ENG / GEO
032 2 505 222
ENG / GEO
სამედიცინო დაწესებულებების ინიციატივით „ჯანდაცვის ასოციაცია“ შეიქმნა
08.09.2021

საერთო იდეის გარშემო შეკრებილი სამედიცინო დაწესებულებების ინიციატივით დღეს „ჯანდაცვის ასოციაცია“ შეიქმნა, რომელიც ღიაა ნებისმიერი სტაციონარული და ამბულატორიული სამედიცინო დაწესებულების გასაერთიანებლად.

ასოციაცია, ძირითადად, ჯანდაცვის პოლიტიკის ისეთ საკითხებზე იმუშავებს, როგორიც არის  სისტემის დაფინანსება, პირველადი ჯანდაცვის რგოლის გაძლიერება, სატარიფო პოლიტიკა, საწოლფონდის თანაფარდობა, სამედიცინო პერსონალის რაოდენობა და გადანაწილება, მომსახურების ხარისხი,  სამედიცინო შეცდომის იდენტიფიცირებისა და რეაგირების მექანიზმების შექმნა, პაციენტის უფლებების დაცვა, სამედიცინო დაწესებულებების ეფექტური ფუნქციონირება პანდემიის პირობებში და სხვა დარგისთვის სტრატეგიულ საკითხებზე..

,,პანდემიამ დაგვანახა უტყუარად ძლიერი პირველადი ჯანდაცვის სისტემის არსებობა, სამედიცინო პროგნოზირებადი პოლიტიკა, რომელიც ქვეყანას უნდა ქონდეს, იმიტომ , რომ ჩვენ არ ვიცით , როდის და როგორ შეიცვლება ტარიფები. ჩვენ ყოველდღიური კრიზისების მართვის რეჯიმში ვართ... ამიტომ ერთობლივი ძალისხმევით, დარგის წინაშე არსებული გამოწვევების დაძლევა მნიშვნელოვანია .„-განაცხადა ,,ჯანდაცვის ასოციაციის“ დაფუძნების პრეზენტაციაზე  ,,ჯეო ჰოსპიტალს“ის სამეთვალყურეო საბჭოს თავჯდომარემ ნინა კობახიძემ.

,,ერთობლივი მუშაობა საშუალებას მოგვცემს  სახელმწიფოსთან ეფექტური დიალოგი ვაწარმოოთ, ასოციაციის დაფუძნების  ძირითადი მიზანია, სწორი კომუნიკაციის საფუძველზე  მიღებული გადაწყვეტილებები  მაქსიმალურად შედეგიანი იყოს როგორც მოსახლეობისთვის, ისე კერძო სექტორისთვის და სახელმწიფოსთვის’’_აღნიშნა ,,ჯეო ჰოსპიტალს“ის გენერალურმა დირექტორმა ზურაბ ქიტოშვილმა. მისივე თქმით ასოციაციის წევრები საერთო გამოცდილებისა და სტრატეგიული ხედვის საფუძველზე შეეცდებიან ერთობლივი ძალებით გადაჭრან ქვეყნის ჯანდაცვის სისტემაში არსებული გამოწვევები.

ასოციაციის წარმომადგენლები  ერთად შეიმუშავებენ რეკომენდაციებს ჯანდაცვის გრძელვადიანი სტრატეგიის დასაგეგმად, ასევე იმუშავებენ იმ მიმართულებებზე, რომელიც ხელს შეუწყობს საკანონმდებლო ცვლილებებს და ამ გზით  უზრუნველყოფენ  შეამცირონ ის ხარვეზები, რომლებიც ჯანდაცვის სისტემის განვითარებასა და გაუმჯობესებას აფერხებს. 

ამ ეტაპზე „ჯანდაცვის ასოციაციაში 13 სამედიცინო დაწესებულება/ჰოლდინგი უკვე გაწევრიანდა, რომელიც 80-მდე ჰოსპიტლისა და 35 ამბულატორიული სერვისის მეშვეობით, საქართველოს თითქმის მთელ ტერიტორიას ფარავს და 8000-მდე საწოლს და 22 000-მდე თანამშრომელს აერთიანებს.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.