ENG / GEO
032 2 505 222
ENG / GEO
საგარეჯოში ,,ჯეო ჰოსპიტალსი“-ს მაღალტექნოლოგიური მოლეკულური დიაგნოსტიკის ლაბორატორია ამოქმედდა
11.01.2021
„ჯეო ჰოსპიტალსი“-ს ბაზაზე, საგარეჯოში, შეიქმნა მაღალტექნოლოგიური მოლეკულური დიაგნოსტიკის ლაბორატორია, რომელიც მიმდინარე ეტაპზე ერთადერთია კახეთის რეგიონში. ლაბორატორია, რომელიც მოქმედი კანონმდებლობის შესაბამისად აღიჭურვა, სრულ შესაბამისობაშია მოწინავე ქვეყნებში არსებულ მსგავს ლაბორატორიებთან. ის დაკომპლექტდა კვალიფიციური საკადრო რესურსით.

,,კოვიდ-პანდემიის პირობებში ახალი ლაბორატორიული სერვისების დანერგვის საჭიროებაც დადგა, შესაბამისად, ,,ჯეო-ჰოსპიტალსიც“ ახალ გამოწვევებს პასუხობს და მინიმალურ დროში შევძელით აგვეწყო დღეისთვის ერთერთი ყველაზე საჭირო და მოთხოვნადი მაღალტექნოლოგიური დიაგნოსტიკის ლაბორატორია, სადაც შესაძლებელია პჯრ (პოლიმერაზული ჯაჭვური რეაქცია) დიაგნოსტიკის სერვისის მიწოდება როგორც „ჯეო ჰოსპიტალს“-ის ქსელის, ასევე, რეგიონულ მასშტაბში, რომელიც ოქროს სტანდარტია COVID–19-ის დიაგნოსტიკის მიმართულებით.“-განაცხადა ,,ჯეო ჰოსპიტალსის“ დირექტორმა ზურაბ ქიტოშვილმა.

ლაბორატორია სრული დატვირთვით ამოქმედდა, და 24 საათიან რეჟიმში იღებს სატესტო მასალებს.

,, „ჯეო ჰოსპიტალს“-ის მოლეკულური დიაგნოსტიკის ლაბორატორია მონაწილეობს დაავადებათა კონტროლისა და საზოგადოებრივი ჯანმრთელობის ეროვნული ცენტრის ლუგარის საზოგადოებრივი ჯანმრთელობის კვლევითი ცენტრის SARS-CoV-2 ვირუსის ლაბორატორიული დიაგნოსტიკის ხარისხის გარე შეფასების სისტემაში. რაც ნიშნავს რომ ლაბორატორიამ წარმატებით გაიარა ყველა საჭირო სატესტო კონტროლი და ლუგარის ლაბორატორიის სერტიფიცირება მიიღო.“აღნიშნა მოლეკულური დიაგნოსტიკის ლაბორატორიის დირექტორმა მაკა სანიკიძემ. როგორც საგარეჯოს სამედიცინო ცენტრის დირექტორმა დავით ჯიქიამ აღნიშნა ,პანდემიის დროს ძალიან მნიშვნელოვანია რეგიონისთვის აღნიშნული სიახლე რადგან ადგილზე პჯრ კვლევა,პასუხებზე ვადების შემცირების საშუალებასაც იძლევა. ამასთანავე, მოლეკულური დიაგნოსტიკის ლაბორატორიის ამოქმედებასთან ერთად, შპს „ჯეო ჰოსპიტალს“-ი უზრუნველყოფს შესაბამისი ბიოლოგიური მასალის ტრანსპორტირებას ქვეყნის მასშტაბით, ცივი ჯაჭვის პრინციპის დაცვით.

