ENG / GEO
032 2 505 222
ENG / GEO
ზესტაფონის იმუნიზაციის ცენტრში აცრის პროცესს “ჯეო ჰოსპიტალს”-ის სამედიცინო პერსონალი უზრუნველყოფს
02.09.2021

,,ჯეო ჰოსპიტალს“-ის  ქსელი მთელი საქართველოს მასშტაბით უზრუნველყოფს ვაქცინაციის პროცესს. ამ ეტაპზე   გადამზადებულ მედიკოსთა 35 ჯგუფი, სხვადასხვა რეგიონში აწარმოებს აცრებს. იმერეთის რეგიონში ,,ჯეო ჰოსპიტალსის“ჩართულობით მოქმედებს ორი მასშტაბური ცენტრი და რამდენიმე ათეული იმუნიზაციის კაბინეტი, სადაც მოსახლეობას სასურველი ვაქცინით , დაურეგისტრირებლად შეუძლიათ აიცრან.

,,იმუნიზაცია  არის ერთადერთი გამოსავალი იმისთვის, რომ ჩვენი მოქალაქეები დავიცვათ შემდგომი გართულებებისგან, - ამის შესახებ საქართველოს პრემიერ-მინისტრმა ირაკლი ღარიბაშვილმა, ზესტაფონში, მეორე საჯარო სკოლაში, ვაქცინაციის ცენტრში მიმდინარე აცრების პროცესის გაცნობისას აღნიშნა.

იმუნიზაციის  მიმდინარეობის პროცესი, პრემიერს  ზესტაფონის “ჯეო ჰოსპიტალსის” ამბულატორიული ცენტრის მენეჯერმა ლია ებანოიძემ გააცნო, რომლის თქმითაც ვაქცინაციის ცენტრში დღეში 350-ზე მეტი ადამიანი იცრება. ,,ცენტრი 23 აგვისტოდან ფუნქციონირებს და დღემდე 2848 ადამიანია აცრილი. ცენტრში აცრა შეუძლიათ როგორც ვაქცინაციაზე რეგისტრირებულ მოქალაქეებს, ასევე იმ ადამიანებს, რომლებიც ცენტრს თვითდინებით მიმართავენ“-აღნიშნა ლია ებანოიძემ .

აღსანიშნავია, რომ ,,ჯეო ჰოსპიტალს“-ის  ქსელი, პანდემიის დაწყებისთანავე  მთელი საქართველოს მასშტაბით უზრუნველყოფს კოვიდინფიცირებული პაციენტების მართვას, ქვეყნის სხვადასხვა რეგიონის 10 კლინიკაში. ასევე ცართულია იმუნიზაციის მასშტაბურ კამპანიაში.

ვაქცინაციის  ცენტრში ინფრასტრუქტურის და რეგიონული განვითარების მინისტრი ირაკლი ქარსელაძე, იუსტიციის მინისტრი რატი ბრეგაძე და იმერეთის გუბერნატორი ზვიად შალამბერიძე იმყოფებოდნენ.

https://imedinews.ge/ge/covid19/216403/irakli-garibashvili-atsra-aris-ertaderti-gamosavali-imistvis-rom-chveni-moqalaqeebi-davitsvat-shemdgomi-gartulebebisgan?fbclid=IwAR1y5NfV_FJWTtfkdkrwlGCYB_vmZXOrT4Hf3sKoPmKjp4DmHO5ZygX16Cs

 

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.