შეშუპება მუხლის არეში
დაავადების აღწერა
შეშუპება მუხლის არეში ვითარდება, როდესაც ჭარბი სითხე გროვდება მუხლის სახსარში ან მის გარშემო. ექიმმა ამ მდგომარეობას შეიძლება მუხლის სახსრის ეფუზია უწოდოს.
მუხლის არეში შეშუპება შეიძლება იყოს ტრავმის, ზედმეტად დატვირთვის ან ფარულად მიმდინარე დაავადების შედეგი. შეშუპების მიზეზის დასადგენად ექიმს შეიძლება დასჭირდეს სითხის ანალიზის ჩატარება ინფექციაზე, დაავადებაზე ან ტრავმაზე.
სითხის გამოღების შემდეგ მცირდება ტკივილი და სიხისტე მუხლის არეში. ექიმის მიერ დასმული დიაგნოზის შემდეგ იწყება შესაბამისი მკურნალობა.
გამომწვევი მიზეზი
ბევრ პრობლემას შეუძლია გამოიწვიოს შეშუპება მუხლის არეში.
ტრავმები
მუხლის დაზიანების დროს შეიძლება დაგროვდეს სითხე. ტრავმები, რომლებიც იწვევენ მუხლის გარშემო სითხის დაგროვებას:
- წინა ჯვარედინი იოგის დაზიანება
- მენისკის დაზიანება
- გაღიზიანება სახსრის გადატვირთვის გამო
- ძვლის მოტეხილობა
დაავადებები და მდგომარეობები
მდგომარეობები და მდგომარეობები, რომლებიც იწვევენ მუხლის სახსარში ან მის გარშემო სითხის დაგროვებას:
- ოსტეროართრიტი
- რევმატოიდული ართრიტი
- ინფექცია
- პოდაგრა
- ფსევდოპოდაგრა
- ბურსიტი
- კისტები
- სიმსვინეები
სიმპტომები
ნიშნები და სიმპტომებია:
- შეშუპება. კვირისტავის გარშემო კანი შეიძლება შეშუპდეს, რაც შესამჩნევია ჯანმრთელ მუხლთან შედარების დროს.
- სიხისტე. როდესაც მუხლის სახსარში ჭარბი სითხეა, თქვენ შეიძლება გაგიჭირდეს მუხლის ბოლომდე მოხრა ან გაშლა.
- ტკივილი. გამომწვევის მიხედვით მუხლი შეიძლება ძალიან მტკივნეული იყოს და გაგიჭირდეთ მასზე დაყრდნობა.
როდის მივმართოთ ექიმს
მიმართეთ ექიმს, თუ:
- თვითმკურნალობის შედეგად მდგომარეობა არ გაუმჯობესდა
- ერთი მუხლი მეორესთან შედარებით წითელი და შეხებისას თბილია
