ENG / GEO
032 2 505 222
ENG / GEO
უფასო აქცია გარდაბნის მუნიციპალიტეტის სოფლებში
25.09.2018

გარდაბნის სამედიცინო ცენტრის ექიმების ჯგუფმა,  გარდაბნის მუნიციპალიტეტის სოფლების კალინინოს, თაზაქენდის, ბოტანიკა და ბირლიკის  მოსახლეობისთვის სამედიცინო მომსახურების ხელმისაწვდომობის გაუმჯობესების მიზნით, ჩაატარა  გასვლითი აქცია   კარდიოლოგის, თერაპევტის, ოფთალმოლოგის, ქირურგის, ოტორინოლარინგოლოგის შემადგენლობით.

სპეციალისტების მუშაობა ეფექტური და შედეგიანი გახადა იმ ხელისშემწყობმა გარემოებამ, რომ გარდაბნის სამედიცინო ცენტრიდან ჩასული ლაბორატორიული, ულტრასონოგრაფიის და ეკგ-ს კაბინეტები ადგილზევე ატარებდნენ ინსტრუმენტულ და ლაბორატორიულ კვლევებს, რაც დიაგნოზების დიფერენცირების და შემდგომი მკურნალობის ტაქტიკის, პრევენციის  სწორად განსაზღვრის საშუალებას იძლეოდა.

ერთდღიანი აქციის ფარგლებში, მოსახლეობის ნაწილმა მიიღო ამბულატორიული სამედიცინო მომსახურება. შესაძლებელი გახდა 200-მდე ადამიანის გასინჯვა. გამოვლინდა 35 პაციენტი კარდიოლოგიური და ნევროლოგიური პათოლოგიებით. დაიგეგმა დამატებითი კვლევები და კონსულტაციები და განისაზღვრა შემდგომი მკურნალობის ტაქტიკა. გამოიკვეთა 2 ანგიოქირურგიული შემთხვევა ენდარტერიტითა და ვარიკოზით გამოხატული. ასევე, 7 შემთხვევაში ექოსკოპიურად დადგინდა ფარისებრი ჯირკვლის კვანძები და პაციენტი კონსულტირებულ იქნა გაღრმავებული კვლევისა და შემდგომი მკურნალობის ტაქტიკის თაობაზე. 8 პაციენტთან გამოიკვეთა ქირურგიული პათოლოგია.  ჯამში - 250-მდე კონსულტაცია გაიცა, ჩატარდა 45-მდე ლაბორატორიული ანალიზი,  12  პაციენტს მიეცა რეკომენდაცია გულის ულტრასონოგრაფიული კვლევის თაობაზე.

პირველადად გამოვლინდა ქრონიკული პათოლოგიები.  პირველადი ჯანდაცვის დონეზე დაიგეგმა ღონისძიებები. მოსახლეობამ გამოთქვა კმაყოფილება სამედიცინო სერვისების ხელმისაწვდომობისთვის. აქვე უნდა აღინიშნოს, რომ ერთ-ერთ პაციენტს ადგილზევე დაუდგინდა მწვავე ინფარქტი კარდიოგრამაზე გამოხატული სპეციფიური ცვლილებებით და იქვე სოფლის ექიმების ჩართულობით, განხორციელდა შემთხვევის ადმინისტრირება პროტოკოლით დადგენილი წესის შესაბამისად.

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.