მხრის ამოვარდნილობა
დაავადების აღწერა
მხრის ამოვარნდა ვითარდება მაშინ, როდესაც მხრის ძვალი სასახსრე ღრუდან დისლოცირდება. მხრის სახსარი სხეულში ყველაზე მოძრავი სახსარია, შესაბამისად იგი მიდრეკილია ამოვარდნისკენ.
თუ თქვენ ეჭვი გაქვთ, რომ ამოგივარდათ მხარი, მოითხოვეთ სამედიცინო დახმარება. პაციენტების უმრავლესობას მდგომარეობა სრუალდ უუმჯობესდება რამოდენიმე კვირაში. თუ თქვენ ამოგივარდათ მხარი, სახსარი შესაძლოა გახდეს არამდგრადი და ხშირად ამოვარდეს.
გამომწვევი მიზეზი
მხრის სახსარი ყველაზე ამოვარდნადი სახსარია ორგანიზმში. რადგანაც იგი მოძრაობს რამოდენიმე მიმართულებით, ამოვარდნა შეიძლება განვითარდეს ნებისმიერ მხარეს, სრულად ან ნაწილობრივ. თუმცა ამოვარდნა ყველაზე ხშირად მხრის წინა მხარეს ხდება. მხრის სახსარში შემავალი ძვლების დამაკავშირებელი ფიბროზული ქსოვილი აგრეთვე შეიძლება დაიჭიმოს ან გაიხეს, რაც ართულებს ამოვარდნას.
საჭიროა ძლიერი ძალა, როგორიცაა დარტყმიი დაზიანება მხარში, რათა ამოვარდეს ძვალი თავდაპირველი ადგილიდან. მხრის სახსრის სწრაფმა და გადამეტებულმა მოძრაობამ შეიძლება მხრის ძვლის თავი ამოაგდოს მხრის სასახსრე ღრუდან. ნაწილობრივი ამოვარდის დროს ძვლის თავის ნაწილი სასახსრე ღრუში გარეთ რჩება, ნაწილი კი შიგნით.
მხრის ამოვარდნის მიზეზები:
- სპორტული ტრავმები. მხრის ამოვარდნა ხშირია კონტაქტურ სპორტებში, როგორიცაა: ფეხბურთი და ჰოკეი. ამოვარდნა აგრეთვე ხშირია ისეთ სპორტებში, რომლის დროსაც ხშირია ძირს დაცემა: თხილამურებით სრიალი, ტანვარჯიში და ფრენბურთი.
- არასპორტული ტრავმული დაზიანებები. საგზაო-სატრანსპორტო შემთხვევის შედეგად განვითარებულმა მხრის დაზიანებამ შესაძლოა გამოიწვიოს მისი ამოვარდნა.
- წაქცევა. მხრის ამოვარდნა შესაძლოა განვითარდეს ძირს დაცემისგან, მაგ. კიბიდან ჩამოვარდის შედეგად, ან დაუმაგრებელ ხალიჩაზე ფეხის დაცდენის დროს.
სიმპტომები
სიმპტომები:
- აშკარად დეფორმირებული ან ამოვარდნილი მხარი
- შესიება ან ჩალურჯება
- ინტენსიური ტკივილი
- სახსრის მოძრაობის შეზღუდვა
მხრის ამოვარდნამ შეიძლება გამოიწვიოს გაშეშება, სისუსტე ან ჩხვლეტის შეგრძნება დაზიანებულ ადგილის მიმდებარე ადგილებში, მაგალითდ კისრის ან მკლავის ქვედა ნაწილის არეში. დაზიანების შედეგად შეიძლება განვითარდეს მხრის კუნთების სპაზმები, რაც აძლიერებს ტკივილს.
როდის მივმართოთ ექიმს
თუ აღინიშნება მხრის ამოვარდნა, მოითხოვეთ სამედიცინო დახმარება
სამედიცინო დახმარების მოლოდინში:
- არ გაამოძრავოთ სახსარი. შეიხვიეთ ან გააჩერეთ სახსარი მიმდინარე მდგომარეობაში. არ გაამოძრავოთ მხარი წინ ან უკან თავდაპირველი მდგომარეობის დასაბრუნებლად. ამ მოძრაობებმა შეიძლება დააზიანოს მხრის სახსარი და მის გარშემო არსებული კუნთები, იოგები, ნერვები ან სისხლძარღები.
- ყინულები სახსარზე. მხარზე ყინულების დადებას შეუძლია შეამციროს ტკივილი და შესიება. ყინული აკონტროლებს შინაგან სისხლდენასა და სითხის დაგროვებას სახსრების გარშემო.
