ENG / GEO
032 2 505 222
ENG / GEO
"ჯეო ჰოსპიტალსი"-ს სამედიცინო ცენტრებში "ასტრაზენეკას" ვაქცინით იმუნიზაციის პროცესი 17 მარტიდან იწყება
15.03.2021
"ჯეო ჰოსპიტალსი"-ს რეგიონალური ჰოსპიტალური ქსელი მთელი საქართველოს მასშტაბით COVID-19-ის საწინააღმდეგო ვაქცინაციის პროცესში აქტიურად ჩაერთო . დღეს დილიდან სამედიცინო ცენტრებმა მიზნობრივი ჯგუფების იმუნიზაციისთვის საჭირო ვაქცინები მიიღეს და შესაბამისი მოთხოვნების გათვალისწინებით დაასაწყობეს.

17 მარტიდან "ჯეო ჰოსპიტალს"-ის კლინიკებში ოფიციალურ სარეგისტრაციო ველში დარეგისტრირებული მედპერსონალის საყოველთაო აცრები დაიწყება. "ქსელის მასშტაბით სრულ მზადყოფნაშია იმუნიზაციის კაბინეტები, ვაქცინები განთავსებულია მოთხოვნების სრული დაცვით და ოთხშაბათიდან უსაფრთხო და ხარისხიან იმუნიზაციის პროცესს ვიწყებთ მთელი საქართველოს მასშტაბით ,რაც ქვეყნისთვის ძალიან მნიშვნელოვანი პროცესია" - განაცხადა "ჯეო ჰოსპიტალს"-ის კლინიკურმა დირექტორმა კახა გზობავამ. საქართველოში კორონავირუსის საწინააღმდეგო ვაქცინის, "ასტრაზენეკას" პირველი პარტია 13 მარტს შემოვიდა და აცრის მსურველი სამედიცინო პერსონალის რეგისტრაციის პროცესიც დაიწყო.

"იმ მილიონობით ადამიანთა რიცხვში ვარ ვინც ენდობა ვაქცინას და ვუერთდები იმუნიზაციის პროცეს. ვაქცინა ამცირებს როგორც დაავადების რისკებს ასევე, რაც კიდევ უფრო მნიშვნელოვანია იმუნიზაციის შედეგად დაავადების გართულების რისკები ფაქტიურად ნულდება. "ასტრაზენეკას" ვაქცინა ჯანდაცვის მსოფლიო ორგანიზაციის მიერ არის ავტორიზებული და მსოფლიოს სხვადასხვა ქვეყნებში წარმატებით ხორციელდება იმუნიზაციის პროცესი, მოვუწოდებ ყველას რომ ენდონ პირველწყაროს, გაიარონ შესაბამისი კონსულტაციები ექიმთან და დროულად ჩაებან ჩვენი ჯანმრთელობისთვის მნიშვნელოვან პროცესში" - განაცხადა "ჯეო ჰოსპიტალს"-ის მცხეთის მრავალპროფილური სამედიცინო ცენტრის დირექტორმა ბაკა თავხელიძემ.

საქართველოს მასშტაბით "ასტრაზენეკას" ვაქცინით პირველადი იმუნიზაციის პროცესში ჩართვა, "ჯეო ჰოსპიტალს"-ის სხვადასხვა სამედიცინო ქსელის მასშტაბით, ნებისმიერი კომპანიის სამედიცინო პერსონალს შეუძლია. აცრები განხორციელდება ბორჯომის, ბაღდათის, ჭიათურის, ვანის, ხონის, სამტრედიის, ზესტაფონის, გურჯაანის, საგარეჯოს, გარდაბანის, მარნეულის და დუშეთის კლინიკებში.

 

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.