თავის ტვინის ანევრიზმა

თავის ტვინის ანევრიზმა არის ტვინის სისხლძარღვის გაფართოება ან ბალონური გაფართოება. იშვიათად შეიძლება მოხდეს ანევრიზმის გასკდომა და სისხლი ჩაიღვაროს თავის ტვინში (ჰემორაგიული ინსულტი). გამსკდარი ანევრიზმის სიმპტომები: უეცრად წარმოქმნილი ძლიერი თავის ტკივილი, გულისრევა, ღებინება, მხედველობის დაბინდვა ან გაორება, მგრძნობელობის გაზრდა სინათლისადმი, გონების დაკარგვა, ცნობიერების არევა.

 

თავის ტვინის ანევრიზმა გასკდომამდე ძირითადად უსიმპტომოა, თუ დიდი ზომისაა, შეიძლება აწვებოდეს თავის ტვინის ნივთიერებას და ჰქონდეს შემდეგი სიმპტომები: ტკივილი თვალის უკან და ზემოთ, მხედველობის ცვლილება ან გაორება, სახის ცალმხრივი დამბლა. თავის ტვინის ანევრიზმის რისკ-ფაქტორები: ზოგიერთი თანდაყოლილი დაავადებები, ანომალიები, მემკვიდრეობა, ასაკის მატება, მოწევა, მაღალი წნევა (ჰიპერტენზია), არტერიების გამკვრივება (არტერიოსკლეროზი), ნარკოტიკული საშუალებები, განსაკუთრებით კოკაინი, თავის ტრავმა, ალკოჰოლიზმი, მენოპაუზა (ზოგადად დაავადება უფრო გავრცელებულია ქალებში). დიაგნოსტიკა: კომპიუტერული ტომოგრაფია, მაგნიტურ_რეზონანსული გამოკვლევა,თავის ტვინის ანგიოგრაფია, თავ-ზურგის ტვინის სითხის გამოკვლევა.