ENG / GEO
032 2 505 222
ENG / GEO
ზესტაფონში ,, ჯეო ჰოსპიტალს“-ის მასობრივი იმუნიზაციის ცენტრი ამოქმედდა
23.08.2021

23 აგვისტოს  კოვიდსაწინააღმდეგო იმუნიზაციის ფარგლებში ჯეო ჰოსპიტალსის  ზესტაფონის ამბულატორიულმა ცენტრმა,  ქალაქში  მასობრივი იმუნიზაციის ცენტრი გახსნა, სადაც  მოსახლეობას ერთდროულად 5 საექიმო გუნდი ემსახურება. 

მსურველებისთვის ხელმისაწვდომია  პფაიზერი,  სინოფარმი და  სინოვაკის ვაქცინები. ადგილზე გახსნილია ვირტუალური კაბინეტებიც, რომლის მეშვეობით მოქალაქეების ადგილზე რეგისტრაცია მიმდინარეობს.

24 აგვისტოდან დამატებით,  „ჯეო ჰოსპიტალს“-ის გურჯაანის მრავალპროფილური სამედიცინო ცენტრის ველისციხის იმუნიზაციის კაბინეტიც ამოქმედდება, რომელიც  მომსახურებას მიაწვდის სინოვაკი/სინოფარმის ვაქცინით, კვირაში ორი დღე -(სამშაბათი/ხუთშაბათი) 10:00-დან 18:00-მდე.

ვაქცინაციის ფართომასშტაბიანი კამპანიის ფარგლებში ამ ეტაპზე სხვადასხვა ტიპის ვაქცინით აცრები  ერთდროულად ქსელის ფარგლებში მოქმედ 14  სამედიცინო ცენტრში მიმდინარეობს, რომელშიც 31 ბრიგადაა ჩართული.

ვაქცინაციის ხელშემწყობი კამპანიის ფარგლებში ,,ჯეო ჰოსპიტალს“-მა კოვიდ 19-ის საწინააღმდეგო ვაქცინის ორი დოზით  აცრილი მოქალაქეებისთვის სხვადასხვა ტიპის   კვლევებზე სპეციალური  მომსახურების ფარგლებში ,,სამოტივაციო პაკეტები“ დააწესა.

https://fb.watch/7AE3EJ3qb7/

სხვა სიახლეები
13
05.2022
ნონა გოშაძე: ,,არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა“
შპს ,,ჯეო ჰოსპიტალს“-ი ტრადიციულად გუნდის ყველა ექთანს და ექთნის ასისტენტს ულოცავს პროფესიულ დღესასწაულს. ,,ძვირფასო კოლეგებო და მეგობრებო, გილოცავთ ექთნების პროფესიულ დღეს, 12 მაისს! გისურვებთ წარმატებას, გამძლეობას, ჯანმრთელობას, ბედნიერებას, პროფესიულ ზრდას, განვითარებას, და რაც უმნიშვნელოვანესია, გისურვებთ, სათანადოდ დაფასებულიყოს თქვენი შრომა!მადლობას გიხდით და გისურვებთ, იყოთ მოტივირებულნი, პროფესიული ზრდისთვის ორიენტირებულნი. არაერთხელ დავრწმუნდით, რომ ექთნობა მრავალი ადამიანური თვისების, უნარ-ჩვევისა და ცოდნის ერთობლიობაა, ამდენად, რთულია, იყო ამ პროფესიის ღირსეული წარმომადგენელი”-აღნიშნულია "ჯეო ჰოსპიტალს"-ის საექთნო საქმის სამსახურის უფროსი ნონა გოშაძის მისალოც მიმართვაში, რომელიც ქსელის მასშტაბით დასაქმებულმა თითოეულმა ექთანმა პირადად მიიღო.
06
05.2022
USAID და ,,ჯეო ჰოსპიტალსი” ქვეყნის მასშტაბით საექთნო განათლების მაღალ ხარისხზე იზრუნებს
მსოფლიოში, COVID-19-ის პანდემიიდან გამომდინარე, საექთნო პერსონალზე მოთხოვნა კიდევ უფრო გაიზარდა. საქართველოს ჯანდაცვის სისტემაც კვალიფიციური, საექთნო საქმის თანამედროვე კონცეფციის მქონე ექთნების მწვავე დეფიციტის წინაშე აღმოჩნდა, განსაკუთრებით რეგიონებში. სისტემაში დასაქმებული ექთნების 20%-მა 2014 წელს უკვე მიაღწია საპენსიო ასაკს. ექთნების რაოდენობა, ასევე, შემცირებულია ევროკავშირის საშუალო მაჩვენებელთან შედარებით. ჯანმრთელობის მსოფლიო ორგანიზაციის მონაცემთა ბაზის მიხედვით ევროპის რეგიონის 53 ქვეყანას შორის საქართველო 100 000 მოსახლეზე ექთნების რაოდენობის მიხედვით ბოლოსწინა ადგილს იკავებს, იმავე წყაროს მიხედვით საქართველოში ექთან-ექიმის თანაფარდობაა 0.8, მაშინ როცა ჯანმრთელობის მსოფლიო ორგანიზაციის მიერ რეკომენდებული თანაფარდობა 4:1 არის. ქვეყანაში საექთნო დიპლომისშემდგომი და უწყვეტი პროფესიული განათლების ფორმალიზებული სისტემის არარსებობიდან გამომდინარე, პრობლემურია საექთნო პერსონალის ცოდნისა და უნარების შენარჩუნება/გაუმჯობესებაც.