ENG / GEO
032 2 505 222
ENG / GEO
"ჯეოჰოსპიტალსი"-ს საოპერაციო დირექტორი: - "დიდი იმედი გვაქვს, რომ შემუშავებული ტარიფი შესაძლებლობას მოგვცემს შევძლოთ პაციენტებისთვის ხარისხიანი მომსახურების მიწოდება"
19.03.2021
კლინიკები კვლავ მოლოდინის რეჟიმში რჩებიან და ჯანდაცვის სამინისტროსგან სატარიფო პოლიტიკის ამსახველ ახალ დოკუმენტს ელიან. ამავდროულად მიესალმებიან საკითხზე მუშაობის დაწყების პროცეს და მასში ჩართულობის შესაძლებლობას. აღნიშნული პრობლემის და მისი გადაჭრის აუცილებლობაზე სამედიცინო დარგის წამყვანმა მენეჯერებმა შეხვედრა მინისტრთან 2 თვის წინ გამართეს და მიიღეს მზაობა, რომ საკითხზე მუშაობა დაიწყებოდა და კლინიკის ხელმძღვანელების მოსაზრებებსაც გაითვალისწინებდნენ. როგორც დარგის წარმომადგენლები აცხადებენ, სატარიფო პოლიტიკის გადახედვის აუცილებლობა იმ ობიექტურ ვითარებას უკავშირდება რომელშიც სექტორი მიმდინარე პანდემიისა და გლობალური კრიზის გამო აღმოჩნდა.

"2013 წლიდან, საყოველთაო ჯანდაცვის პროგრამის ამოქმედების დღიდან მასში ჩართული კლინიკებისთვის არ მომხდარა მთელი ამ პერიოდის განმავლობაში ფასების გადახედვა. მოგეხსენებათ, რომ დოლარის კურსის გამო ფასები გაიზარდა როგორც მედიკამენტებზე, ისე სახარჯ მასალაზე. ეპიდემილოგიური გარემოდან გამომდინარე ინდივიდუალური დაცვის საშუალებების მოხმარება გაიზარდა, შესაბამისად ამან განაპირობა ის, რომ ფასები გადახედილიყო. აღსანიშნავია ისიც, რომ ისტორიული კლინიკები, რომლებიც პროგრამის ამოქმედების დღიდან მონაწილეობენ პროგრამაში, არათანაბარ კონკურენტულ გარემოში აღმოჩნდნენ იმ კლინიკებთან მიმართებაში, რომლებიც შემდგომ ჩაერთნენ პროგრამაში. შესაბამისად მისასალმებელია, რომ ჯანდაცვის სამინისტრომ კლინიკებთან შეთანხმებით დაიწყო ახალი ტარიფების შემუშავება სხვადასხვა ნოზოლოგიების მიმართულებით, იქნება ეს თერაპიული, რეანიმაციული, თუ ქირურგიული ნოზოლოგიები. დიდი იმედი გვაქვს, რომ შემუშავებული ტარიფი შესაძლებლობას მოგვცემს შევძლოთ პაციენტებისთვის ხარისხიანი მომსახურების მიწოდება" - აცხადებს მაია ხომერიკი, "ჯეოჰოსპიტალსის" საოპერაციო დირექტორი.

შეგახსებეთ, რომ რამდენიმე თვის წინ წამყვანმა ათეულობით სამედიცინო კლინიკის ხელმძღვანელმა ჯანდაცვის მინისტრთან შეხვედრა გამართა, სადაც მიმდინარე პანდემიისა და ეკონომიკური კრიზისის ფონზე სამედიცინო სექტორში არსებული გამოწვევებისა და პრობლემების საქმის კურსში ჩააყენეს ეკატერინე ტიკარაძე. განხილვის ერთერთი მთავარი თემა სატარიფო პოლიტიკის გადახედვა იყო, რომელიც სამედიცინო სექტორში როგორც ხარისხიან მომსახურებას უზრუნველყოფს, ასევე კლინიკებს მისცემს საშუალებას შეძლონ საქმიანობის გაგრძელება.

წყარო: bm.ge
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.