართვით სუნთქვაზე გადაყვანა. ამავდროულად, აღნიშნულის შესახებ ეცნობა სსიპ - საგანგებო სიტუაციების კოორდინაციისა და გადაუდებელი დახმარებისა და დაავადებათა კონტროლისა და საზოგადოებრივი ჯანმრთელობის ეროვნულ ცენტრებს. იმავე დღეს, 2020 წლის 21 მარტს, განხორციელდა პაციენტის ბიოლოგიური მასალის აღება COVID-19-ზე ლაბორატორიული კვლევის ჩატარების მიზნით, ხოლო 2020 წლის 22 მარტს დაისვა COVID-19-ის დიაგნოზი.
დკსჯეც-ის წამყვანმა ეპიდემიოლოგებმა ადგილზე შეისწავლეს მარნეულის მრავალპროფილურ სამედიცინო ცენტრში არსებული მდგომარეობა. თუმცა, პერსონალისა და პაციენტების უსაფრთხოების მიზნით, მიუხედავად იმისა, რომ პაციენტის მართვისას დაცული იყო ინფექციების პრევენციისა და კონტროლის ადეკვატური ღონისძიებები (შესაბამისი COVID-19-ის შესაძლო შემთხვევების მართვისათვის), კონტაქტირებულ პირებზე (ინტენსიური თერაპიის პაციენტები, სამედიცინო პერსონალი) დაწესდა მეთვალყურეობა და ისინი გადავიდნენ კარანტინის ან თვითიზოლაციის რეჟიმში. ამავდროულად, აღნიშნულ პირებს 2020 წლის 23 მარტს ჩაუტარდათ ლაბორატორიული კვლევა COVID-19-ის იდენტიფიცირებისათვის (სულ ლაბორატორიული კვლევა ჩაუტარდა 21 თანამშრომელს და 16 პაციენტს), ყველა კვლევის შედეგი არის უარყოფითი.
მძიმე თანმხლები დაავადებებიდან მომდინარე რისკების გათვალისწინებით, 2020 წლის 22 მარტს მართებულად ჩაითვალა, პაციენტის გადაყვანა თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში.
რეგიონში არსებული ვითარების გათვალისწინებით, შპს „ჯეო ჰოსპიტალს“-ის მარნეულის მრავალპროფილური სამედიცინო ცენტრი გამოცხადდა კარანტინის ზონად. ამ ეტაპზე დაწესებულება არის მზადყოფნაში, უზრუნველყოს COVID-19 შემთხვევების მართვა საველე ჰოსპიტალსა და დაავადებათა კონტროლისა და საზოგადოებრივი ჯანმრთელობის ეროვნულ ცენტრთან მჭიდრო კოორდინაციის ფარგლებში.
სხვა სიახლეები
10
08.2020
“ჯეო ჰოსპიტალსი“- ს ქსელმა განაახლა COVID-19 თან დაკავშირებული პრევენციული ღონისძიებები
“ჯეო ჰოსპიტალსი“- ს ქსელის მასშტაბით, COVID-19 თან დაკავშირებული პრევენციული ღონისძებების, მათ შორის ,დასაქმებული პერსონალის ყოველდღიური ჯანმრთელობის მდგომარეობის ტესტირებისთვის ,ჯანმრთელობის დაცვის მსოფლიო ორგანიზაციის მიერ განახლებულ რეკომენდაციებზე, კლინიკის დირექტორების ჩართულობით ონლაინ კონფერენცია ჩატარდა.
06
08.2020
"ჯეო ჰოსპიტალსი"-ს მარნეულის სამშობიარო და ამბულატორიულ სამედიცინო ცენტრში ახალი ელექტრონული მომსახურება ამოქმედდა
"ჯეო ჰოსპიტალსი"-ს მარნეულის სამშობიარო და ამბულატორიულ სამედიცინო ცენტრში ახალი ელექტრონული მომსახურება ამოქმედდა.
04
08.2020
სოფელ ვაჩნაძიანში მოსახლეობას უფასო სამედიცინო კვლევები ჩაუტარდა
"ჯეო ჰოსპიტალსი"-ს გურჯაანის სამედიცინო ცენტრის მედიკოსთა ჯგუფი გასვლითი აქციის ფარგლებში სოფელ ვაჩნაძიანს ეწვია, სადაც მოსახლეობას სხვადასხვა ტიპის სამედიცინო მომსახურება გაუწიეს.
28
07.2020
"ჯეო ჰოსპიტალსი"-ს სამეთვალყურეო საბჭოს თავმჯდომარე - ნინო კობახიძე გადაცემა ,,ბიზნესპარტნიორის“ პირდაპირ ეთერში
,,ჩვენი მთავარი მიზანია რეგიონში მაღალი ხარისხის სამედიცინო სერვისებისა და მომსახურების განვითარება, ინფრასტრუქტურისა და ტექნიკური აღჭურვილობის განახლება, მაგრამ, ყველაზე მნიშვნელოვანია ამ სერვისებზე ჩვენი მოსახლეობის ხელმისაწვდომობის გაზრდა, რადგან - წინააღმდეგ შემთხვევაში ყველანაირი დანახარჯი და ინვესტიცია აზრს კარგავს„
10
08.2020
“ჯეო ჰოსპიტალსი“- ს ქსელმა განაახლა COVID-19 თან დაკავშირებული პრევენციული ღონისძიებები
“ჯეო ჰოსპიტალსი“- ს ქსელის მასშტაბით, COVID-19 თან დაკავშირებული პრევენციული ღონისძებების, მათ შორის ,დასაქმებული პერსონალის ყოველდღიური ჯანმრთელობის მდგომარეობის ტესტირებისთვის ,ჯანმრთელობის დაცვის მსოფლიო ორგანიზაციის მიერ განახლებულ რეკომენდაციებზე, კლინიკის დირექტორების ჩართულობით ონლაინ კონფერენცია ჩატარდა.
გაიგეთ მეტი ყველა სიახლის ნახვა