კლოსტრიდიუმ დიფიცილე

კლოსტრიდიუმ დიფიცილე არის ბაქტერია, რომელსაც შეუძლია გამოიწვის როგორც მსუბუქი სიმპტომი(მაგ. დიარეა), ასევე კოლინჯის სიცოცხლისთვის საშიში ანთება.

კლოსტრიდიუმ დიფიცილეთი გამოწვეული დაავადება ხშირად ჰოსპიტალიზირებულ ზრდასრულებში გვხვდება. ინფექცია შესაძლოა გამოიწვიოს ანტიბიოტიკურმა მკურნალობამ. თუმცა, კვლევებმა აჩვენა, რომ კლოსტრიდიუმ დიფიცილეთი ინფექცია მოხშირდა ახალგაზრდებშიც, და იმ ადამიანებში, რომლებსაც არ მიუღიათ ანტიბიოტიკები და არ ყოფილან ჰოსპიტალიზირებული.

ყოველწილირად, ნახევარ მილიონზე მეტი ადამიანი ავადდება ამ ბაქტერიით. ბოლო წლებში, კლოსტრიდიუმ დიფიცილეთი ინფექცია გახშირდა და უფრო რთული სამკურნალო გახდა.

კლოსტრიდიუმ დიფიცილე გავრცელებულია ბუნებაში – მიწაში, ჰაერში, წყალში, ადამიანის და ცხოველების ფეკალიებში, საკვებ პროდუქტებში, როგორიცაა დამუშავებული ხორცი. ზოგიერთ ჯანმრთელ ადამიანს ეს ბაქტერია ბუნებრივად ჰყავს მსხვილ ნაწლავში, თუმცა არ აღენიშნება ინფექციის სიმპტომები.

კლოსტრიდიუმ დიფიცილეთი გამოწვეული ინფექცია ხშირია საავადმყოფოებში და სხვა სამედიცინო პუნქტებში, სადაც პაციენტების დიდი პროცენტი ატარებს ამ ბაქტერიას. თუმცა კვლევები აჩვენებენ, რომ კლოსტრიდიუმ დიფიცილეთი დაავადებულების რაოდენობა იზრდება პოპულაციის იმ ნაწილშიც, რომელიც, წესით, რისკ ჯგუფს არ მიეკუთვნება. მაგ: ბავშვები ან ადამიანები, რომლებსაც არ მიუღიათ ანტიბიოტიკური თერაპია და არ ყოფილან ჰოსპიტალიზირებული.

კლოსტრიდიუმ დიფიცილე განავალთან ერთად გამოდის და ვრცელდება საკვებზე, სხვადასხვა საგნებზე მაშინ, როდესაც ინფიცირებული ადამიანი ხშირად არ იბანს ხელებს. ბაქტერია წარმოქმნის სპორებს, რომლებიც ნორმალურ პირობებში კვირების და თვეების განმავლობაში ცოცხლობენ.

თქვენი ნაწლავები შეიცავენ მილიონობით ბაქტერიას. მათგან ბევრი ორგანიზმს ინფექციებისგან იცავს. ინფექციის სამკურნალოდ მიღებული ანტიბიოტიკი, ზოგჯერ, ანადგურებს როგორც ინფექციის გამომწვევ ბაქტერიებს, ასევე ნორმალურ, დამხმარე ბაქტერიებსაც. სასარგებლო ბაქტერიების გარეშე კლოსტრიდიუმ დიფიცილე სწრაფად და უკონტროლოდ მრავლდება. ანტიბიოტიკები, რომლებიც ყველაზე ხშირად იწვევენ კლოსტრიდიუმ დიფიცილეთი ინფიცირებას: ფლუოროქინილონები, ცეფალოსპორინები, კლინდამიცინი და პენიცილნები.

გამრავლების შემდეგ, კლოსტრიდიუმ დიფიცილე წარმოქმნის ტოქსინებს, რომლებიც აზიანებენ ნაწლავების ამომფენ ზედაპირს. ტოქსინები ანადგურებენ უჯრედებს და აყალიბებენ ანთებითი უჯრედების ფენებს. შედეგად იქერცლება უჯრედული ნარჩენები კოლინჯში და პაციენტს აქვს თხიერი ფაღარათი.

ბაქტერიის ახალი ფორმის აღმოცენება

რამოდენიმე წლის წინ აღმოცენდა კლოსტრიდიუმ დიფიცილეს აგრესიული ფორმა, რომელიც გამოიმუშავებს უფრო მეტ ტოქსინს, ვიდრე ამ ბაქტერიის სხვა ტიპები. ბაქტერიის ახალი ფორმა წამლების მიმართ უფრო გამძლეა და აღინიშნება იმ ხალშიც, ვინც არ ყოფილა ჰოსპიტალიზირებული და წარსულში არ მიუღია ანტიბიოტიკები. 2000 წლიდან კლოსტრიდიუმ დიფიცილეს ამ ფორმამ რამოდენიმეჯერ ეპიდემია გამოიწვია.