ქოლერა

დაავადების აღწერა

გამომწვევი მიზეზი

სიმპტომები

ადამიანების უმეტესობა, რომელსაც ჰქონია კონტაქტი ქოლერას ბაქტერიასთან (ვიბრიო ქოლერა), არ ხდება ავად და ვერც ხვდება, რომ ბაქტერია მის ორგანიზმში იყო. თუმცა, ეს ადამიანები გამოყოფენ ბაქტერიას განავლით 14დღის განმავლობაში, რაც შესაძლოა დაბინძურებული წყლის მეშვეობით ბაქტერიის გავრცელებაში გადაიზარდოს. ქოლერას უმეტესი სიმპტომატური შემთხვევები გამოიხატება როგორც მსუბუქი ან საშუალო სიმძიმის ფაღარათი, რომელიც რთული გასარჩევია სხვა დროს არსებული ფაღარათისგან.

10დან მხოლოდ 1 ადამიანი ავლენს ქოლერას ტიპიურ ნიშნებსა და სიმპტომებს, უმეტესად ინფიცირებიდან რამდენიმე დღის შემდეგ.

ქოლერას სიმპტომები შესაძლოა იყოს:

• დიარეა. ქოლერასთან ასოცირებული დიარეა მალე იწყება და შესაძლოა გამოიწვიოს სითხის უსწრაფესი კარგვა– 1 ლიტრი 1 საათშიც კი. დიარეულ მასას ძირითადად უფერული, რძისებრი შეხედულება აქვს, რომელიც მოგაგონებთ ბრინჯის ნარეცხ წყალს.
• გულისრევის შეგრძნება და ღებინება. ღებინება განსაკუთრებით ქოლერას ადრეულ სტადიაში გვხვდევა და შესაძლოა საათობით გაგრძელდეს.
• გაუწყლოება. გაუწყლოება შესაძლოა სიმპტომების დაწყებიდან რამდენიმე საათში გამოიხატოს. გააჩნია, რამდენი სითხე დაკარგა ადამიანმა, გაუწყლოება შესაძლოა იყოს მსუბუქი ან მძიმე. მთლიანი სხეულის წონის 10%ზე მეტი სითხის დაკარგვა მიანიშნებს მძიმე გაუწყლოებაზე.
• ქოლერას ნიშნები და სიმპტომები ასევე არის გაღიზიანებადობა, ლეთარგია, თვალების “ჩავარდნა”, პირის სიმშრალე, ძლიერი წყურვილი, მშრალი კანი, რომელიც კარგავს ელასტიურობას, შარდის არარასებობა ან მცირე რაოდენობით გამოყოფა, დაბალი წნევა, არარეგულარული გულისცემა (არითმია).
• გაუწყლოებამ შესაძლოა გამოიწვიოს მინერალების–ელექტროლიტების კარგვა სხეულიდან. ელექტროლიტები სითხის განაწილებას აწესრიგებენ ორგანიზმში. ქოლერას დროს ვითარდება ელექტროლიტური დისბალანსი.
• ელექტროლიტური დისბალანსი
• ელექტროლიტური დისბალანსი იწვევს მძიმე ნიშნებსა და სიმპტომებს, ესენია:
• კუნთის კრუნჩხვები. ეს გამოწვეულია ნატრიუმის, ქლორის და კალიუმის კარგვით.
• შოკი. შოკი გაუწყლოების ყველაზე საშიში გართულებაა. შოკი დგება, როცა სისხლის მოცულობის გამო იკლებს სისხლის წნევა და ჟანგბადის კონცენტრაცია ორგანიზმში. მკურნალობის გარეშე, მძიმე ჰიპოვოლემიური შოკი იწვევს სიკვდილს რამდენიმე წუთშიც კი.

ქოლერას ნიშნები და სიმპტომები ბავშვებში
ზოგადად, ბავშვებს იგივე სიმპტომები აქვთ, როგორიც მოზრდილებს, მაგრამ ისინი განსაკუთრებით ადვილად ავითარებენ სისხლში შაქრის დაბალ დონეს – ჰიპოგლიკემიას, სითხის კარგვის გამო. ამან შეიძლება გამოიწვიოს:

• ცნობიერების ცვლილება
• გულყრები
• კომა

როდის მივმართოთ ექიმს

• ქოლერას რისკი ძალიან მცირეა ინდუსტრიალიზებულ ქვეყნებში. ენდემურ რეგიონებშიც კი დაბალია ქოლერას განვითარების შანსი, თუ მიყვებით უსაფრთხოების ინსტრუქციებს. ამის მიუხედავად, ქოლერას შემთხვევები მაინც ფიქსირდება მსოფლიოში. თუ გაქვთ მძიმე დიარეა, რომელიც ასეთ რეგიონებში მოგზაურობის დროს გაგიჩნდათ, მიმართეთ ექიმს.
• თუ გაქვთ მძიმე დიარეა და ფიქრობთ, რომ ქოლერასთან შესაძლოა გქონოდათ კავშირი, მოითხოვეთ დამხარება დაუყოვნებლივ. მძიმე გაუწყლოება გადაუდებელი მდგომარეობაა, რომელსაც მკურნალობა სჭირდება, გამომწვევი მიზეზის მიუხედავად.