ბუსუსოვან–უჯრედიანი ლეიკემია
დაავადების აღწერა
ბუსუსოვან-უჯრედიანი ლეიკემია არის იშვიათი, ნელა მზარდი სისხლის სიმსივნე, რომლის დროსაც ძვლის ტვინი წარმოქმნის B ლიმფოციტებს ჭარბ რაოდენობას. B ლიმფოციტები უჯრედებია, რომლებიც გვეხმარებიან ინფექციასთან ბრძოლაში.
ეს ჭარბი B უჯრედები პათოლოგიურები არიან და მიკროსკოპის ქვეშ ბუსუსებიანი შეხედულება აქვთ. ლეიკემიური უჯრედების რაოდენობის ზრდასთან ერთად უფრო და უფრო ნაკლები რაოდენობით წარმოიქმნება ჯანმრთელი სისხლის თეთრი უჯრედები, წითელი უჯრედები და თრომბოციტები.
ბუსუსოვან-უჯრედიანი ლეიკემია უფრო ხშირად გვხვდება კაცებში, ვიდრე ქალებში და ყველაზე ხშირად ვლინდება საშუალო ხნის ან ხანშიშესულ ადამიანებში.
ბუსუსოვან-უჯრედიანი ლეიკემია ქრონიკულ დაავადებად ითვლება რადგან იგი ბოლომდე არასდროს ქრება, თუმცა მკურნალობას შეუძლია მრავალწლიანი რემისიის მიღწევა.
გამომწვევი მიზეზი
უცნობია რა იწვევს ბუსუსოვან-უჯრედიან ლეიკემიას.
ექიმებმა იციან, რომ სიმსივნე ვითარდება უჯრედების დნმ-ში დარღვევების შედეგად. ბუსუსოვან-უჯრედოვანი ლეიკემიის შემთხვევაში, დნმ-ის მუტაციები იწვევენ ძვლის ტვინის ღეროვანი უჯრედებიდან ჭარბი რაოდენობის B უჯრედების წარმოქმნას, რომლებიც ნორმალურად ვერ ფუნქციონირებენ. ექიმებმა არ იციან რა იწვევს ბუსუსოვან-უჯრედოვანი ლეიკემიის გამომწვევ დნმ-ის მუტაციას.
სიმპტომები
ზოგ ადამიანს არ უვლინდება ბუსუსოვან-უჯრედოვანი ლეიკემიის არცერთი ნიშანი და სიმპტომი და მისი აღმოჩენა შეიძლება შემთხვევით მოხდეს სხვა დაავადებისთვის ჩატარებული სისხლის ანალიზის შედეგად.
სხვა შემთხვევებში ბუსუსოვან-უჯრედიანი ლეიკემიის მქონე ადამიანებს უვლინდებათ სიმპტომები, რომლებიც ჰგავს ბევრ სხვა დაავადებას და მდგომარეობას. ეს სიმპტომებია:
- სავსეობის შეგრძნება მუცელში, რომლის გამოც რამდენიმე ლუკმაზე მეტს ვერ ჭამთ
- დაღლილობა
- სისხლჩაქცევების ადვილად განვითარება
- განმეორებადი ინფექციები
- სისუსტე
- წონაში კლება
როდის მივმართოთ ექიმს
მიმართეთ ექიმს, თუ ხანგრძლივი დროის განმავლობაში გაქვთ რომელიმე ნიშანი ან სიმპტომი.
