ENG / GEO
032 2 505 222
ENG / GEO
საგარეჯოს მოსახლეობისთვის უფასო სკრინინგის აქცია ჩატარდა
13.08.2020

12 და 13 აგვისტოს ,,ჯეო ჰოსპიტალსის“ საგარეჯოს სამედიცინო ცენტრში ეროვნული სკრინინგის მაღალკვალიფიციური მედპერსონალის ჩართულობით და ორგანიზებით ერთობლივი, სკრინინგის უფასო აქცია გაიმართა.
საგარეჯოში, ადგილობრივი მოსახლეობისთვის ამ აქციის ფარგლებში ხელმისაწვდომი იყო სკრინინგ ცენტრის უახლესი, მაღალტექნოლოგიური აპარატურით აღჭურვილი მამომობილის მეშვეობით, ძუძუს უფასო სკრინინგი.
,,ჯეო ჰოსპიტალსის“ კლინიკის ბაზაზე კი პარალელურად, საშუალება ჰქონდათ დაავადებათა სკრინინგის პროგრამის ფარგლებში, საშვილოსნოს ყელის კიბოს უფასო სკრინინგული გამოკვლევებიც მიეღოთ. როგორც ,,ჯეო ჰოსპიტალსის“ მრავალპროფილური სამედიცინო ცენტრის დირექტორმა დავით ჯიქიამ განაცხადა, მნიშვნელოვანია სახელმწიფო პროგრამის ფარგლებში კერძო კომპანიების მხრიდან მსგავსი აქტივობები, რაც რეგიონში, ადგილობრივი მოსახლეობის მაღალტექნოლოგიურ აპარატურაზე და სამედიცინო სერვისებზე ხელმისაწვდომობას ზრდის. მისივე თქმით, ასეთი აქტივობები და ერთობლივი აქციები მნიშვნელოვანია პირველადი ჯანდაცვის განვითარებისთვის.
ადგილზე იმყოფებოდა ეროვნული სკრინინგ ცენტრის დირექტორი ეთერ კიღურიძე, რომელმაც ,,ჯეო ჰოსპიტალსის“ ჩართულობის მნიშვნელობაზე გაამახვილა ყურადღება და აღნიშნა რომ სკრინინგის უფასო აქციაში აქტიური მხარდაჭერა და გაწეული უფასო სამედიცინო მომსახურება კომპანიის მაღალ სოციალურ პასუხისმგებლობაზე მიუთითებს. მანვე მადლობა გადაუხადა ადგილობრივებს აქტიურობისთვის და კიდევ ერთხელ აღნიშნა რამდენად მნიშვნელოვანია პრევენცია და დროული კვლევები , რაც დაავადების განკურნების მაღალი პროცენტული მაჩვენებლით დასტურდება.
მოსახლეობის საინფორმაციო კამპანიაში და საორგანიზაციო საკითხებში აქტიურად იყო ჩართული ადგილობრივი მუნიციპალიტეტის ხელმძღვანელობა.
ორი დღის განმავლობაში ძუძუს უფასო სკრინინგით სარგებლობა 40–დან 70 წლის ჩათვლით ასაკის ქალბატონებმა შეძლეს. საშვილოსნოს ყელის კიბოს უფასო სკრინინგი ,,ჯეო ჰოსპიტალსის“ სამედიცინო ცენტრის ბაზაზე 25–დან 60 წლის ჩათვლით ქალბატონებისთვის უფასოდ იყო ხელმისაწვდომი.,, ჯეო ჰოსპიტალსის“ კლინიკების ქსელი და ეროვნული სკრინინ ცენტრი უკვე მეორე თვეა მთელი საქართველოს მასშტაბით ახორციელებს ფართომაშტაბიან უფასო კვლევებს სხვადასხვა ქალაქებსა და სოფლებში.






სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.
02
05.2022
„ჯეო ჰოსპიტალს“-ის სასწავლო ცენტრის ფარგლებში საექთნო პერსონალის უწყვეტი საექთნო განათლების სისტემა ჩამოყალიბდება
2 მაისს „ჯეო ჰოსპიტალს“-სა და USAID-ს შორის ურთიერთთანამშრომლობის შესახებ დოკუმენტზე ხელმოწერის ცერემონია გაიმართა. ,,ჯეო ჰოსპიტალს“-ი, როგორც საგრანტო კონკურსის „დამსაქმებლები პროფესიული განათლებისთვის“ - გამარჯვებული, „ჯეო ჰოსპიტალს“-ის სასწავლო ცენტრის ფარგლებში უზრუნველყოფს საექთნო პერსონალის სასწავლო საჭიროებებზე ორიენტირებული უწყვეტი საექთნო განათლების მდგრადი სისტემის ჩამოყალიბებას, რაც ქსელის რეგიონული პოზიციონირებიდან გამომდინარე, ხელს შეუწყობს რეგიონებში საექთნო ადამიანური კაპიტალის გაძლიერებასა და, შესაბამისად, რეგიონის მოსახლეობისათვის უსაფრთხო და ხარისხიანი სამედიცინო სერვისების მიწოდებას.