არსანიშნავია , რომ პჯრ დიაგნოსტიკის მეთოდის გამოყენების აქტუალობიდან გამომდინარე, პროექტი რეგიონისათვის მნიშვნელოვანია სოფლის მეურნეობის მიმართულებითაც.პჯრ დიაგნოსტიკა გამოიყებნება დაავადებებისადმი მცენარეთა გამძლეობის სელექციის მიზნით.
სხვა სიახლეები
28
07.2021
,,ჯეო ჰოსპიტალს“-ის კახეთის რეგიონულ ქსელში პფაიზერის ვაქცინაციის პროცესი აქტიურად მიმდინარეობს
კახეთის რეგიონში პფაიზერით ვაქცინაციის პროცესში ,,ჯეო ჰოსპიტალს“-ის გურჯაანისა და საგარეჯოს მრავალპროფილური სამედიცინო ცენტრები ჩაერთო. კლინიკებში დამატებით გაიხსნა იმუნიზაციის კაბინეტები, სადაც აქტიურად მიმდინარეობს, პორტალზე დარეგისტრირებული მოქალაქეების აცრა.
26
07.2021
მარნეულის ,,ჯეო ჰოსპიტალს"-ში პფაიზერის ვაქცინით იმუნიზაციის პროცესი დაიწყო
,,ჯეო ჰოსპიტალს“-ის რეგიონული ქსელი, რომელიც აქტიურად არის ჩართული კოვიდ პანდემიის მართვისა და ვაქცინაციის პროცესში, ახალ ეტაპზე გადადის და მასშტაბური ვაქცინაციის ფარგლებში რეგიონის მოსახლეობას პფაიზერის (Pfizer-BioNTech -პფაიზერ ბიონტექი) ვაქცინით აცრის საშუალებას აძლევს. პირველ ეტაპზე პფაიზერის ვაქცინაციისთვის სრულ მზადყოფნაშია მარნეულის მრავალპროფილური სამედიცინო ცენტრი, სადაც 26 ივლისიდან დამატებით ახალი იმუნიზაციის კაბინეტი ამოქმედდა. აღნიშნული პროცესის ხელშეწყობისათვის კომპანია პფაიზერით ვაქცინაციის კაბინეტებს ეტაპობრივად სხვა რეგიონებშიც დაამატებს.
22
07.2021
ზურაბ ქიტოშვილი: ,,ჰოსპიტალური სექტორისთვის პანდემიის ფონზე, არსებული სატარიფო პოლიტიკა ერთ-ერთი მთავარი გამოწვევა“
ქვეყნის წამყვანი ჰოსპიტალური ქსელის წარმომადგენლებმა, საქართველოს ბიზნეს ასოციაციის ინიციატივით გამართულ შეხვედრაზე კოვიდ პანდემიის ფონზე ჰოსპიტალური სექტორის ჩართულობასა და მზაობაზე, არსებულ გამოწვევებზე და პრობლემებზე ისაუბრეს. განხილვის ერთ-ერთი მთავარი თემა იყო სატარიფო პოლიტიკა, რომელიც წლებია არ შეცვლილა. ,,ჰოსპიტალური სექტორი, რომელიც დღეს ყველაზე დიდი დარტყმის ქვეშ აღმოჩნდა, მისი შემდგომი განვითარება არსებული სატარიფო პოლიტიკის შენარჩუნების პირობებში შეუძლებელი გახდება. ფინანსური ინფლაციის, გაორმაგებული საბაზრო ღირებულებებისა და გაძვირებული ელექტროენერგიის ფონზე, თუ არ გადაიხედება ტარიფები ბიზნესისთვის შიდა ინვესტირების დაგეგმვა და პრიორიტეტების განსაზღვრა შეუძლებელი გახდება“-აღნიშნა ,,ჯეო ჰოსპიტალს“-ის გენერალურმა დირექტორმა ზურაბ ქიტოშვილმა, მისივე თქმით აუცილებელია მეტი კომუნიკაცია და ჩართულობა სახელმწიფოს მხრიდან. ბიზნეს ასოციაციის პრეზიდენტმა, ტარიფების ინდექსაციის ისეთი მექანიზმის შექმნის საჭიროების აუცილებლობაზე გაამახვილა ყურადღება, რომელიც უზრუნველყოფს ჰოსპიტალური სექტორის ოპერირების გაგრძელების შესაძლებლობას, ამიტომ გეგმავს აქტიურად ჩაერთოს არსებული პრობლემის მოგვარების საკითხში და ამ მიმართულებით ხელისუფლებასთან ითანამშრომლოს.
12
07.2021
„ჯეო ჰოსპიტალს“-ი მასშტაბური ვაქცინაციის ფარგლებში მოსახლეობას იმუნიზაციის კაბინეტების რაოდენობის ზრდის გარდა ჯავშნის გამარტივებულ სერვისსაც სთავაზობს
კორონავირუსის საწინააღმდეგო ფართომასშტაბიანი ვაქცინაციის პროცესში „ჯეო ჰოსპიტალს“-ის რეგიონული ქსელი მთელი საქართველოს მასშტაბით 11 სამედიცინო დაწესებულებით არის ჩართული, რომლებშიც 15 იმუნიზაციის კაბინეტია მობილიზებული; მათში იმუნიზაციის მომსახურებას აწარმოებს 23 სამედიცინო გუნდი. „ჯეო ჰოსპიტალს“-ის სამედიცინო დაწესებულებებში ყველა პირობაა იმუნიზაციის პროცესის უსაფრთხოდ წარმართვისათვის: ვაქცინაციის კაბინეტები მოწყობილია მოქმედი კანონმდებლობით განსაზღვრული ყველა მოთხოვნის დაცვით, თითოეული პაციენტის წინასწარ შემოწმებას და ზედამხედველობას ახორციელებენ კვალიფიციური ექიმები.
28
07.2021
,,ჯეო ჰოსპიტალს“-ის კახეთის რეგიონულ ქსელში პფაიზერის ვაქცინაციის პროცესი აქტიურად მიმდინარეობს
კახეთის რეგიონში პფაიზერით ვაქცინაციის პროცესში ,,ჯეო ჰოსპიტალს“-ის გურჯაანისა და საგარეჯოს მრავალპროფილური სამედიცინო ცენტრები ჩაერთო. კლინიკებში დამატებით გაიხსნა იმუნიზაციის კაბინეტები, სადაც აქტიურად მიმდინარეობს, პორტალზე დარეგისტრირებული მოქალაქეების აცრა.
გაიგეთ მეტი ყველა სიახლის ნახვა