ატრიოვენტრიკულური არხის დეფექტი

ატრიოვენტრიკულური არხის დეფექტი არის გულის თანდაყოლილი(კონგენიტალური) დაავადებების ერთობლიობა. ამ დეფექტის დროს პაციენტს აქვს გულში სისხლის დინების მარეგულირებელი სარქვლების პრობლემები და ღრუ გულის საკნებს შორის.

ატრიოვენტრიკულური არხის დეფექტის დროს ფილტვებში ჭარბი რაოდენობით სისხლი ცირკულირებს. ეს პროცესი იწვევს გულის ზედმეტ მუშაობას და მის გაგანიერებას.

ატრიოვენტრიკულური არხის დეფექტი ხშირადაა ასოცირებული დაუნის სინდრომთან. სამედიცინო ჩარევის გარეშე, ამ მდგომარეობამ შესაძლოა გამოიწვიოს გულის უკმარისობა და მაღალი წნევა ფილტვებში. დეფექტის აღმოსაფხვრელად, ექიმები საჭიროდ თვლიან ქირურგიულ ჩარევას სიცოცხლის პირველივე წელიწადში რათა დაიხუროს ღრუ და განახლდეს სარქველები.

ატრიოვენტრიკულური არხის დეფექტი წამოიქმნება მაშინ, როდესაც ყალიბდება ნაყოფის გული. მიუხედავად იმისა, რომ ზოგიერთმა ფაქტორმა, როგორიცაა დაუნის სინდრომი, შეიძლება გაზარდოს დაავადების შანსი, ძირითადად დეფექტის მიზეზი უცნობია.

ნორმალურად მომუშავე გული

თქვენი გული გაყოფილია ოთხ საკნად:ორი მარცხნივ მდებარეობს, ორი კი მარჯვნივ. გული სისხლის ორგანიზმში გადასატყორცნად საკუთარ მარჯვენა და მარცხენა მხარეს განსხვავებული დანიშნულებით იყენებს. მარჯვენა მხრიდან სისხლი გადადის სისხლძარღვებში, რომლებიც მიემართება ფილტვისაკენ. ფილტვებში თქვენი სისხლი ჯერდება ჟანგბადით და შემდგომ ჩაედინება გულის მარცხენა მხარეს. გულის მარცხენა მხარე სისხლს გადაისვრის დიდი ზომის სისხლძარღვში, რომელსაც აორტა ეწოდება. აორტა კი სისხლს სხეულის დანარჩენ ნაწილში გადაისვრის. სარქველები აკონტროლებენ სისხლის დინებას საკნებს შორის და საკნებიდან გარეთ. სარქველების გაღების დროს სისხლი გადადის მომდევნო საკანში ან ხსენებულიდან ერთ-ერთ არტერიაში. შემდგომ ეს სარქველები იკეტება, რათა არ მოხდეს გადატყორცნილი სისხლის უკან დაბრუნება.

რა ხდება ატრიოვენტრიკულური არხის დეფექტის დროს

ატრიოვენტრიკულური არხის ნაწილობრივი დეფექტის დროს არსებობს ღრუ გულის ზედა საკნებს(წინაგულები) შორის არსებულ კედელში(ძგიდე). მიტრალური სარქველი, რომელიც მდებარეობს მარცხენა მხარეს არსებულ ზედა და ქვედა საკნებს შორის, ზოგჯერ არის დეფქტური და მასში არსებული ნაპრალის გამო ხდება გადაყტორცნილი სისხლის ნაწილობრივ უკან გამოჟონვა(მიტრალური სარქვლის რეგურგიტაცია).

ატრიოვენტრიკულური არხის სრული დეფექტის დროს არსებობს ღრუ გულის ცენტრში ზედა საკნებს (წინაგულები) და ქვედა საკნებს (პარკუჭები) შორის არსებულ კედელთან ახლოს. ნაცვლად ორი დამოუკიდებელი სარქველისა (მარცხნივ მიტრალური და მარჯვნივ ტრიკუსპიდი), აღინიშნება ერთი დიდი და საერთო სარქველი ზედა და ქვედა საკნებს შორის. ეს სარქველი შესაძლოა სათანადოდ მჭიდროდ არ იხურებოდეს.

ძგიდეში არსებულ ღრუში ირევა ჟანგბადით გაჯერებული და არასაკმარისი ჟანგბადის შემცველობის მქონე სისხლი. პათოლოგიურ სარქველებში კი სისხლი გულის ქვედა საკნებში (პარკუჭებში) იჟონება. ეს პრობლემები იწვევს გულის გაძლიერებულ მუშაობას, რის შედეგადაც გული დიდდება.