ოფთალმოქირურგი მარიამ მხეიძე “ჯეო ჰოსპიტალსი”-ს გუნდს შეუერთდა

“ჯეო ჰოსპიტალსი”-ს თბილისის მრავალპროფილური სამედიცინო ცენტრის გუნდს ოფთალმოქირურგი მარიამ მხეიძე შეუერთდა.

მარიამ მხეიძე არის ოფთალმოქირურგი მრავალწლიანი კლინიკური გამოცდილებით როგორც საქართველოში, ასევე უცხო ქვეყნების წამყვან კლინიკებში (გერმანია, ბელგია, ინდოეთი); მონაწილეობა აქვს მიღებული საერთაშორისო კლინიკურ კვლევებში; გავლილი აქვს სტაჟირებები ევროპის წამყვან ოფთალმოლოგიურ ცენტრებში, მათ შორის: UZ Leuven (ბელგია) – ოფთალმოლოგიის, კატარაქტისა და რეფრაქციული ქირურგიის განყოფილება, Precise Clinic Rheine (გერმანია) – Dr. Florian Krez FEBO-ს ზედამხედველობით; ჩაბარებული აქვს ოფთალმოლოგიის საერთაშორისო საბჭოს გამოცდები- ICO Basic Science Examination, ICO Optics, Refraction, and Instruments. მარიამ მხეიძე ასევე არის საერთაშორისო სამეცნიერო საზოგადოების წევრი და სამეცნიერო ჟურნალის Georgian Society of Ophthalmology Journal რედაქტორი.

კლინიკური გამოცდილების გარდა, მარიამ მხეიძე აქტიურად არის ჩართული აკადემიურ საქმიანობაში. ის არის მოწვეული ლექტორი საქართველოს ეროვნულ უნივერსიტეტში (SEU) და ქართულ-ამერიკულ უნივერსიტეტში (GAU), სადაც ასწავლის ფიზიოლოგიასა და კლინიკური უნარ-ჩვევების კურსებს.