მგლურას ნეფრიტი
დაავადების აღწერა
სისტემური მგლურა, ან უბრალოდ მგლურა, აუტოიმუნური დაავადებაა, რომლის დროსაც იმუნური სისტემა წარმოქმნის ცილებს–ანტისხეულებს, რომლებიც საკუთარი ორგანიზმის ქსოვილებსა და ორგანოებს ებრძვიან. მგლურათი დაავადებულ ზოგიერთ ადამიანს უვითარდება თირკმლის ანთებითი მდგომარეობა– მგლურას ნეფრიტი.
მგლურას ნეფრიტი ყალიბდება, როცა ანტისხეულები ებრძვიან თირკმლის ფილტრაციის სტრუქტურებს (გლომერული). ეს პათოლოგიური პროცესი გადაიზრდება ანთებით მდგომარეობაში და შესაძლოა გამოიხატოს სისხლიანი შარდით (ჰემატურია), ცილით შარდში (პროტეინურია), მაღალი არტერიული წნევით, თირკმლის ფუნქციის დარღვევით და ზოგჯერ თირკმლის უკმარისობითაც კი.
