აორტის სარქვლის დაავადებები
დაავადების აღწერა
აორტის სარქველი მდებარეობს გულის მთავარ ტუმბოსა (მარცხენა პარკუჭი) და სხეულის მთავარ არტერიას (აორტა) შორის. აორტის სარქვლის დაავადება შეიძლება იყოს თანდაყოლილი, შეძენილი ან სხვა რაიმე მიზეზით გამოწვეული.
აორტის სარქვლის დაავადებების ტიპებია:
- აორტის სარქვლის სტენოზი. ამ დროს, აორტის სარქველი შევიწროებულია (სტენოზირებული). სტენოზის გამო სარქველი ვერ იხსნება ბოლომდე, სისხლი ბოლომდე ვეღარ გადადის გულიდან აორტასა და შესაბამისად, სხეულში.
- აორტის სარქვლის რეგურგიტაცია. ამ მდგომარეობის დროს აორტის სარქველი ბოლომდე არ იხურება, რის გამოც სისხლი უკან ჩაედინება, მარცხენა პარკუჭში.
