ENG / GEO
032 2 505 222
ENG / GEO
საქართველოს ექთანთა მე-4 კონგრესი
17.12.2019

14 დეკემბერს თბილისის სახელმწიფო სამედიცინო უნივერსიტეტში გაიმართა საქართველოს ექთანთა მე-4 კონგრესი, რომელშიც მონაწილეობა მიიღო საქართველოში არსებული ყველა სამედიცინო დაწესებულების ექთანმა. მომხსენებლები შეეხნენ სხვადასხვა აქტუალურ პროფესიულ თემატიკას, როგორც პრაქტიკულ ნაწილში, ასევე ექთნების საგანმანათლებლო სისტემას.
შპს „ჯეო ჰოსპიტალს“- ს წარმოადგენდა საექთნო საქმის განვითარების სამსახურის ხელმძღვანელი ნონა გოშაძე. მის მიერ გაკეთებული მოხსენება ემსახურებოდა ჯეო ჰოსპიტალსში ინფექციის კონტროლის კუთხით განხორციელებული საქმიანობის გამოცდილების გაზიარებას, სადაც ხაზი გაესვა საექთნო რგოლის მნიშვნელოვან როლს ამ პროგრამის განხორციელებაში.
კონგრესს დაესწრო 23 რიგითი და მენეჯერი ექთანი სხვადასხვა რეგიონების კლინიკებიდან. მათ შორის: ბორჯომის, გურჯაანის, საგარეჯოს, ზესტაფონის, ჭიათურის, მარნეულის სამშობიაროსა და მარნეულის მრავალპროფილური კლინიკებიდან.
მონაწილე ექთნებისათვის კონგრესი იყო ინფორმატიული და საინტერესო, რაც ემსახურებოდა ამ ერთ-ერთი მნიშვნელოვანი რგოლის მოტივაციისა და აქტიურობის გაზრდას.
სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.