ჯეო ჰოსპიტალსის საგარეჯოს მრავალპროფილური სამედიცინო ცენტრის ბაზაზე შექმნილ სასწავლო ცენტრში მიღება დაიწყო.

უფასო სასწავლო პროგრამა ხელმისაწვდომია ყველა იმ პირისთვის , ვინც  ექთნის  ან მასთან გათანაბრებულ დიპლომს ფლობს.კანდიდატების შერჩევა გასაუბრების საფუძველზე მოხდება. უპირატესობა  რეგიონში დასაქმებულ ექთნებს მიენიჭებათ.

სასწავლო პროცესში ჩართული მსურველები  შეძლებენ  შეიძინონ 3 ახალი საექთნო სპეციალობა: პედიატრიის ექთანი, ინტენსიური (კრიტიკული) მოვლის ექთანი და ქირურგიის ექთანი, რაც სამომავლოდ მათ კარიერულ ზრდაში  და  დასაქმებაში დაეხმარებათ. სწავლების პროცესის  ხანგრძლივობა დამოკიდებულია  კონკრეტულ სპეციალობაზე. შეგახსენებთ , რომ   საგანმანათლებლო ცენტრის ამოქმედების მიზნით პოლონეთის კრაკოვის უნივერსიტეტთან თანამშრომლობის ფარგლებში საქართველოში პირველად საექთნო დიპლომისშემდგომი განათლების/სპეციალიზაციის პროგრამები შემუშავდა,  მოხდა ექთან-ტრენერთა გუნდის გადამზადება.

,,სწავლება  კომფორტულ და თანამედროვე სასწავლო გარემოში მოხდება,  მაღალპროფესიონალური და საერთაშორისო სტანდარტების შესაბამისი პროგრამით.  ყველაზე მნიშვნელოვანი დეტალი გახლავთ , ის რომ ახალი სასწავლო პროგრამა სრულად შეესაბამება 2025 წლისთვის საექთნო საქმეში დაგეგმილ რეფორმას და ჩვენს კურსდამთავრებულ ექთნებს საშუალება მიეცემათ, რომ რეფორმის განხორციელების ეტაპზეც მოიპოვონ ექთან-სპეციალისტის წოდება,“-განაცხადა ჯეო ჰოსპიტალსის სტრატეგიული განვითარების სამსახურის ხელმძღვანელმა ნათია ნოღაიდელმა . მისივე შეფასებით პროგრამა ხელს შუწყობს რეგიონში სამედიცინო სექტორში ძლიერი, პროფესიონალი ექთნების დეფიციტის აღმოფხვრას.

ჩარიცხვა გასაუბრების საფუძველზე მოხდება. სწავლის მსურველებს განაცხადის და საბუთების  გამოგზავნა   13 ნოემბრის ჩათვლით მითითებულ , ელექტრონულ მისამართზე  შეუძლიათ    info@gh.ge

 შეგახსენებთ , რომ ჯეო ჰოსპიტალსისა და  USAID-ის პროგრამის „დამსაქმებლები პროფესიული განათლებისთვის“ მხარდაჭერით, საქართველოში პირველად ექთანთა დიპლომისშემდგომი განათლების / სპეციალიზაციის საგანმანათლებლო ცენტრი   შეიქმნა.

https://rb.gy/lh2wn1

https://rb.gy/gfwx8f