A ჰეპატიტი
დაავადების აღწერა
A ჰეპატიტი არის გადამდები ღვიძლის ინფექცია, რომელსაც იწვევს A ჰეპატიტის ვირუსი. ეს ვირუსი ერთერთი ჰეპატიტების ვირუსის ოჯახიდან, რომლებიც იწვევენ ანთებას და ზემოქმედებენ ღვიძლის მუშაობის უნარზე.
A ჰეპატიტის ყველაზე ხშირად ვრცელდება დაბინძურებული საკვებით და წყლით ან დაინფიცირებულ ადამიანთან ახლო კონტაქტით. A ჰეპატიტის მსუბუქ ფორმას არ სჭირდება მკურნალობა, დაინფიცირებულთა უმეტესობა გამონაჯნმრთელდება ღვიძლის სამუდამო დაზიანების გარეშე.
ჰიგიენის წესების დაცვა, განსაკუთრებით ხელების ხშირი დაბანა, A ჰეპატიტისგან თავდაცვის საუკეთესო გზაა. რისკის ქვეშ მყოფი ხალხისთვის არსებობს აცრა.
გამომწვევი მიზეზი
A ჰეპატიტის ვირუსი, რომელიც იწვევს ინფექციას, ყველაზე ხშირად ვრცელდება, როდესაც ადამიანში მოხვდება დაბინძურებული განავლის უმცირესი ნაწილი. A ჰეპატიტის ვირუსი აინფიცირებს ღვიძლის უჯრედებს და იწვევს ანთებას. ანთებამ შეიძლება შეასუსტოს ღვიძლის ფუნქცია და გამოიწვიოს A ჰეპატიტის სხვა სიმპტომები.
A ჰეპატიტი ბევრი გზით შეიძლება გავრცელდეს. ესენია:
- ვირუსის მქონე ადამიანის დაუბანელი ხელებით დამუშავებული საკვების მიღება
- დაბინძურებული წყლის დალევა
- ჩამდინარე წყლიდან მოპოვებული უმი მოლუსკის ჭამა
- დაინფიცირებულ ადამიანთა ახლო კონტაქტი იმ შემთხვევაშიც კი, თუ მას სიმპტომები არ აქვს
- დაინფიცირებულ ადამიანთან სქესობრივი კონტაქტი
სიმპტომები
A ჰეპატიტის ნიშნები და სიმპტომები, რომლებიც ვირუსის შემოჭრიდან რამდენიმე კვირის შემდეგ ჩნდება, არის:
- ზოგადი სისუსტე
- გულისრევა და პირღებინება
- მუცლის ტკივილი ან დისკომფორტი, განსაკუთრებით ღვიძლის არეში, მარჯვნივ ნეკნების ქვეშ
- თიხისფერი განავალი
- მადის დაკარგვა
- დაბალი სიცხე
- მუქი შარდი
- სახსრების ტკივილი
- კანის და თვალების შეყვითლება (სიყვითლე)
- A ჰეპატიტი შეიძლება გქონდეთ მსუბუქი ფორმით, რომელიც გრძელდება რამდენიმე კვირა ან მძიმე ფორმით, რომელიც მრავალი თვე გრძელდება. A ჰეპატიტით დაინფიცირებულ ყველა ადამიანს არ უვლინდება ნიშნები და სიმპტომები.
როდის მივმართოთ ექიმს
მიმართეთ ექიმს, თუ გაქვთ A ჰეპატიტის ნიშნები და სიმპტომები.
თუ თქვენ კონტაქტი გქონდათ A ჰეპატიტის ვირუსთან, ორი კვირის განმავლობაში ჰეპატიტის აცრის ან იმუნოგლობულინური თერაპიის ჩატარება დაგიცავთ ინფექციისგან. კითხეთ ექიმს A ჰეპატიტის აცრის შესახებუთ, თუ:
- უახლოეს წარსულში ქვეყნის გარეთ, განსაკუთრებით მექსიკაში ან ლათინურ ამერიკაში, ან დაბინძურებულ რეგიონში იმოგზაურეთ
- რესტორანში, სადაც უახლოეს წარსულში მიირთვით, დაფისირდა A ჰეპატიტის შემთხვევა
- თქვენს ახლობელს ან ოჯახის წევრს დაუსვეს A ჰეპატიტის დიანოზი
- თქვენ გქონდათ A ჰეპატიტით დაინფიცირებულთან სქესობრივი კონტაქტი.
