ახალშობილთა სეფსისი
განსაკუთრებით ხშირია დღენაკლულ ბავშვებში. ინფექციური დაავადებაა, სისხლის მოწამვლა, რომელსაც პირობით პათოგენური მიკრობები იწვევენ. სეფსისის განვითარებაში დიდ როლს ასრულებს დედებში ორსულობის პერიოდში მწვავე და ქრონიკული ინფექციური დაავადებები, ხანგრძლივი უწყლო პერიოდი, ჩირქოვან-ანთებითი კერები, აგრეთვე გარემოდან მოხვედრილი მიკრობები (მაგალითად, კათეტერებისა და ზონდის გამოყენებისას).
როგორ ვლინდება სეფსისი?
სიცოცხლის პირველ ან მეორე კვირაზე, სუბფებრილური ტემპერატურა ან ჰიპოთერმია, აღინიშნება კანის სიფერმკრთალე, სხეულის მასის მნიშვნელოვანი შემცირება, სიყვითლის გახანგრძლივება და გაძლიერება, აღინიშნება ჭიპის მუმიფიკაციის შეჩერება და გამონადენი, ხანგრძლივი სისხლდენა ჭიპის ჭრილობიდან.
როგორ დავიცვათ ახალშობილი თანდაყოლილი სეფსისისგან?
პროფილაქტიკისთვის მნიშვნელოვანია ორსულზე მეთვალყურეობა.ბავშვი ჯანმრთელი რომ დაიბადოს, საჭიროა დედის ორგანიზმი იყოს ჯანმრთელი. ქალმა ორსულობამდე შესაბამისი გამოკვლევები უნდა ჩაიტაროს და გაარკვიოს, ხომ არ აქვს ორგანიზმში ინფექციის კერა, ვინაიდან ორსულობის დროს შეიძლება მოხდეს ენდოგენური ინფექციის აქტივაცია და პათოგენური მიკროორგანიზმები ნაყოფს გადაეცეს.
