ადამიანის ტილები
დაავადების აღწერა
ადამიანის ტილები მცირე ზომის მწერები არიან, დაახლოებით შირბახტის თესლის სიდიდის. ადმიანის ტილები ცხოვრობენ თქვენს ტანსაცმელში, საწოლში. ისინი დღეში რამოდენიმეჯერ გადმოინაცვლებენ თქვენს კანზე და იკვებებიან თქვენი სისხლით. ტილების კბენის ყველაზე ხშირი არეები შეიძლება იყოს წელის გარშემო, საზარდულზე ან იღლიებში – ადგილებში, სადაც ტანსაცმელი სხეულის სხვა ნაწილებთან შედარებით უფრო მეტად მოდის კანთან შეხებაში.
ადამიანის ტილები ყველაზე მეტად გავრცელებულია ხალხით გადავსებულ ადგილებში, არაჰიგიენურ საცხოვრებელ პირობებში, როგორიცაა ლტოლვილთა ან უსახლკაროთა თავშესაფარი. ადამიანის ტილის ნაკბენებმა შესაძლოა გაავრცელოს ზოგიერთი დაავადება და გამოიწვიოს ეპიდემიაც კი.
ადამიანის ტილებით ინვაზირებული ტანსაცმელი და საწოლი აუცილებლად უნდა გაირეცხოს ცხელ, საპნიან წყალში და საშრობი მანქანით უნდა გაშრეს ცხელი ციკლის საშუალებით
გამომწვევი მიზეზი
ადამიანის ტილი მსგავსია თავის ტილისა, თუმცა მათი ქცევის წესი განსხვავებულია. თავის ტილი ცხოვრობს თმაში და იკვებება სკალპის საშუალებით, ხოლო ადამიანის ტილი ცხოვრობს ტანსაცმელსა და თეთრეულში. ისინი დღეში რამოდენიმეჯერ ინაცვლებენ თქვენს კანზე და იკვებებიან თქვენი სისხლით.
ტანსაცმლის ნაკერები ტილისთვის კვერცხის დასადებად ყველაზე ხელსაყრელი და ხშირი ადგილია. ადამიანის ტილით ინვაზირებულ ტანსაცმელთან, თეთრეულთან, ან ადამიანთან ახლო კონტაქტის შედეგად ტილებმა შესაძლოა თქვენს ტანსაცმელზე და სხეულზე გადმოინაცვლონ.
სიმპტომები
- ადამიანის ტილების ნაკბენები იწვევენ ძლიერ ქავილს.
- მიმართეთ ექიმს, თუ ჰიგიენის გაუმჯობესების მიუხედავად თავიდან ვერ იშორებთ ტილებს. აგრეთვე მოითხოვეთ სამედიცინო დახმარება თუ თქვენ ჩამოგიყალიბდათ კანის ინფექცია ფხანვის შედეგად.
